ਜਲੰਧਰ (ਵੀਰੇਂਦਰ ਸ਼ਰਮਾ) : ਉਂਝ ਤਾਂ ਕੋਰੋਨਾ ਦਾ ਕਹਿਰ ਭਾਰਤ ਦੇ ਹਰ ਸ਼ਹਿਰ ਅਤੇ ਪਿੰਡ ਨੂੰ ਪ੍ਰਭਾਵਿਤ ਕਰ ਰਿਹਾ ਹੈ ਪਰ ਸਰਹੱਦੀ ਖੇਤਰਾਂ 'ਚ ਰਹਿ ਰਹੇ ਦੇਸ਼ਵਾਸੀ, ਜੋ ਪਹਿਲਾਂ ਤੋਂ ਹੀ ਪਾਕਿਸਤਾਨ ਦੀ ਗੋਲੀਬਾਰੀ ਅਤੇ ਅੱਤਵਾਦ ਦੀ ਮਾਰ ਝੱਲ ਰਹੇ ਹਨ, ਉਨ੍ਹਾਂ ਦੀਆਂ ਮੁਸੀਬਤਾਂ ਇਸ ਬਿਮਾਰੀ ਕਾਰਨ ਪਹਿਲਾਂ ਤੋਂ ਕਿਤੇ ਜ਼ਿਆਦਾ ਵੱਧ ਗਈਆਂ ਹਨ।
ਪੰਜਾਬ ਕੇਸਰੀ ਤੋਂ ਪਿਛਲੇ 20 ਸਾਲਾਂ ਤੋਂ ਲਗਾਤਾਰ ਅਜਿਹੇ ਲੋਕਾਂ ਦੀ ਸਹਾਇਤਾ ਲਈ ਰਾਹਤ ਸਮੱਗਰੀ ਭੇਜਣ ਦੀ ਮੁਹਿੰਮ ਚਲਾਈ ਜਾ ਰਹੀ ਹੈ। ਕੋਰੋਨਾ ਕਾਲ 'ਚ ਰਾਹਤ ਸਮੱਗਰੀ ਵੰਡਣ ਵਾਲੀ ਟੀਮ 'ਤੇ ਵੀ ਸੰਕਰਮਣ ਦਾ ਖ਼ਤਰਾ ਬਰਕਰਾਰ ਹੈ ਪਰ ਸ਼੍ਰੀ ਵਿਜੈ ਕੁਮਾਰ ਚੋਪੜਾ ਜੀ ਦੀ ਪ੍ਰੇਰਣਾ ਦੇ ਚੱਲਦੇ ਇਸ ਸੰਕਟ ਦੇ ਦੌਰ 'ਚ ਵੀ ਦਾਨੀ ਸੱਜਣਾਂ ਦੇ ਸਹਿਯੋਗ ਨਾਲ ਇਹ ਸਿਲਸਿਲਾ ਜਾਰੀ ਹੈ।
ਕੁੱਝ ਸਮਾਂ ਪਹਿਲਾਂ ਤੱਕ ਇਹ ਰਾਹਤ ਸਮੱਗਰੀ ਸਿਰਫ ਜੰਮੂ-ਕਸ਼ਮੀਰ ਦੇ ਨਾਲ ਲੱਗਦੀ ਸਰਹੱਦ 'ਤੇ ਲੱਗਦੇ ਪਿੰਡਾਂ ਦੇ ਨਾਗਰਿਕਾਂ ਨੂੰ ਹੀ ਭੇਜੀ ਜਾਂਦੀ ਸੀ ਪਰ ਹੁਣ ਪੰਜਾਬ ਦੇ ਨਾਲ ਲੱਗਦੀ ਪਾਕਿਸਤਾਨ ਦੀ ਸਰਹੱਦ ਦੇ ਨਜ਼ਦੀਕ ਰਹਿਣ ਵਾਲੇ ਉਨ੍ਹਾਂ ਲੋਕਾਂ ਤੱਕ ਵੀ ਭੇਜੀ ਜਾ ਰਹੀ ਹੈ, ਜਿਹੜੇ ਪਾਕਿਸਤਾਨ ਦੀਆਂ ਨਾਪਾਕ ਹਰਕਤਾਂ ਦੇ ਕਾਰਨ ਮੁਸੀਬਤਾਂ ਦਾ ਸਾਹਮਣਾ ਤਾਂ ਕਰ ਰਹੇ ਹਨ ਪਰ ਨਿਡਰਤਾ ਦੇ ਨਾਲ ਆਪਣੀ ਜੱਦੀ ਜ਼ਮੀਨ 'ਤੇ ਡਟੇ ਹੋਏ ਹਨ ਅਤੇ ਸੁਰੱਖਿਆ ਬਲਾਂ ਦੇ ਨਾਲ ਮਿਲ ਕੇ ਪਾਕਿਸਤਾਨ ਦਾ ਮੁਕਾਬਲਾ ਕਰਣ ਨੂੰ ਤਿਆਰ ਰਹਿੰਦੇ ਹਨ।
