ਮਹਿਤਪੁਰ (ਛਾਬੜਾ) : ਥਾਣਾ ਮਹਿਤਪੁਰ ਦੇ ਅਧੀਨ ਪੈਂਦੇ ਪਿੰਡ ਤੰਦਾਊਰਾ ਵਿਖੇ ਬੀਤੇ ਸੋਮਵਾਰ ਜਰਨੈਲ ਸਿੰਘ ਉਰਫ ਨੰਨੂ ਦੀ ਅਣਪਛਾਤੇ ਵਿਅਕਤੀਆਂ ਨੇ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਸੀ। ਨੰਨੂ ਦੇ ਕਤਲ ਮਾਮਲੇ 'ਚ ਪੁਲਸ ਵਲੋਂ ਵੱਡਾ ਖੁਲਾਸਾ ਕੀਤਾ ਗਿਆ ਹੈ। ਇਸ ਸਬੰਧੀ ਥਾਣਾ ਮਹਿਤਪੁਰ ਦੇ ਐੱਸ.ਐੱਚ.ਓ. ਲਖਵੀਰ ਸਿੰਘ ਨੇ ਦੱਸਿਆ ਕਿ ਨੰਨੂ ਦੇ ਇਕ ਗੈਂਗ ਨਾਲ ਸਬੰਧ ਸਨ ਅਤੇ ਉਸ ਦੇ ਵਿਰੁੱਧ 7-8 ਮੁਕੱਦਮੇ ਵੱਖ-ਵੱਖ ਥਾਣਿਆਂ 'ਚ ਦਰਜ ਹਨ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਨੰਨੂ ਦੇ ਸਬੰਧ ਫੌਜੀ ਤਰਨਤਾਰਨ ਨਾਲ ਵੀ ਸਨ। ਥਾਣਾ ਮੁਖੀ ਲਖਵੀਰ ਸਿੰਘ ਨੇ ਕਿਹਾ ਕਿ ਕਤਲ ਦੀ ਅਸਲ ਸਚਾਈ ਤਾਂ ਦੋਸ਼ੀਆ ਨੂੰ ਫੜਨ 'ਤੇ ਹੀ ਸਾਹਮਣੇ ਆਏਗੀ, ਜਿਨ੍ਹਾਂ ਦੀ ਭਾਲ 'ਚ ਪੁਲਸ ਵਲੋਂ ਛਾਪੇਮਾਰੀ ਕੀਤੀ ਜਾ ਰਹੀ ਹੈ। ਇਸ ਕਤਲ ਨਾਲ ਮਹਿਤਪੁਰ 'ਚ ਦਹਿਸ਼ਤ ਦਾ ਮਾਹੌਲ ਬਣਿਆ ਹੋਇਆ ਹੈ।
ਇਥੇ ਦੱਸ ਦੇਈਏ ਕਿ ਮਹਿਤਪੁਰ ਦੇ ਪਿੰਡ ਤੰਦਾਊਰਾ 'ਚ ਮੋਟਰਸਾਈਕਲ 'ਤੇ ਸਵਾਰ ਹੋ ਕੇ ਆਏ ਦੋ ਅਣਪਛਾਤੇ ਵਿਅਕਤੀਆਂ ਨੇ ਜਰਨੈਲ ਸਿੰਘ ਉਰਫ ਨਾਨੂੰ (32) ਪੁੱਤਰ ਰਾਜ ਪਾਲ ਵਾਸੀ ਤੰਦਾਊਰਾ ਨੂੰ ਗੋਲੀ ਮਾਰ ਦਿੱਤੀ। ਅਣਪਛਾਤਿਆਂ ਵਲੋਂ ਚਲਾਈ ਗਈ ਗੋਲੀ ਉਨ੍ਹਾਂ ਦੇ ਸਿਰ ਦੇ ਖੱਬੇ ਪਾਸੇ 'ਚ ਲੱਗੀ, ਜਿਸ ਨਾਲ ਜਰਨੈਲ ਸਿੰਘ ਦੀ ਮੌਤ ਹੋ ਗਈ। ਇਸ ਦੌਰਾਨ ਹਮਲਾਵਰਾਂ ਨੇ ਇਕ ਗੋਲੀ ਉਸ ਦੀ ਮਾਤਾ ਬੀਰੋ ਦੇ ਵੀ ਮਾਰੀ, ਜੋ ਨਹੀਂ ਲੱਗੀ ਅਤੇ ਉਹ ਵਾਲ-ਵਾਲ ਬਚ ਗਈ। ਖ਼ੌਫ਼ਨਾਕ ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਮੌਕ 'ਤੇ ਅਣਪਛਾਤੇ ਵਿਅਕਤੀ ਫਰਾਰ ਹੋ ਗਏ ਸਨ।
ਹੁਸ਼ਿਆਰਪੁਰ 'ਚ 'ਕੋਰੋਨਾ' ਦਾ ਕਹਿਰ ਜਾਰੀ, ਟਾਂਡਾ 'ਚੋਂ ਮੁੜ ਮਿਲੇ 3 ਨਵੇਂ ਕੇਸ
NEXT STORY 
