ਵੈੱਬ ਡੈਸਕ - ਵਾਸਤੂ ਅਤੇ ਸ਼ਾਸਤਰਾਂ ਅਨੁਸਾਰ, ਸਾਡੇ ਘਰ ਦੀ ਹਰ ਦਿਸ਼ਾ ਸਾਡੇ ਜੀਵਨ 'ਤੇ ਡੂੰਘਾ ਪ੍ਰਭਾਵ ਪਾਉਂਦੀ ਹੈ। ਸਰੋਤਾਂ ਦੇ ਅਧਾਰ 'ਤੇ ਤਿਆਰ ਕੀਤੀ ਗਈ ਇਹ ਰਿਪੋਰਟ ਤੁਹਾਨੂੰ ਦੱਸੇਗੀ ਕਿ ਘਰ 'ਚ ਨਕਾਰਾਤਮਕ ਸ਼ਕਤੀਆਂ ਦੇ ਆਉਣ ਦੇ ਮੁੱਖ ਕਾਰਨ ਕੀ ਹਨ ਅਤੇ ਤੁਸੀਂ ਕਿਵੇਂ ਸੁਚੇਤ ਰਹਿ ਸਕਦੇ ਹੋ।
ਦਿਸ਼ਾਵਾਂ ਦਾ ਮਹੱਤਵ ਅਤੇ ਨਕਾਰਾਤਮਕਤਾ ਦਾ ਪ੍ਰਵੇਸ਼
ਸ਼ਾਸਤਰਾਂ ਅਨੁਸਾਰ, ਉੱਤਰ-ਪੂਰਬ (ਈਸ਼ਾਨ ਕੋਣ) ਨੂੰ ਦੈਵੀ ਸ਼ਕਤੀਆਂ ਦਾ ਸਥਾਨ ਮੰਨਿਆ ਜਾਂਦਾ ਹੈ, ਜਦੋਂ ਕਿ ਦੱਖਣ-ਪੱਛਮ ਦਿਸ਼ਾ 'ਚ ਨਕਾਰਾਤਮਕ ਸ਼ਕਤੀਆਂ ਦਾ ਪ੍ਰਭਾਵ ਵਧੇਰੇ ਹੁੰਦਾ ਹੈ। ਜੇਕਰ ਘਰ ਦੇ ਪੂਰਬੀ ਹਿੱਸੇ ਤੋਂ ਸੂਰਜ ਦੀਆਂ ਕਿਰਨਾਂ ਦੇ ਆਉਣ 'ਚ ਰੁਕਾਵਟ ਹੋਵੇ ਜਾਂ ਉੱਤਰ-ਪੂਰਬ ਦਿਸ਼ਾ ਵਿੱਚ ਪਾਣੀ ਦਾ ਸਥਾਨ ਦੂਸ਼ਿਤ ਹੋਵੇ, ਤਾਂ ਉੱਥੇ ਨਕਾਰਾਤਮਕ ਊਰਜਾ ਆਪਣਾ ਵਾਸ ਬਣਾ ਲੈਂਦੀ ਹੈ।
ਘਰ 'ਚ ਨਕਾਰਾਤਮਕ ਊਰਜਾ ਦੇ ਮੁੱਖ ਸੰਕੇਤ :
ਸੂਰਜ ਦੀ ਰੌਸ਼ਨੀ ਦੀ ਘਾਟ
- ਜਿਸ ਸਥਾਨ 'ਤੇ 43 ਦਿਨਾਂ ਤੱਕ ਸੂਰਜ ਦੀਆਂ ਕਿਰਨਾਂ ਨਾ ਪਹੁੰਚਣ ਅਤੇ ਕੰਧਾਂ 'ਤੇ ਸਿੱਲ੍ਹ (ਨਮੀ) ਦੇ ਕਾਰਨ ਬਦਬੂ ਆਉਂਦੀ ਹੋਵੇ, ਅਜਿਹੀਆਂ ਥਾਵਾਂ 'ਤੇ ਬੁਰੀਆਂ ਸ਼ਕਤੀਆਂ ਦਾ ਨਿਵਾਸ ਹੋ ਸਕਦਾ ਹੈ।
ਗਲਤ ਸਥਾਨ 'ਤੇ ਨਿਰਮਾਣ
