ਜਲੰਧਰ (ਸ਼ੋਰੀ)-ਬਸਤੀਆਤ ਇਲਾਕੇ ਦੇ ਮਾਡਲ ਹਾਊਸ ਨੇੜੇ ਘਈ ਬੇਕਰੀ ਵਿਚ ਸਥਿਤ ‘ਘਈ ਬੇਕਰਜ਼ ਕਿਚਨ ਰੈਸਟੋਰੈਂਟ’ ਵਿਚ ਉਸ ਸਮੇਂ ਹੰਗਾਮਾ ਹੋ ਗਿਆ, ਜਦੋਂ ਪਰਿਵਾਰ ਨਾਲ ਫਾਸਟ ਫੂਡ ਖਾਣ ਪਹੁੰਚੇ ਪਰਿਵਾਰ ਦੇ ਛੋਟੇ ਬੱਚੇ ਨੂੰ ਦਿੱਤੀ ਗਈ ਕੋਲਡ ਡ੍ਰਿੰਕ ਵਿਚੋਂ ਕਥਿਤ ਤੌਰ ’ਤੇ ਕੀੜੇ ਨਿਕਲਣ ਦਾ ਮਾਮਲਾ ਸਾਹਮਣੇ ਆਇਆ। ਪੀੜਤ ਪਰਿਵਾਰ ਨੇ ਇਸ ਮਾਮਲੇ ਦੀ ਜਾਣਕਾਰੀ ਬਾਕੀ ਲੋਕਾਂ ਤੱਕ ਪਹੁੰਚਾਉਣ ਲਈ ਮੋਬਾਇਲ ਨਾਲ ਵੀਡੀਓ ਬਣਾ ਕੇ ਸੋਸ਼ਲ ਮੀਡੀਆ ’ਤੇ ਵਾਇਰਲ ਵੀ ਕੀਤੀ, ਜੋਕਿ ਤੇਜ਼ੀ ਨਾਲ ਫੈਲ ਰਹੀ ਹੈ।
ਇਹ ਵੀ ਪੜ੍ਹੋ: ਪੰਜਾਬ ਦੇ ਇਸ ਹੋਟਲ 'ਚ ਪੁਲਸ ਵੱਲੋਂ ਦੇਹ ਵਪਾਰ ਦਾ ਪਰਦਾਫਾਸ਼! ਮੁੰਡੇ-ਕੁੜੀਆਂ ਫੜੇ
ਜਾਣਕਾਰੀ ਦਿੰਦੇ ਹੋਏ ਸਾਗਰ ਸਹਿਦੇਵ ਨਿਵਾਸੀ ਕਮਲ ਵਿਹਾਰ, ਬਸਤੀ ਪੀਰਦਾਦ ਨੇ ਦੱਸਿਆ ਕਿ ਉਹ ਆਪਣੇ ਪਰਿਵਾਰ ਨਾਲ ਘਈ ਬੇਕਰੀ ਵਿਖੇ ਫਾਸਟ ਫੂਡ ਖਾਣ ਗਏ ਸਨ। ਉਨ੍ਹਾਂ ਦੇ ਨਾਲ ਉਨ੍ਹਾਂ ਦੀ ਮਾਤਾ, ਪਤਨੀ ਅਤੇ 2 ਛੋਟੇ ਬੱਚੇ ਸਨ। ਉਨ੍ਹਾਂ ਦੱਸਿਆ ਕਿ ਜਿਵੇਂ ਹੀ ਉਨ੍ਹਾਂ ਦੇ ਬੱਚਿਆਂ ਨੂੰ ਘਈ ਬੇਕਰੀ ਦੇ ਸਟਾਫ਼ ਨੇ ਪੈਪਸੀ ਦੀ ਕੋਲਡ ਡ੍ਰਿੰਕ ਦਿੱਤੀ ਤਾਂ ਕੱਚ ਦੀ ਬੋਤਲ ਵਿਚੋਂ ਕੀੜੇ ਨਿਕਲੇ। ਸਾਗਰ ਸਹਿਦੇਵ ਦਾ ਕਹਿਣਾ ਸੀ ਕਿ ਬੇਸ਼ੱਕ ਕੋਲਡ ਡ੍ਰਿੰਕ ਪੈਪਸੀ ਕੰਪਨੀ ਵੱਲੋਂ ਆਉਂਦੀ ਹੈ ਪਰ ਇਸ ਨੂੰ ਵੇਚਣ ਵਾਲੇ ਘਈ ਬੇਕਰੀ ਦੇ ਸਟਾਫ਼ ਦੀ ਕੀ ਇਹ ਜ਼ਿੰਮੇਵਾਰੀ ਨਹੀਂ ਕਿ ਫਰਿੱਜ ਵਿਚ ਕੋਲਡ ਡ੍ਰਿੰਕ ਰੱਖਣ ਤੋਂ ਪਹਿਲਾਂ ਉਸ ਨੂੰ ਚੈੱਕ ਕਰਨ? ਇਸ ਮਾਮਲੇ ਵਿਚ ਸਿਹਤ ਵਿਭਾਗ ਦੇ ਜ਼ਿਲਾ ਸਿਹਤ ਅਧਿਕਾਰੀ ਨੂੰ ਵੀ ਨੋਟਿਸ ਲੈਣ ਦੀ ਲੋੜ ਹੈ, ਤਾਂ ਜੋ ਦੁਬਾਰਾ ਅਜਿਹੀ ਘਟਨਾ ਨਾ ਵਾਪਰੇ ਅਤੇ ਲੋਕ ਬੀਮਾਰ ਨਾ ਹੋਣ।
