ਲੋਹੀਆਂ ਖ਼ਾਸ, (ਮਨਜੀਤ)- ਸਥਾਨਕ ਥਾਣੇ ਦੀ ਪੁਲਸ ਵਲੋਂ ਐੱਸ. ਐੱਚ. ਓ . ਸੁਖਦੇਵ ਸਿੰਘ ਦੀ ਦੇਖ-ਰੇਖ ਹੇਠ ਵੱਖ-ਵੱਖ ਥਾਵਾਂ ਤੋਂ ਪੁਲਸ ਪਾਰਟੀਆਂ ਵੱਲੋਂ ਇਕੋਂ ਪਿੰਡ ਅਸਲਮੈਲ ਪੁਰ ਦੇ 7 ਨਸ਼ਾ ਸਮੱਗਲਰਾਂ ਨੂੰ ਕਾਬੂ ਕੀਤੇ ਜਾਣ ਦੀ ਸੂਚਨਾ ਹੈ। ਜਾਣਕਾਰੀ ਦਿੰਦੇ ਹੋਏ ਥਾਣਾ ਮੁਖੀ ਸੁਖਦੇਵ ਸਿੰਘ ਨੇ ਦੱਸਿਆ ਕਿ ਐੱਸ. ਆਈ. ਬਲਵੀਰ ਸਿੰਘ, ਗੁਰਸ਼ਰਨ ਸਿੰਘ, ਏ. ਐੱਸ. ਆਈ. ਅਵਤਾਰ ਸਿੰਘ, ਲਖਵੀਰ ਸਿੰਘ, ਮੋਹਣ ਸਿੰਘ, ਮੇਜਰ ਸਿੰਘ ਤੇ ਮਨਜੀਤ ਸਿੰਘ ਵੱਲੋਂ ਪੁਲਸ ਪਾਰਟੀਆਂ ਨਾਲ ਕ੍ਰਮਵਾਰ ਪਿੰਡ ਅਸਲ ਮੈਲ ਪੁਰ ਵਿਚ ਰੇਡ ਕਰ ਕੇ ਸੁਰਿੰਦਰ ਸਿੰਘ ਪੁੱਤਰ ਸੁਰਜਨ ਸਿੰਘ ਚਾਲੂ ਭੱਠੀ ਸਣੇ 80 ਕਿੱਲੋ ਲਾਹਣ, 7500 ਐੱਮ. ਐੱਲ. ਨਾਜਾਇਜ਼ ਸ਼ਰਾਬ, ਗੁਰਮੀਤ ਸਿੰਘ ਪੁੱਤਰ ਅਮਰ ਸਿੰਘ ਪਾਸੋਂ 75 ਕਿੱਲੋ ਲਾਹਣ ਤੇ 15 ਹਜ਼ਾਰ ਐੱਮ. ਐੱਲ. ਸ਼ਰਾਬ, ਗੁਰਪ੍ਰੀਤ ਸਿੰਘ ਪੁੱਤਰ ਮੁਖਤਿਆਰ ਸਿੰਘ ਕੋਲੋਂ 80 ਕਿੱਲੋ ਲਾਹਣ ਤੇ 11250 ਐੱਮ. ਐੱਲ. ਸ਼ਰਾਬ, ਪਰਮਜੀਤ ਕੌਰ ਪਤਨੀ ਸਵ. ਸਤਨਾਮ ਸਿੰਘ ਦੇ ਘਰੋਂ 6750 ਐੱਮ. ਐੱਲ. ਸ਼ਰਾਬ, ਕੁਲਵਿੰਦਰ ਸਿੰਘ ਪੁੱਤਰ ਸੁਰਜੀਤ ਸਿੰਘ ਪਾਸੋਂ 6750 ਐੱਮ. ਐੱਲ. ਸ਼ਰਾਬ ਅਤੇ ਸਰੂਪ ਸਿੰਘ ਪੁੱਤਰ ਕਰਨੈਲ ਸਿੰਘ 18750 ਐੱਮ. ਐੱਲ. ਸ਼ਰਾਬ ਬਰਾਮਦ ਕੀਤੀ ਗਈ। ਥਾਣਾ ਮੁਖੀ ਸੁਖਦੇਵ ਸਿੰਘ ਨੇ ਦੱਸਿਆ ਕਿ ਉਕਤ ਮੁਲਜ਼ਮਾਂ ਖਿਲਾਫ਼ ਆਬਕਾਰੀ ਐਕਟ ਤਹਿਤ ਕੇਸ ਦਰਜ ਕਰਕੇ ਅਗਲੀ ਕਨੂੰਨੀ ਕਾਰਵਾਈ ਅਮਲ ਵਿੱਚ ਲਿਆਂਦੀ ਜਾ ਰਹੀ ਹੈ।
ਜ਼ਿਲ੍ਹਾ ਰੂਪਨਗਰ ਲਈ ਆਈ ਖੁਸ਼ਖਬਰੀ, 52 ਕੋਰੋਨਾ ਪੀੜਤ ਵਿਅਕਤੀ ਹੋਏ ਠੀਕ
NEXT STORY