ਨਵੀਂ ਦਿੱਲੀ, (ਵਾਰਤਾ)— ਜਿਓ ਦੇ ਸ਼ੌਕੀਨਾਂ ਲਈ ਚੰਗੀ ਖ਼ਬਰ ਹੈ। ਆਈ. ਪੀ. ਐੱਲ. ਸ਼ੁਰੂ ਹੋਣ ਵਾਲਾ ਹੈ ਅਤੇ ਇਸ ਦੇ ਨਾਲ ਹੀ ਕ੍ਰਿਕਟ ਦਾ ਬੁਖ਼ਾਰ ਦੇਸ਼ ਦੇ ਸਿਰ ਚੜ੍ਹਨ ਲੱਗਾ ਹੈ। ਕੋਰੋਨਾ ਸੰਕਟ ਦੇ ਦੌਰ 'ਚ ਕ੍ਰਿਕਟ ਪ੍ਰੇਮੀ ਘਰ ਬੈਠੇ ਆਈ. ਪੀ. ਐੱਲ. ਦੇਖਣ ਦਾ ਮਜ਼ਾ ਲੈ ਸਕਣ ਇਸ ਲਈ ਜਿਓ ਨੇ ਆਗਾਮੀ ਕ੍ਰਿਕਟ ਸੀਜ਼ਨ ਯਾਨੀ ਆਈ. ਪੀ. ਐੱਲ. ਲਈ ਕਈ ਨਵੇਂ ਟੈਰਿਫ ਪਲਾਨਸ ਦੀ ਘੋਸ਼ਣਾ ਕੀਤੀ ਹੈ।
'ਜਿਓ ਕ੍ਰਿਕਟ ਪਲਾਨਸ' ਤਹਿਤ ਲਾਂਚ ਕੀਤੇ ਗਏ, ਇਨ੍ਹਾਂ ਪਲਾਨਸ 'ਚ ਡਾਟਾ ਅਤੇ ਕਾਲਿੰਗ ਦੇ ਨਾਲ ਇਕ ਸਾਲ ਦੇ ਡਿਜ਼ਨੀ+ ਅਤੇ ਹੌਟਸਟਾਰ VIP ਦਾ ਸਬਸਕ੍ਰਿਪਸ਼ਨ ਮਿਲੇਗਾ। ਇਸ ਸਬਸਕ੍ਰਿਪਸ਼ਨ ਦੀ ਕੀਮਤ 399 ਰੁਪਏ ਹੈ। ਜਿਓ ਕ੍ਰਿਕਟ ਪਲਾਨਸ 'ਚ ਕ੍ਰਿਕਟ ਪ੍ਰੇਮੀ ਡਿਜ਼ਨੀ+ ਹੌਟਸਟਾਰ ਐਪ 'ਤੇ ਮੁਫਤ ਲਾਈਵ ਡ੍ਰੀਮ 11 ਆਈ. ਪੀ. ਐੱਲ. ਮੈਚ ਦੇਖ ਸਕਦੇ ਹਨ। ਇਹ ਪਲਾਨਸ ਇਕ ਮਹੀਨੇ ਤੋਂ ਲੈ ਕੇ ਇਕ ਸਾਲ ਤੱਕ ਦੀ ਵੈਲਡਿਟੀ ਵਾਲੇ ਪ੍ਰੀਪੇਡ ਪਲਾਨਸ ਹਨ। ਖ਼ਾਸ ਗੱਲ ਇਹ ਹੈ ਕਿ ਪਲਾਨ ਦੀ ਵੈਲਡਿਟੀ ਕਿੰਨੀ ਵੀ ਹੋਵੇ ਡਿਜ਼ੀਨ+ਹੌਟਸਟਾਰ ਦਾ ਸਬਸਕ੍ਰਿਪਸ਼ਨ ਪੂਰੇ ਸਾਲ ਭਰ ਲਈ ਮਿਲੇਗਾ। ਜਿਓ ਕ੍ਰਿਕਟ ਪਲਾਨ 'ਚ 401 ਰੁਪਏ ਤੋਂ ਸ਼ੁਰੂ ਹੋ ਕੇ ਇਹ ਪਲਾਨਸ 2,999 ਰੁਪਏ ਤੱਕ ਜਾਂਦੇ ਹਨ। 28 ਦਿਨ ਦੀ ਵੈਲਡਿਟੀ ਵਾਲੇ 401 ਰੁਪਏ ਦੇ ਪਲਾਨ 'ਚ ਰੋਜ਼ਾਨਾ 3ਜੀਬੀ ਡਾਟਾ ਮਿਲੇਗਾ।