ਇਸ ਕੜੀ 'ਚ ਪਿਛਲੇ ਦਿਨੀਂ ਜ਼ਿਲ੍ਹਾ ਗੁਰਦਾਸਪੁਰ ਦੇ ਹਲਕੇ ਦੀਨਾਨਗਰ ਅਧੀਨ ਪੈਂਦੇ ਰਾਵੀ ਨਦੀ ਦੇ ਕੰਡੇ ਲੱਗਦੇ ਸਰਹੱਦੀ ਛੋਟੇ ਜਿਹੇ ਪਿੰਡ ਚੰਡੀਗੜ੍ਹ 'ਚ ਰਾਹਤ ਸਮੱਗਰੀ ਦੇ 570ਵੇਂ ਟਰੱਕ ਦੀ ਰਾਹਤ ਸਮੱਗਰੀ ਵੰਡੀ ਗਈ। ਇਸ ਟਰੱਕ 'ਚ ਭੇਜੀ ਗਈ ਰਾਹਤ ਸਮੱਗਰੀ ਜਲਾਲਾਬਾਦ ਦੇ ਦਾਨੀ ਸੱਜਣਾਂ ਵੱਲੋਂ ਹਰੀਸ਼ ਸੇਤੀਆ ਅਤੇ ਉਨ੍ਹਾਂ ਦੇ ਸਹਿਯੋਗੀਆਂ ਵੱਲੋਂ ਭੇਂਟ ਕੀਤੀ ਗਈ ਸੀ, ਜੋ ਚੰਡੀਗੜ੍ਹ ਅਤੇ ਆਲੇ ਦੁਆਲੇ ਦੇ ਪਿੰਡਾਂ ਦੇ 300 ਪਰਿਵਾਰਾਂ ਨੂੰ ਭੇਂਟ ਕੀਤੀ ਗਈ। ਭੇਜੀ ਗਈ ਸਮੱਗਰੀ 'ਚ ਕਣਕ, ਚਾਵਲ ਅਤੇ ਬਿਸਕੁਟ ਵੀ ਸ਼ਾਮਲ ਸਨ।
ਪਿਛਲੇ ਦਿਨ ਰਾਹਤ ਸਮੱਗਰੀ ਦਾ ਇਹ ਟਰੱਕ ਸ਼੍ਰੀ ਵਿਜੈ ਕੁਮਾਰ ਚੋਪੜਾ ਵੱਲੋਂ ਆਪਣੇ ਕਰ ਕਮਲਾਂ ਤੋਂ ਰਵਾਨਾ ਕੀਤਾ ਗਿਆ। ਇਸ ਮੌਕੇ ਪ੍ਰੇਮ ਕੰਬੋਜ, ਮਨੀਸ਼ ਮਲੂਜਾ, ਅਨੁ ਵਰਮਾ, ਹਰੀਸ਼ ਸੇਤੀਆ ਅਤੇ ਸਮੱਗਰੀ ਵੰਡ ਮੁਹਿੰਮ ਦੇ ਪ੍ਰਮੁੱਖ ਵੀਰੇਂਦਰ ਸ਼ਰਮਾ ਵੀ ਮੌਜੂਦ ਸਨ। 570ਵੇਂ ਟਰੱਕ ਦੀ ਰਾਹਤ ਸਮੱਗਰੀ ਦਾ ਵੰਡ ਸੀ. ਆਰ. ਪੀ. ਐੱਫ. ਰਿਟਾਇਰਡ ਪਰਸਨ ਐੱਸੋ. ਪੰਜਾਬ ਦੇ ਪ੍ਰਧਾਨ ਸੁਲਿੰਦਰ ਸਿੰਘ ਕੰਡੀ, ਇੰਸਪੈਕਟਰ ਰਾਜ ਸਿੰਘ ਅਤੇ ਜੋਧ ਸਾਬਕਾ ਸਰਪੰਚ ਜੋਧ ਸਿੰਘ ਦੇ ਸਹਿਯੋਗ ਵਲੋਂ ਪੰਜਾਬ ਕੇਸਰੀ ਦੀ ਟੀਮ ਦੇ ਮੈਬਰਾਂ ਦੀ ਹਾਜ਼ਰੀ 'ਚ ਕੀਤਾ ਗਿਆ।
ਸਰਹੱਦੀ ਖੇਤਰਾਂ 'ਚ ਵੰਡ ਕਰਣ ਲਈ ਜਲਾਲਾਬਾਦ ਦੇ ਦਾਨੀ ਸੱਜਣਾਂ ਵੱਲੋਂ ਭੇਜੀ ਗਈ ਰਾਹਤ ਸਮੱਗਰੀ ਦੇ ਟਰੱਕ ਨੂੰ ਰਵਾਨਾ ਕਰਦੇ ਹੋਏ ਸ਼੍ਰੀ ਵਿਜੈ ਕੁਮਾਰ ਚੋਪੜਾ, ਨਾਲ ਹਨ ਹਰੀਸ਼ ਸੇਤੀਆ, ਪ੍ਰੇਮ ਕੰਬੋਜ, ਮਨੀਸ਼ ਮਲੂਜਾ, ਅਨੁ ਵਰਮਾ ਅਤੇ ਸਮੱਗਰੀ ਵੰਡ ਮੁਹਿੰਮ ਦੇ ਪ੍ਰਮੁੱਖ ਵੀਰੇਂਦਰ ਸ਼ਰਮਾ ਯੋਗੀ।
ਭਾਜਪਾ ਨੂੰ ਅੱਖਾਂ ਦਿਖਾਉਣ ਲਈ ਸੁਖਬੀਰ ਨੇ ਜਥੇਦਾਰ ਤੋਂ ਦਿਵਾਇਆ ਖਾਲਿਸਤਾਨ ਦਾ ਬਿਆਨ : ਸੇਖਵਾਂ
NEXT STORY 
