ਗੜ੍ਹਸ਼ੰਕਰ (ਵੈੱਬ ਡੈਸਕ)- ਨਗਰ ਨਿਗਮ ਦੀਆਂ ਚੋਣਾਂ ਦੌਰਾਨ ਭਾਜਪਾ ਵਰਕਰਾਂ 'ਤੇ ਹੋਈ ਐੱਫ਼. ਆਈ. ਆਰ. ਨੂੰ ਲੈ ਕੇ ਭਾਜਪਾ ਹਲਕਾ ਇੰਚਾਰਜ ਨਿਮਿਸ਼ਾ ਮਹਿਤਾ ਨੇ ਪੱਤਰਕਾਰ ਸੰਮੇਲਨ ਕਰਕੇ ਐੱਫ਼. ਆਈ. ਆਰ. ਵਿਚ ਸ਼ਰਾਬ ਅਤੇ ਨਸ਼ੇ ਦੇ ਸਾਮਾਨ ਦੇ ਦੋਸ਼ਾਂ ਨੂੰ ਸਿਰੇ ਤੋਂ ਖਾਰਿਜ ਕਰਦੇ ਕਿਹਾ ਕਿ 25-26 ਮਈ ਦੀ ਰਾਤ ਨੂੰ ਪਹਿਲਾਂ ਹਲਕਾ ਵਿਧਾਇਕ ਜੈ ਕਿਸ਼ਨ ਰੋੜੀ ਵੱਲੋਂ ਹਾਈਵੋਲਟੇਜ਼ ਡਰਾਮਾ ਕੀਤਾ ਗਿਆ ਅਤੇ ਫਿਰ ਪੁਲਸ ਵੱਲੋਂ ਝੂਠੀ ਐੱਫ਼. ਆਈ. ਆਰ. ਰਾਜਨੀਤੀ ਦਬਾਅ ਹੇਠ ਕੀਤੀ ਗਈ ਤਾਂ ਜੋ ਸ਼ਹਿਰ ਵਿਚ ਚੋਣਾਂ ਦੌਰਾਨ ਭਾਜਪਾ ਦੀ ਹਵਾ ਖ਼ਰਾਬ ਕੀਤੀ ਜਾ ਸਕੇ ਅਤੇ ਇਨ੍ਹਾਂ ਚੋਣਾਂ ਨੂੰ ਪ੍ਰਭਾਵਿਤ ਕੀਤਾ ਜਾ ਸਕੇ।
ਇਹ ਵੀ ਪੜ੍ਹੋ: ਹਾਏ...ਗਰਮੀ ਨੇ ਕੀਤਾ ਬੁਰਾ ਹਾਲ, ਕੱਪੜੇ ਭਿੱਜ ਗਏ ਮੁੜਕੇ ਨਾਲ, ਦੇਖੋ Pinkoo Tv ਦੀ ਮਜ਼ੇਦਾਰ ਵੀਡੀਓ
ਨਿਮਿਸ਼ਾ ਮਹਿਤਾ ਨੇ ਕਿਹਾ ਕਿ ਐੱਫ਼. ਆਈ. ਆਰ. ਮੁਤਾਬਕ ਵਾਕਿਆ ਰਾਤ ਇਕ ਵਜੇ ਹੁੰਦਾ ਹੈ ਪਰ ਐੱਫ਼. ਆਈ. ਆਰ. ਸਵੇਰੇ ਸਵਾ 7 ਵਜੇ ਦਰਜ ਕੀਤੀ ਜਾਂਦੀ ਹੈ ਜਦਕਿ ਪੁਲਸ ਮੁਲਾਜ਼ਮ ਰਾਤ ਇਕ ਸਵਾ ਇਕ ਵਜੇ ਹੀ ਮੌਕੇ 'ਤੇ ਹੀ ਪਹੁੰਚ ਗਏ ਸਨ, ਇਹ ਆਪਣੇ ਆਪ ਵਿਚ ਸਬੂਤ ਹੈ ਕਿ ਸਵਾ 7 ਘੰਟੇ ਪੁਲਸ ਨੂੰ ਇਸ ਲਈ ਲੱਗੇ ਕਿ ਮਨਘੜਤ ਕਹਾਣੀ ਬਣਾਈ ਜਾ ਸਕੇ। ਜੇਕਰ ਪੁਲਸ ਸਹੀ ਹੁੰਦੀ ਤਾਂ ਇਹ ਐੱਫ਼. ਆਈ. ਆਰ. ਵਾਕਿਆ ਹੋਣ ਤੋਂ ਇਕ ਜਾਂ ਅੱਧੇ ਘੰਟੇ ਦੇ ਦੌਰਾਨ ਹੀ ਦਰਜ ਹੋਣੀ ਚਾਹੀਦੀ ਸੀ। ਨਿਮਿਸ਼ਾ ਮਹਿਤਾ ਨੇ ਕਿਹਾ ਕਿ ਬਹੁਤ ਜਲਦੀ ਉਹ ਵਿਧਾਇਕ ਰੋੜੀ ਨੂੰ ਅਤੇ ਉਸ ਦੇ ਸਾਥੀਆਂ ਨੂੰ ਲੀਗਲ ਨੋਟਿਸ ਦੇਣਗੇ, ਜਿਨ੍ਹਾਂ ਨੂੰ ਉਨ੍ਹਾਂ 'ਤੇ ਨਸ਼ਾ ਵੰਡਾਉਣ ਦੇ ਝੂਠੇ ਦੋਸ਼ ਲਾਏ ਹਨ।
ਉਨ੍ਹਾਂ ਕਿਹਾ ਕਿ ਜੋ ਆਡੀਓ ਰੋੜੀ ਦੇ ਪਾਰਟੀ ਵਰਕਰਾਂ ਵੱਲੋਂ ਵਾਇਰਲ ਕਰਕੇ ਘਟੀਆ ਅਤੇ ਗਿਰੀ ਹੋਈ ਰਾਜਨੀਤੀ ਕੀਤੀ ਗਈ ਹੈ, ਉਸ ਆਡੀਓ ਸਬੰਧੀ 2022 ਵਿਚ ਜੋ ਮੁਕੱਦਮਾ ਦਰਜ ਹੋਇਆ ਸੀ, ਉਹ ਅਦਾਲਤ ਵਿਚ ਜਾ ਕੇ ਸਿਰੇ ਤੋਂ ਖਾਰਿਜ ਹੋ ਚੁੱਕਾ ਹੈ। ਉਸ ਝੂਠੀ ਅਤੇ ਐਡੀਟਿੰਗ ਨਾਲ ਬਣਾਈ ਆਡੀਓ ਨੂੰ ਵਾਇਰਲ ਕਰਵਾ ਕੇ ਆਮ ਆਦਮੀ ਪਾਰਟੀ ਦੇ ਵਰਕਰਾਂ ਨੇ ਇਹ ਸਿੱਧ ਕੀਤਾ ਹੈ ਕਿ ਉਹ ਕਿਸੇ ਹੱਦ ਤੱਕ ਵੀ ਰਾਜਨੀਤਿਕ ਲਾਭ ਲਈ ਡਿੱਗ ਸਕਦੇ ਹਨ।
ਉਨ੍ਹਾਂ ਕਿਹਾ ਕਿ ਐੱਫ. ਆਈ. ਆਰ. ਮੁਤਾਬਕ ਅਤੇ ਅੱਧੀ ਰਾਤੀ ਜੈ ਕਿਸ਼ਨ ਰੋੜੀ ਵੱਲੋਂ ਚਲਾਏ ਲਾਈਵ ਮੁਤਾਬਕ ਇਕ ਵੀ ਬੰਦਾ ਮੌਕੇ 'ਤੇ ਫੜਿਆ ਨਹੀਂ ਗਿਆ ਅਤੇ ਗੱਡੀਆਂ ਲਾਵਾਰਿਸ ਖੜ੍ਹੀਆਂ ਸਨ, ਸੋ ਇਸ ਗੱਲ ਨੂੰ ਨਕਾਰਿਆ ਨਹੀਂ ਜਾ ਸਕਦਾ ਕਿ ਧੱਕੇਸ਼ਾਹੀ ਨਾਲ ਲਾਵਾਰਿਸ ਖੜ੍ਹੀਆਂ ਗੱਡੀਆਂ ਵਿਚ ਇਨ੍ਹਾਂ ਆਪ ਹੀ ਧੱਕੇ ਨਾਲ ਸਾਮਾਨ ਰੱਖਿਆ ਹੋਵੇ ਅਤੇ ਫਿਰ ਆਪ ਹੀ ਲਾਈਵ ਹੋ ਕੇ ਭਾਜਪਾ ਵਰਕਰਾਂ 'ਤੇ ਇਲਜ਼ਾਮ ਲਗਾਉਣੇ ਸ਼ੁਰੂ ਕਰ ਦਿੱਤੇ। ਨਿਮਿਸ਼ਾ ਮਹਿਤਾ ਨੇ ਕਿਹਾ ਕਿ ਇਸ ਝੂਠੀ ਐੱਫ਼. ਆਈ. ਆਰ. ਵਿਚ ਸਭ ਤੋਂ ਮੰਦਭਾਗਾ ਇਹ ਹੀ ਦੋ ਬਜ਼ੁਰਗ ਮਹਿਲਾ ਉਮੀਦਵਾਰਾਂ 'ਤੇ ਅੱਧੀ ਰਾਤੀ ਸ਼ਰਾਬ ਵੰਡਣ ਦੇ ਦੋਸ਼ ਲਗਾਏ ਗਏ ਹਨ। ਉਨ੍ਹਾਂ ਕਿਹਾ ਕਿ ਜੇਕਰ ਸੱਤਾਧਿਰ ਧਿਰ ਨੇ ਝੂਠਾ ਸੰਵਾਂਗ ਵੀ ਰਚਨਾ ਸੀ ਤਾਂ ਘੱਟੋ ਘੱਟ ਮਾਂ ਸਾਮਾਨ ਔਰਤਾਂ ਨੂੰ ਇਸ ਕੂੜ ਪ੍ਰਚਾਰ ਤੋਂ ਬਾਹਰ ਰੱਖਦੇ। ਨਿਮਿਸ਼ਾ ਮਹਿਤਾ ਨੇ ਕਿਹਾ ਕਿ ਉਨ੍ਹਾਂ ਨੂੰ ਦੇਸ਼ ਦੀ ਨਿਆਂ ਪ੍ਰਣਾਲੀ ਅਤੇ ਕੋਰਟ 'ਤੇ ਪੂਰਾ ਭਰੋਸਾ ਹੈ ਅਤੇ ਭਾਜਪਾ ਵਰਕਰਾਂ 'ਤੇ ਬਣਾਇਆ ਗਿਆ ਇਹ ਝੂਠਾ ਕੇਸ ਅਦਾਲਤ ਵਿਚ ਖਾਰਿਜ ਹੋਵੇਗਾ ਅਤੇ ਸੱਚ ਦੀ ਜਿੱਤ ਹੋਵੇਗੀ।
ਇਹ ਵੀ ਪੜ੍ਹੋ: ਪੰਜਾਬ 'ਚ 1 ਜੂਨ ਲਈ ਹੋਇਆ ਵੱਡਾ ਐਲਾਨ! ਖੜ੍ਹੀ ਹੋਵੇਗੀ ਵੱਡੀ ਮੁਸੀਬਤ, 55 ਐਂਟਰੀ-ਐਗਜ਼ਿਟ ਪੁਆਇੰਟਾਂ 'ਤੇ ਰਹੇਗਾ...
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਹਾਏ...ਗਰਮੀ ਨੇ ਕੀਤਾ ਬੁਰਾ ਹਾਲ, ਕੱਪੜੇ ਭਿੱਜ ਗਏ ਮੁੜਕੇ ਨਾਲ, ਦੇਖੋ Pinkoo Tv ਦੀ ਮਜ਼ੇਦਾਰ ਵੀਡੀਓ
NEXT STORY 
