ਗੜ੍ਹਦੀਵਾਲਾ (ਜਤਿੰਦਰ)-ਬੀਤੀ ਰਾਤ ਚੋਰਾਂ ਵੱਲੋਂ ਸਥਾਨਕ ਹੁਸ਼ਿਆਰਪੁਰ-ਦਸੂਹਾ ਮੇਨ ਰੋਡ 'ਤੇ ਸਥਿਤ ਸੈਨੇਟਰੀ ਦੇ ਸਾਮਾਨ ਦੀਆਂ 2 ਦੁਕਾਨਾਂ ਵਿਚ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦਿੰਦੇ ਹੋਏ ਲੱਖਾਂ ਰੁਪਏ ਦਾ ਸਾਮਾਨ ਅਤੇ ਨਕਦੀ ਚੋਰੀ ਕਰ ਲੈਣ ਦੀ ਖ਼ਬਰ ਮਿਲੀ ਹੈ। ਚੋਰਾਂ ਵੱਲੋਂ ਇਕੋ ਰਾਤ ਸ਼ਿਆਮ ਟਰੇਡਿੰਗ ਕੰਪਨੀ ਅਤੇ ਰਾਮਗੜ੍ਹੀਆ ਟਰੇਡਰਜ਼ ਨੂੰ ਆਪਣਾ ਨਿਸ਼ਾਨਾ ਬਣਾਉਣ ਕਾਰਨ ਲੋਕਾਂ 'ਚ ਭਾਰੀ ਦਹਿਸ਼ਤ ਦਾ ਮਾਹੌਲ ਪਾਇਆ ਜਾ ਰਿਹਾ ਹੈ।
ਘਟਨਾ ਸਬੰਧੀ ਜਾਣਕਾਰੀ ਦਿੰਦਿਆਂ ਸ਼ਿਆਮ ਟਰੇਡਿੰਗ ਕੰਪਨੀ ਦੇ ਸੰਜੀਵ ਕੁਮਾਰ ਅਤੇ ਰਾਜੀਵ ਕੁਮਾਰ ਨੇ ਦੱਸਿਆ ਕਿ ਬੀਤੀ ਰਾਤ ਚੋਰਾਂ ਨੇ ਉਨ੍ਹਾਂ ਦੀ ਦੁਕਾਨ ਦੀ ਛੱਤ ਉਪਰ ਲੱਗੇ ਦਰਵਾਜ਼ੇ 'ਚੋਂ ਦੁਕਾਨ ਅੰਦਰ ਦਾਖਲ ਹੋ ਕੇ ਲੱਖਾਂ ਰੁਪਏ ਦੀਆਂ ਟੂਟੀਆਂ ਅਤੇ ਹੋਰ ਸਾਮਾਨ ਚੋਰੀ ਕਰ ਲਿਆ। ਇਸ ਤੋਂ ਇਲਾਵਾ ਚੋਰਾਂ ਨੇ ਦਾਨ-ਪਾਤਰ ਵਿਚ ਪਏ ਲਗਭਗ 45-50 ਹਜ਼ਾਰ ਅਤੇ ਗੱਲੇ ਵਿਚ ਪਏ ਲਗਭਗ 8-9 ਹਜ਼ਾਰ ਰੁਪਏ ਵੀ ਚੋਰੀ ਕਰ ਲਏ। ਇਸ ਤੋਂ ਇਲਾਵਾ ਚੋਰ ਦੁਕਾਨ ਅੰਦਰ ਲੱਗੇ 2 ਸੀ. ਸੀ. ਟੀ. ਵੀ. ਕੈਮਰੇ ਅਤੇ ਕੈਮਰਿਆਂ ਦੀ ਰਿਕਾਰਡਿੰਗ ਲਈ ਲਾਇਆ ਡੀ. ਵੀ. ਆਰ. ਵੀ ਚੋਰੀ ਕਰ ਕੇ ਲੈ ਗਏ। ਚੋਰ ਦੁਕਾਨ ਦੀ ਇਕ ਤਰਫੋਂ ਉਪਰਲੀ ਮੰਜ਼ਿਲ 'ਤੇ ਚੜ੍ਹ ਕੇ ਅੰਦਰ ਦਾਖਲ ਹੋਏ। ਦੁਕਾਨ ਦੇ ਨਾਲ ਇਕ ਪਾਣੀ ਵਾਲੀ ਪਾਈਪ ਵੀ ਲਟਕ ਰਹੀ ਸੀ, ਜਿਸ ਤੋਂ ਅੰਦਾਜ਼ਾ ਲਾਇਆ ਜਾ ਰਿਹਾ ਹੈ ਕਿ ਜਾਣ ਸਮੇਂ ਚੋਰ ਪਾਣੀ ਵਾਲੀ ਪਾਈਪ ਲਟਕਾ ਕੇ ਉਥੋਂ ਉੱਤਰੇ ਹਨ।
ਚੋਰੀ ਦੀ ਦੂਜੀ ਵਾਰਦਾਤ ਉਕਤ ਦੁਕਾਨ ਤੋਂ ਥੋੜ੍ਹੀ ਹੀ ਦੂਰ ਮੇਨ ਰੋਡ 'ਤੇ ਹੀ ਸਥਿਤ ਰਾਮਗੜ੍ਹੀਆ ਟਰੇਡਰਜ਼ ਵਿਖੇ ਹੋਈ। ਚੋਰ ਦੁਕਾਨ ਦੀ ਦੂਜੀ ਮੰਜ਼ਿਲ 'ਤੇ ਚੜ੍ਹ ਅਤੇ ਉਸ ਦਾ ਸ਼ਟਰ ਪੁੱਟ ਕੇ ਅੰਦਰ ਦਾਖਲ ਹੋਏ। ਦੁਕਾਨ ਮਾਲਕ ਪ੍ਰਗਟ ਸਿੰਘ ਅਤੇ ਅਨਮੋਲਕ ਰਾਜ ਸਿੰਘ ਨੇ ਦੱਸਿਆ ਕਿ ਚੋਰ ਲੱਖਾਂ ਰੁਪਏ ਦੀਆਂ ਟੂਟੀਆਂ, ਹੋਰ ਸਾਮਾਨ ਅਤੇ ਗੱਲੇ ਵਿਚ ਪਏ ਲਗਭਗ 50 ਹਜ਼ਾਰ ਰੁਪਏ ਕੱਢ ਕੇ ਫਰਾਰ ਹੋ ਗਏ। ਗੜ੍ਹਦੀਵਾਲਾ ਪੁਲਸ ਵੱਲੋਂ ਮੌਕੇ 'ਤੇ ਪਹੁੰਚ ਕੇ ਜਾਂਚ ਆਰੰਭ ਦਿੱਤੀ ਗਈ ਹੈ ਪਰ ਇਨ੍ਹਾਂ ਵਾਰਦਾਤਾਂ ਕਾਰਨ ਦੁਕਾਨਦਾਰਾਂ ਵਿਚ ਭਾਰੀ ਸਹਿਮ ਦਾ ਮਾਹੌਲ ਹੈ ਅਤੇ ਉਨ੍ਹਾਂ ਪੁਲਸ ਪ੍ਰਸ਼ਾਸਨ ਕੋਲੋਂ ਜਲਦੀ ਤੋਂ ਜਲਦੀ ਚੋਰਾਂ ਨੂੰ ਗ੍ਰਿਫ਼ਤਾਰ ਕਰਨ ਦੀ ਮੰਗ ਕੀਤੀ ਹੈ।
ਹੜ੍ਹ ਪ੍ਰਭਾਵਿਤ ਲੋਕ ਵਿਸ਼ੇਸ਼ ਕੈਂਪਾਂ ਵਿਚ ਜਾਣ : ਕੈਪਟਨ
NEXT STORY 
