ਵੈੱਬ ਡੈਸਕ - ਵਾਸਤੂ ਸ਼ਾਸਤਰ ਭਾਰਤ ਦਾ ਪ੍ਰਾਚੀਨ ਵਿਗਿਆਨ ਹੈ ਜੋ ਘਰ, ਦਫ਼ਤਰ ਅਤੇ ਹੋਰ ਥਾਵਾਂ ਦੀ ਸੱਚਾਈ ਅਤੇ ਢਾਂਚੇਬੰਦੀ ਨੂੰ ਪੰਚ ਤੱਤਾਂ (ਭੂਮੀ, ਜਲ, ਅੱਗ, ਹਵਾ, ਅਤੇ ਆਕਾਸ਼) ਅਤੇ ਦਿਸ਼ਾਵਾਂ ਦੇ ਸੰਤੁਲਨ ਅਨੁਸਾਰ ਵਧੀਆ ਢੰਗ ਨਾਲ ਆਯੋਜਿਤ ਕਰਨ ਦੇ ਸਿਧਾਂਤ ਸਿਖਾਉਂਦਾ ਹੈ। ਇਸ ਦਾ ਮਕਸਦ ਜੀਵਨ ਵਿਚ ਸਕਾਰਾਤਮਕ ਊਰਜਾ ਦਾ ਪ੍ਰਵਾਹ ਬਣਾਉਣਾ, ਤਨਾਵ ਅਤੇ ਨਕਾਰਾਤਮਕਤਾ ਨੂੰ ਘਟਾਉਣਾ ਹੈ, ਜਿਸ ਨਾਲ ਆਰਥਿਕ ਤਰੱਕੀ, ਸਿਹਤ, ਅਤੇ ਸੁੱਖ-ਸ਼ਾਂਤੀ ਪ੍ਰਾਪਤ ਕੀਤੀ ਜਾ ਸਕੇ। ਇਸ ਲੇਖ ਰਾਹੀਂ ਅਸੀਂ ਦੱਸਣ ਜਾ ਰਹੇ ਹਾਂ ਕਿ ਵਾਸਤੂ ਅਨੁਸਾਰ ਸਾਨੂੰ ਕਿਹੜੀਆਂ ਚੀਜ਼ਾਂ ਦਾ ਮੁੱਖ ਧਿਆਨ ਰੱਖਣਾ ਚਾਹੀਦਾ ਹੈ।
ਮੁ੍ਖ ਦਰਵਾਜ਼ੇ ਦੀ ਸਾਫ-ਸਫਾਈ
- ਮੁੱਖ ਦਰਵਾਜ਼ਾ ਘਰ ਦਾ ਸਭ ਤੋਂ ਮਹੱਤਵਪੂਰਨ ਸਥਾਨ ਹੁੰਦਾ ਹੈ। ਇਸ ਦੀ ਸਾਫ਼-ਸਫ਼ਾਈ ਦਾ ਵਿਸ਼ੇਸ਼ ਧਿਆਨ ਰੱਖੋ, ਕਿਉਂਕਿ ਗੰਦਗੀ ਨਕਾਰਾਤਮਕ ਊਰਜਾ ਦਾ ਕਾਰਨ ਬਣ ਸਕਦੀ ਹੈ, ਜੋ ਆਰਥਿਕ ਤੰਗੀ ਅਤੇ ਤਰੱਕੀ ਵਿਚ ਰੁਕਾਵਟ ਪੈਦਾ ਕਰਦੀ ਹੈ।
ਟੁੱਟੀਆਂ ਚੀਜ਼ਾਂ ਨੂੰ ਹਟਾਓ
- ਘਰ ਵਿਚ ਟੁੱਟੇ ਹੋਏ ਫੋਟੋ ਫਰੇਮ, ਬੰਦ ਪਈਆਂ ਘੜੀਆਂ, ਫਟੇ-ਪੁਰਾਣੇ ਕੱਪੜੇ ਜਾਂ ਖਰਾਬ ਇਲੈਕਟ੍ਰੋਨਿਕ ਸਾਮਾਨ ਨਹੀਂ ਰੱਖਣੇ ਚਾਹੀਦੇ। ਇਨ੍ਹਾਂ ਨਾਲ ਨਕਾਰਾਤਮਕ ਊਰਜਾ ਵਧਦੀ ਹੈ ਅਤੇ ਪਰਿਵਾਰ ਵਿਚ ਕਲੇਸ਼ ਪੈਦਾ ਹੁੰਦਾ ਹੈ।
ਚਾਂਦੀ ਦਾ ਸਿੱਕਾ ਰੱਖੋ
- ਜੇਕਰ ਮਿਹਨਤ ਦੇ ਬਾਵਜੂਦ ਸਫਲਤਾ ਨਹੀਂ ਮਿਲ ਰਹੀ, ਤਾਂ ਘਰ ਦੀ ਉੱਤਰ ਦਿਸ਼ਾ ਵਿਚ ਕੱਚ ਦੇ ਬੋਲ ਵਿਚ ਚਾਂਦੀ ਦਾ ਸਿੱਕਾ ਰੱਖੋ। ਇਹ ਆਰਥਿਕ ਹਾਲਤ ਨੂੰ ਸੁਧਾਰਨ ਵਿਚ ਮਦਦਗਾਰ ਹੁੰਦਾ ਹੈ।
ਗਣੇਸ਼ ਜੀ ਅਤੇ ਲਕਸ਼ਮੀ ਜੀ ਦੀ ਮੂਰਤੀ
- ਘਰ ਦੇ ਪੂਰਬ-ਉੱਤਰ ਕੋਨੇ ਵਿਚ ਗਣੇਸ਼ ਜੀ ਅਤੇ ਦੇਵੀ ਲਕਸ਼ਮੀ ਦੀ ਮੂਰਤੀ ਸਥਾਪਿਤ ਕਰੋ ਅਤੇ ਨਿਯਮਿਤ ਪੂਜਾ ਕਰੋ। ਇਸ ਨਾਲ ਘਰ ਵਿਚ ਖੁਸ਼ਹਾਲੀ ਅਤੇ ਤਰੱਕੀ ਆਉਂਦੀ ਹੈ।
ਬਾਂਸ ਦਾ ਪੌਦਾ ਲਗਾਓ
- ਵਾਸਤੂ ਸ਼ਾਸਤਰ ਵਿਚ ਬਾਂਸ ਦੇ ਪੌਦੇ ਨੂੰ ਜੀਵਨ ਵਿਚ ਸਕਾਰਾਤਮਕਤਾ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। ਇਸ ਨੂੰ ਘਰ ਦੀ ਉੱਤਰ-ਪੂਰਬ ਦਿਸ਼ਾ ਵਿਚ ਰੱਖਣ ਨਾਲ ਕਿਸਮਤ ਚਮਕਦੀ ਹੈ।
ਰਸੋਈ ਵਿਚ ਸਫਾਈ ਅਤੇ ਸਹੀ ਸਾਜੋ-ਸਾਮਾਨ
- ਰਸੋਈ ਵਿਚ ਟੁੱਟੇ ਹੋਏ ਬਰਤਨ ਜਾਂ ਖਰਾਬ ਸਮਾਨ ਨਹੀਂ ਰੱਖਣਾ ਚਾਹੀਦਾ। ਇਹ ਘਰ ਵਿਚ ਨਕਾਰਾਤਮਕ ਊਰਜਾ ਲਿਆਉਂਦੇ ਹਨ। ਸਾਫ਼-ਸੁਥਰੀ ਅਤੇ ਸਹੀ ਤਰੀਕੇ ਨਾਲ ਸਜਾਈ ਰਸੋਈ ਘਰ ਵਿਚ ਸੁੱਖ-ਸ਼ਾਂਤੀ ਲਿਆਉਂਦੀ ਹੈ।
ਇਨ੍ਹਾਂ ਵਾਸਤੂ ਟਿਪਸ ਨੂੰ ਅਪਣਾ ਕੇ ਤੁਸੀਂ ਆਪਣੇ ਘਰ ਵਿੱਚ ਸੁੱਖ-ਸ਼ਾਂਤੀ ਅਤੇ ਤਰੱਕੀ ਲਿਆ ਸਕਦੇ ਹੋ।
ਦੋਸਤਾਂ ਜਾਂ ਰਿਸ਼ਤੇਦਾਰ ਨੂੰ ਭੁੱਲ ਕੇ ਵੀ ਨਾ ਦਿਓ ਇਹ ਤੋਹਫ਼ੇ
NEXT STORY 
