ਬਿਜ਼ਨੈੱਸ ਡੈਸਕ- ਵਿਆਜ ਦਰਾਂ 'ਚ ਵਾਧੇ ਵਿਚਾਲੇ ਨਿਵੇਸ਼ਕਾਂ ਨੇ ਮਿਊਚਲ ਫੰਡਾਂ ਤੋਂ ਸਤੰਬਰ 'ਚ 65,372 ਕਰੋੜ ਰੁਪਏ ਦੀ ਨਿਕਾਸੀ ਕੀਤੀ। ਐਸੋਸੀਏਸ਼ਨ ਆਫ ਮਿਊਚੁਅਲ ਫੰਡਸ ਇਨ ਇੰਡੀਆ (ਐੱਮਫੀ) ਵੱਲੋਂ ਸੋਮਵਾਰ ਨੂੰ ਜਾਰੀ ਕੀਤੇ ਗਏ ਅੰਕੜਿਆਂ ਮੁਤਾਬਕ ਅਗਸਤ ਵਿੱਚ ਮਿਊਚੁਅਲ ਫੰਡਾਂ ਵਿੱਚ 49,164 ਕਰੋੜ ਰੁਪਏ ਅਤੇ ਜੁਲਾਈ ਵਿੱਚ 4,930 ਕਰੋੜ ਰੁਪਏ ਦਾ ਨਿਵੇਸ਼ ਕੀਤਾ ਗਿਆ। ਇਸ ਤੋਂ ਪਹਿਲਾਂ, ਉੱਚ ਮਹਿੰਗਾਈ ਅਤੇ ਵਧਦੀਆਂ ਵਿਆਜ ਦਰਾਂ ਕਾਰਨ ਨਿਵੇਸ਼ਕਾਂ ਨੇ ਅਪ੍ਰੈਲ-ਜੂਨ ਵਿੱਚ ਮਿਊਚੁਅਲ ਫੰਡਾਂ ਤੋਂ 70,000 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਨਿਕਾਸੀ ਕੀਤੀ ਸੀ।
ਸਤੰਬਰ ਦੌਰਾਨ 16 ਨਿਸ਼ਚਿਤ ਆਮਦਨ ਵਾਲੀਆਂ ਸ਼੍ਰੇਣੀਆਂ ਵਿੱਚੋਂ 12 ਵਿੱਚ ਸ਼ੁੱਧ ਨਿਕਾਸੀ ਹੋਈ। ਤਰਲ, ਮੁਦਰਾ ਬਾਜ਼ਾਰ ਅਤੇ ਬਹੁਤ ਘੱਟ ਮਿਆਦ ਵਾਲੇ ਫੰਡਾਂ ਵਰਗੇ ਖੇਤਰਾਂ ਵਿੱਚ ਸਭ ਤੋਂ ਵੱਧ ਨਿਕਾਸੀ ਹੋਈ ਹੈ। ਉਧਰ ਇਸ ਦੌਰਾਨ ਲੰਬੀ ਮਿਆਦ ਦੇ ਫੰਡਾਂ, ਗਿਲਟ ਫੰਡਾਂ ਵਰਗੀਆਂ ਸ਼੍ਰੇਣੀਆਂ ਵਿੱਚ ਪਿਛਲੇ ਮਹੀਨੇ ਦੇ ਦੌਰਾਨ ਨਿਵੇਸ਼ ਦੇਖਣ ਨੂੰ ਮਿਲਿਆ ਹੈ।
ਮਾਰਨਿੰਗਸਟਾਰ ਇੰਡੀਆ ਦੀ ਸੀਨੀਅਰ ਐਨਾਲਿਸਟ-ਮੈਨੇਜਰ ਰਿਸਰਚ ਕਵਿਤਾ ਕ੍ਰਿਸ਼ਣਨ ਨੇ ਕਿਹਾ, "ਮਈ 2022 ਤੋਂ ਵਧਦੇ ਵਿਆਜ ਦੇ ਮਾਹੌਲ ਕਾਰਨ ਨਿਵੇਸ਼ਕਾਂ ਨੇ ਮਿਊਚੁਅਲ ਫੰਡਾਂ ਤੋਂ ਸ਼ੇਅਰ 'ਚ ਨਿਵੇਸ਼ ਕਰਨ ਦੇ ਪੱਖ 'ਚ ਕਦਮ ਰੱਖਣਾ ਪਸੰਦ ਕੀਤਾ। ਉਧਰ ਦੂਜੇ ਪਾਸੇ ਇਕਵਿਟੀ ਮਿਊਚੁਅਲ ਫੰਡ 'ਚ ਸਤੰਬਰ ਦੇ ਦੌਰਾਨ 14,100 ਕਰੋੜ ਰੁਪਏ ਦਾ ਨਿਵੇਸ਼ ਆਇਆ ਹੈ।
TikTok ਨੂੰ ਟੱਕਰ ਦੇਣ ਲਈ ਗੂਗਲ ਦੀ ਵੱਡੀ ਤਿਆਰੀ, 825 ਕਰੋੜ ਰੁਪਏ ’ਚ ਖ਼ਰੀਦਿਆ ਇਹ ਸਟਾਰਟਅਪ
NEXT STORY 