ਹੋਰ ਪਲਾਨਸ-
ਉੱਥੇ ਹੀ, 598 ਰੁਪਏ ਵਾਲੇ ਪਲਾਨ 'ਚ 2ਜੀਬੀ ਡਾਟਾ ਰੋਜ਼ਾਨਾ ਮਿਲੇਗਾ ਅਤੇ ਉਸ ਦੀ ਵੈਲਡਿਟੀ 56 ਦਿਨਾਂ ਦੀ ਹੋਵੇਗੀ। 84 ਦਿਨਾਂ ਦੀ ਵੈਲਡਿਟੀ ਵਾਲੇ ਪਲਾਨ ਦੀ ਕੀਮਤ 777 ਰੁਪਏ ਰੱਖੀ ਗਈ ਹੈ। ਇਸ ਪਲਾਨ 'ਚ 1.5 ਜੀਬੀ ਡਾਟਾ ਰੋਜ਼ਾਨਾ ਖਰਚ ਕੀਤਾ ਜਾ ਸਕੇਗਾ। ਇਸ ਤੋਂ ਇਲਾਵਾ ਸਾਲਾ ਦਾ ਪਲਾਨ ਵੀ ਹੈ, ਜਿਸ ਦੀ ਕੀਮਤ 2,999 ਰੁਪਏ ਹੈ, ਇਸ ਪਲਾਨ 'ਚ ਗਾਹਕ ਨੂੰ ਹਰ ਦਿਨ 2 ਜੀਬੀ ਡਾਟਾ ਮਿਲੇਗਾ। ਬਾਲ ਦਰ ਬਾਲ ਪੂਰੇ ਮੈਚ ਨੂੰ ਕਈ ਵਾਰ ਦੇਖਣ ਦੇ ਸ਼ੌਕੀਨਾਂ ਲਈ ਜਿਓ ਕ੍ਰਿਕਟ ਪਲਾਨਸ 'ਚ ਡਾਟਾ ਐਡ-ਆਨ ਦੀ ਸੁਵਿਧਾ ਵੀ ਉਪਲਬਧ ਹੈ। 499 ਰੁਪਏ 'ਚ 1.5 ਜੀਬੀ ਡਾਟਾ ਰੋਜ਼ਾਨਾ ਦਾ ਟਾਪ-ਅਪ ਮਿਲ ਜਾਏਗਾ, ਜਿਸ ਦੀ ਵੈਲਡਿਟੀ 56 ਦਿਨਾਂ ਦੀ ਰਹੇਗੀ। ਐਡ-ਆਨ ਪਲਾਨ ਮੌਜੂਦਾ ਪਲਾਨਸ ਨਾਲ ਵੀ ਲਿਆ ਜਾ ਸਕਦਾ ਹੈ। ਇਸ 'ਚ ਡਾਟਾ ਦੇ ਨਾਲ 1 ਸਾਲ ਤੱਕ ਲਈ ਡਿਜ਼ਨੀ+ ਹੌਟਸਟਾਰ ਐਪ ਦੀ ਸਬਸਕ੍ਰਿਪਸ਼ਨ ਵੀ ਮਿਲੇਗੀ।
ਇੰਗਲੈਂਡ ਤੋਂ ਆਸਟਰੇਲੀਆ-ਇੰਗਲੈਂਡ ਦੇ 21 ਖਿਡਾਰੀ ਸਿੱਧੇ 17 ਨੂੰ ਪਹੁੰਚਣਗੇ ਦੁਬਈ
NEXT STORY 
