ਜਲੰਧਰ (ਸੁਨੀਲ ਮਹਾਜਨ) : ਮਹਾਨਗਰ ਦੀਆਂ ਸੜਕਾਂ 'ਤੇ ਬਿਨਾਂ ਨੰਬਰ ਪਲੇਟਾਂ ਵਾਲੇ ਵਾਹਨਾਂ ਦਾ ਦੌਰ ਰੁਕਣ ਦਾ ਨਾਮ ਨਹੀਂ ਲੈ ਰਿਹਾ। ਤਾਜ਼ਾ ਮਾਮਲਾ ਸੋਡਾ ਰੋਡ ਦੇ ਰਹਿਣ ਵਾਲੇ ਇੱਕ ਨੌਜਵਾਨ ਦਾ ਸਾਹਮਣੇ ਆਇਆ ਹੈ, ਜਿਸ ਨੂੰ ਬਿਨਾਂ ਨੰਬਰ ਪਲੇਟ ਵਾਲੀ ਬਾਈਕ ਚਲਾਉਂਦਿਆਂ ਇੱਕ ਸੋਸ਼ਲ ਵਰਕਰ ਨੇ ਰੋਕਣ ਦੀ ਕੋਸ਼ਿਸ਼ ਕੀਤੀ।
ਰੋਕਣ 'ਤੇ ਭਜਾਈ ਬਾਈਕ, ਪਿੱਛਾ ਕਰਕੇ ਫੜਿਆ
ਜਾਣਕਾਰੀ ਅਨੁਸਾਰ ਜਦੋਂ ਸੋਸ਼ਲ ਵਰਕਰ ਨੇ ਨੌਜਵਾਨ ਨੂੰ ਰੁਕਣ ਦਾ ਇਸ਼ਾਰਾ ਕੀਤਾ ਤਾਂ ਉਸ ਨੇ ਬਾਈਕ ਰੋਕਣ ਦੀ ਬਜਾਏ ਭਜਾ ਲਈ। ਸੋਸ਼ਲ ਵਰਕਰ ਨੇ ਪਿੱਛਾ ਕਰਕੇ ਜਦੋਂ ਨੌਜਵਾਨ ਨੂੰ ਕਾਬੂ ਕੀਤਾ ਤਾਂ ਉਹ ਪੁਲਸ ਅਧਿਕਾਰੀ ਨਾਲ ਆਪਣੀ ਰਿਸ਼ਤੇਦਾਰੀ ਦਾ ਹਵਾਲਾ ਦੇਣ ਲੱਗਾ। ਇਸ ਦੌਰਾਨ ਸੋਸ਼ਲ ਵਰਕਰ ਨੇ ਸਾਰੀ ਘਟਨਾ ਦੀ ਵੀਡੀਓ ਬਣਾਉਣੀ ਸ਼ੁਰੂ ਕਰ ਦਿੱਤੀ।
ਡੀਐੱਸਪੀ ਨੇ ਕਿਹਾ- 'ਕਰੋ ਪੁਲਸ ਦੇ ਹਵਾਲੇ, ਕੱਟੋ ਚਾਲਾਨ'
ਨੌਜਵਾਨ ਨੇ ਸੋਸ਼ਲ ਵਰਕਰ ਦੀ ਗੱਲ ਫੋਨ 'ਤੇ ਇਕ ਪੁਲਸ ਅਧਿਕਾਰੀ ਨਾਲ ਕਰਵਾਈ, ਜਿਸ ਨੇ ਆਪਣੀ ਪਛਾਣ ਲੁਧਿਆਣਾ ਦੇ ਡੀਐੱਸਪੀ ਗੁਰਪ੍ਰੀਤ ਸਿੰਘ ਵਜੋਂ ਦਿੱਤੀ। ਜਦੋਂ ਸੋਸ਼ਲ ਵਰਕਰ ਨੇ ਡੀਐੱਸਪੀ ਨੂੰ ਦੱਸਿਆ ਕਿ ਅਜਿਹੇ ਬਿਨਾਂ ਨੰਬਰ ਵਾਲੇ ਵਾਹਨ ਹੀ ਲੁੱਟ-ਖੋਹ ਦੀਆਂ ਵਾਰਦਾਤਾਂ ਵਿੱਚ ਵਰਤੇ ਜਾਂਦੇ ਹਨ, ਤਾਂ ਡੀਐੱਸਪੀ ਨੇ ਕਿਹਾ ਕਿ ਇਹ ਨੌਜਵਾਨ ਲੁਟੇਰਾ ਨਹੀਂ ਹੈ। ਹਾਲਾਂਕਿ, ਡੀਐੱਸਪੀ ਨੇ ਖੁਦ ਕਿਹਾ ਕਿ ਨੌਜਵਾਨ ਨੂੰ ਪੁਲਸ ਦੇ ਹਵਾਲੇ ਕਰਕੇ ਉਸ ਦਾ ਚਾਲਾਨ ਕੱਟਿਆ ਜਾਣਾ ਚਾਹੀਦਾ ਹੈ।
ਵੀਡੀਓ ਬਣਾਉਣ 'ਤੇ ਅੜਿਆ ਰਿਹਾ ਨੌਜਵਾਨ
ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਨੌਜਵਾਨ ਵਾਰ-ਵਾਰ ਸੋਸ਼ਲ ਵਰਕਰ ਨੂੰ ਵੀਡੀਓ ਬੰਦ ਕਰਨ ਲਈ ਕਹਿ ਰਿਹਾ ਸੀ। ਦੂਜੇ ਪਾਸੇ, ਸੋਸ਼ਲ ਵਰਕਰ ਨੇ ਸਪੱਸ਼ਟ ਕੀਤਾ ਕਿ ਉਹ ਇਹ ਵੀਡੀਓ ਪੁਲਸ ਕਮਿਸ਼ਨਰ ਕੌਰ ਨੂੰ ਭੇਜਣਗੇ ਤਾਂ ਜੋ ਬਣਦੀ ਕਾਰਵਾਈ ਕੀਤੀ ਜਾ ਸਕੇ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਜਲੰਧਰ 'ਚ ਹਥਿਆਰਬੰਦ ਅਪਰਾਧੀ ਗ੍ਰਿਫ਼ਤਾਰ
NEXT STORY 