ਇਹ ਵੀ ਪੜ੍ਹੋ: ਡੇਰਾ ਬਿਆਸ ਜਾਣ ਵਾਲੇ ਸ਼ਰਧਾਲੂਆਂ ਲਈ ਅਹਿਮ ਖ਼ਬਰ! ਲਿਆ ਗਿਆ ਵੱਡਾ ਫ਼ੈਸਲਾ
ਪੈਪਸੀ ਦਾ ਚੱਕਰ ਅਕਸਰ ਪਿਆ ਰਹਿੰਦੈ-ਬੋਲੇ ਸੰਚਾਲਕ ਵਿਨੀਤ ਘਈ
ਉੱਥੇ ਹੀ ਇਸ ਮਾਮਲੇ ਵਿਚ ਘਈ ਬੇਕਰੀ ਦੇ ਸੰਚਾਲਕ ਵਿਨੀਤ ਘਈ ਨਾਲ ਫ਼ੋਨ ’ਤੇ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਦਾ ਕਹਿਣਾ ਸੀ ਕਿ ਪੈਪਸੀ ਵਾਲਿਆਂ ਦਾ ਚੱਕਰ ਅਕਸਰ ਪਿਆ ਰਹਿੰਦਾ ਹੈ। 2 ਸਾਲ ਪਹਿਲਾਂ ਵੀ ਪੈਪਸੀ ਦੀ ਬੋਤਲ ਵਿਚੋਂ ਕੋਈ ਚੀਜ਼ ਨਿਕਲ ਆਈ ਸੀ। ਕੰਪਨੀ ਤੱਕ ਸ਼ਿਕਾਇਤ ਕੀਤੀ ਹੈ। ਜਦੋਂ ਉਨ੍ਹਾਂ ਨੂੰ ਕਿਹਾ ਗਿਆ ਕਿ ਤੁਸੀਂ ਇਨ੍ਹਾਂ ਦਾ ਮਾਲ ਨਾ ਰੱਖੋ, ਤਾਂ ਉਨ੍ਹਾਂ ਦਾ ਕਹਿਣਾ ਸੀ ਕਿ ਕੰਪਨੀ ਦੀ ਪਾਲਿਸੀ ਆ ਜਾਂਦੀ ਹੈ ਕਿ ਸਾਡਾ ਮਾਲ ਰੱਖੋ। 1-2 ਮਹੀਨੇ ਮਾਲ ਨਾ ਰੱਖਿਆ ਤਾਂ ਕੰਪਨੀ ਦੇ ਅਫ਼ਸਰ ਆ ਜਾਂਦੇ ਹਨ ਕਿ ਮਾਲ ਰੱਖੋ। ਹੁਣ ਸੋਚਣ ਵਾਲੀ ਗੱਲ ਹੈ ਕਿ ਜਦੋਂ ਵਿਨੀਤ ਘਈ ਖ਼ੁਦ ਦਾਅਵਾ ਕਰ ਰਹੇ ਹਨ ਕਿ ਪੈਪਸੀ ਕੰਪਨੀ ਦਾ ਮਾਲ ਠੀਕ ਨਹੀਂ ਹੈ, ਤਾਂ ਉਹ ਇਸ ਦੀ ਸੇਲ ਕਿਉਂ ਕਰ ਰਹੇ ਹਨ? ਕੀ ਉਨ੍ਹਾਂ ਨੂੰ ਆਪਣੀ ਬੇਕਰੀ ਵਿਚ ਆਉਣ ਵਾਲੇ ਗਾਹਕਾਂ ਦੀ ਸਿਹਤ ਦੀ ਚਿੰਤਾ ਨਹੀਂ ਹੈ?
ਇਹ ਵੀ ਪੜ੍ਹੋ: ਨਵਾਂਸ਼ਹਿਰ ਜ਼ਿਲ੍ਹੇ 'ਚ ਲੱਗੀ ਵੱਡੀ ਪਾਬੰਦੀ! 20 ਮਈ ਤੱਕ ਨਵੇਂ ਹੁਕਮ ਜਾਰੀ, ਰਾਤ 10 ਤੋਂ ਸਵੇਰੇ 6 ਵਜੇ ਤੱਕ...
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਪੰਜਾਬ ਦੇ ਇਸ ਹੋਟਲ 'ਚ ਪੁਲਸ ਵੱਲੋਂ ਦੇਹ ਵਪਾਰ ਦਾ ਪਰਦਾਫਾਸ਼! ਮੁੰਡੇ-ਕੁੜੀਆਂ ਫੜੇ
NEXT STORY 