- ਜੇਕਰ ਘਰ ਪੂਰਵਜਾਂ ਦੇ ਮਰਘਟ (ਸ਼ਮਸ਼ਾਨ ਘਾਟ) ਵਾਲੀ ਜ਼ਮੀਨ 'ਤੇ ਬਣਿਆ ਹੋਵੇ, ਜਾਂ ਪਿੱਪਲ ਅਤੇ ਬੋਹੜ ਦੇ ਦਰੱਖਤਾਂ ਨੂੰ ਕੱਟ ਕੇ ਬਣਾਇਆ ਗਿਆ ਹੋਵੇ, ਤਾਂ ਉੱਥੇ ਨਕਾਰਾਤਮਕਤਾ ਦਾ ਪ੍ਰਭਾਵ ਰਹਿੰਦਾ ਹੈ।
ਗਲੀ ਦਾ ਆਖਰੀ ਘਰ
- ਉਹ ਘਰ ਜੋ ਕਿਸੇ ਕਾਲੋਨੀ ਜਾਂ ਸੜਕ ਦੇ ਬਿਲਕੁਲ ਅਖੀਰ 'ਚ ਹੋਵੇ ਅਤੇ ਜਿਸ ਤੋਂ ਅੱਗੇ ਰਸਤਾ ਬੰਦ ਹੋ ਜਾਂਦਾ ਹੋਵੇ, ਉੱਥੇ ਵੀ ਨਕਾਰਾਤਮਕ ਸ਼ਕਤੀਆਂ ਦਾ ਵਾਸ ਹੋਣ ਦੀ ਸੰਭਾਵਨਾ ਰਹਿੰਦੀ ਹੈ।
ਜੀਵਨ ਸ਼ੈਲੀ ਅਤੇ ਸਫਾਈ ਦਾ ਪ੍ਰਭਾਵ
- ਘਰ 'ਚ ਸਫਾਈ ਦੀ ਘਾਟ ਨਕਾਰਾਤਮਕਤਾ ਨੂੰ ਸਭ ਤੋਂ ਵੱਧ ਸੱਦਾ ਦਿੰਦੀ ਹੈ। ਇਸ ਤੋਂ ਇਲਾਵਾ, ਜਿਸ ਪਰਿਵਾਰ 'ਚ ਲੋਕ ਅਕਸਰ ਬਿਮਾਰ ਰਹਿੰਦੇ ਹਨ, ਉੱਥੇ ਵੀ ਨਕਾਰਾਤਮਕ ਊਰਜਾ ਆਪਣਾ ਸਾਮਰਾਜ ਸਥਾਪਿਤ ਕਰ ਲੈਂਦੀ ਹੈ। ਘਰ ਜਾਂ ਕਾਰੋਬਾਰ 'ਚ ਰੌਸ਼ਨੀ ਅਤੇ ਪਾਣੀ ਦਾ ਸਹੀ ਪ੍ਰਬੰਧ ਨਾ ਹੋਣਾ ਵੀ ਨੁਕਸਾਨਦੇਹ ਸਾਬਤ ਹੁੰਦਾ ਹੈ।
ਰਾਤ ਨੂੰ ਸੁਗੰਧਿਤ ਚੀਜ਼ਾਂ ਦੀ ਵਰਤੋਂ ਤੋਂ ਬਚੋ
- ਇਕ ਮਹੱਤਵਪੂਰਨ ਜਾਣਕਾਰੀ ਅਨੁਸਾਰ, ਰਾਤ ਨੂੰ ਸੌਣ ਤੋਂ ਪਹਿਲਾਂ ਇਤਰ ਜਾਂ ਡੀਓ ਲਗਾਉਣਾ ਨਕਾਰਾਤਮਕ ਸ਼ਕਤੀਆਂ ਨੂੰ ਆਕਰਸ਼ਿਤ ਕਰ ਸਕਦਾ ਹੈ। ਪੁਰਾਣਾਂ ਅਨੁਸਾਰ, ਨਕਾਰਾਤਮਕ ਸ਼ਕਤੀਆਂ ਰਾਤ ਦੇ ਸਮੇਂ ਸੁਗੰਧਿਤ ਸਰੀਰ ਵੱਲ ਤੇਜ਼ੀ ਨਾਲ ਖਿੱਚੀਆਂ ਜਾਂਦੀਆਂ ਹਨ।
ਘਰ ਦਾ ਫਰਨੀਚਰ ਬਦਲ ਸਕਦਾ ਹੈ ਤੁਹਾਡੀ ਕਿਸਮਤ, ਬਸ ਵਾਸਤੂ ਮੁਤਾਬਕ ਕਰ ਲਓ ਇਹ ਕੰਮ
NEXT STORY 
