ਚੰਡੀਗੜ੍ਹ : ਛੋਟੀ ਉਮਰ ਤੋਂ ਹੀ ਬੱਚਿਆਂ 'ਚ ਉੱਦਮੀ ਭਾਵਨਾ ਪੈਦਾ ਕਰਨ ਦੇ ਮਕਸਦ ਨਾਲ ਪ੍ਰੈਪ ਰਾਈਟ ਇੰਸਟੀਚਿਊਟ, ਪੰਚਕੂਲਾ ਵੱਲੋਂ ਅੱਜ ਸਟ੍ਰਾਬੇਰੀ ਫੀਲਡਜ਼ ਹਾਈ ਸਕੂਲ, ਸੈਕਟਰ-26, ਚੰਡੀਗੜ੍ਹ ਵਿਖੇ ਇੱਕ ਵਿਸ਼ੇਸ਼ ਉੱਦਮਤਾ ਸਮਾਗਮ 'ਕਿਡਪ੍ਰਿਨਿਓਰ' ਕਰਵਾਇਆ ਗਿਆ। ਇਸ ਵਿਲੱਖਣ ਪਹਿਲ ਕਦਮੀ 'ਚ 6 ਤੋਂ 15 ਸਾਲ ਦੀ ਉਮਰ ਦੇ ਉੱਭਰਦੇ ਬਾਲ ਉੱਦਮੀਆਂ ਨੇ ਭਾਗ ਲਿਆ। ਇੱਥੇ ਲਗਾਏ ਗਏ 104 ਸਟਾਲਾਂ ਨੇ ਬੱਚਿਆਂ ਨੂੰ ਆਪਣੀ ਰਚਨਾਤਮਕਤਾ ਅਤੇ ਵਪਾਰਕ ਸਮਝ ਦਾ ਪ੍ਰਦਰਸ਼ਨ ਕਰਨ ਲਈ ਇੱਕ ਢੁਕਵਾਂ ਮੰਚ ਪ੍ਰਦਾਨ ਕੀਤਾ। ਇਨ੍ਹਾਂ ਵਿੱਚੋਂ ਸਭ ਤੋਂ ਵੱਧ ਧਿਆਨ ਖਿੱਚਣ ਵਾਲਾ ਸਟਾਲ 'ਦਿ ਕ੍ਰਿਏਟਿਵ ਬੀਜ਼ ਚਾਰ ਬਾਲ ਉਮਰ ਦੇ ਉੱਦਮੀਆਂ ਅਬੀਰ ਗੋਇਲ, ਰਿਆਨਾ ਗੋਇਲ, ਸੁਹਾਨੀ ਸਿੰਗਲਾ ਅਤੇ ਸੀਆ ਗੋਇਲ ਵੱਲੋਂ ਲਗਾਇਆ ਗਿਆ ਸੀ।
ਇਨ੍ਹਾਂ ਛੋਟੇ ਬੱਚਿਆਂ ਨੇ ਅਨੋਖੀ ਸਟੇਸ਼ਨਰੀ, ਮੋਤੀਆਂ ਵਾਲੇ ਦਿਲ ਦੇ ਆਕਾਰ ਦੇ ਸ਼ੀਸ਼ੇ, ਟਰੈਂਡੀ ਪੈਰਾਕਾਰਡ ਬੈਗ ਚਾਰਮਜ਼, ਹੱਥ ਨਾਲ ਪੇਂਟ ਕੀਤੇ ਪਾਊਚ, ਟੋਟ ਬੈਗ ਅਤੇ ਡੀ. ਆਈ. ਵਾਈ. ਕਿੱਟਾਂ ਵਰਗੀਆਂ ਆਪਣੇ ਰਚਨਾਤਮਕ ਅਤੇ ਖੂਬਸੂਰਤ ਉਤਪਾਦਾਂ ਨਾਲ ਸਭ ਦਾ ਦਿਲ ਜਿੱਤ ਲਿਆ। ਇਸ ਸਮਾਗਮ ਨੇ ਨਾ ਸਿਰਫ ਨਵੀਨਤਾ ਦਾ ਜਸ਼ਨ ਮਨਾਇਆ, ਸਗੋਂ ਬੱਚਿਆਂ ਨੂੰ ਸੁਤੰਤਰ ਤੌਰ 'ਤੇ ਸੋਚਣ, ਮਿਲ ਕੇ ਕੰਮ ਕਰਨ ਅਤੇ ਆਪਣੇ ਵਿਚਾਰਾਂ ਨੂੰ ਹਕੀਕਤ ਵਿੱਚ ਬਦਲਣ ਲਈ ਵੀ ਉਤਸ਼ਾਹਿਤ ਕੀਤਾ।
32 ਡਿਗਰੀ ਤੱਕ ਪੁੱਜੇਗਾ ਪਾਰਾ! ਅਜੇ ਨਹੀਂ ਪਵੇਗੀ ਕੜਾਕੇ ਦੀ ਠੰਡ, ਪੜ੍ਹੋ ਮੌਸਮ ਵਿਭਾਗ ਦੀ ਨਵੀਂ ਭਵਿੱਖਬਾਣੀ
NEXT STORY 
