ਨਵੀਂ ਦਿੱਲੀ- ਬਾਲੀਵੁੱਡ ਅਦਾਕਾਰਾ ਐਸ਼ਵਰਿਆ ਰਾਏ ਬੱਚਨ ਨੇ ਸ਼ੁੱਕਰਵਾਰ (21 ਨਵੰਬਰ) ਨੂੰ ਆਪਣੇ ਸਵਰਗਵਾਸੀ ਪਿਤਾ ਕ੍ਰਿਸ਼ਨਰਾਜ ਰਾਏ ਨੂੰ ਯਾਦ ਕਰਦੇ ਹੋਏ ਇੱਕ ਬਹੁਤ ਹੀ ਭਾਵੁਕ ਪੋਸਟ ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਹੈ। ਇਹ ਭਾਵੁਕ ਪੋਸਟ ਉਨ੍ਹਾਂ ਦੀ ਧੀ ਆਰਾਧਿਆ ਬੱਚਨ ਦੇ 14ਵੇਂ ਜਨਮਦਿਨ ਤੋਂ ਕੁਝ ਦਿਨਾਂ ਬਾਅਦ ਆਈ ਹੈ। ਐਸ਼ਵਰਿਆ ਰਾਏ ਬੱਚਨ ਨੇ ਸੋਸ਼ਲ ਮੀਡੀਆ ਮੰਚ ਇੰਸਟਾਗ੍ਰਾਮ 'ਤੇ ਤਸਵੀਰਾਂ ਦਾ ਇੱਕ ਕੈਰੋਸਲ ਸਾਂਝਾ ਕੀਤਾ ਹੈ, ਜਿਸ ਵਿੱਚ ਉਨ੍ਹਾਂ ਦੀ ਧੀ ਆਰਾਧਿਆ ਆਪਣੇ ਸਵਰਗਵਾਸੀ ਨਾਨਾ ਕ੍ਰਿਸ਼ਨਰਾਜ ਰਾਏ ਦੇ ਨਾਲ ਦਿਖਾਈ ਦੇ ਰਹੀ ਹੈ।
ਪਿਤਾ ਨੂੰ ਕਿਹਾ 'ਗਾਰਡੀਅਨ ਏਂਜਲ'
ਪੋਸਟ ਵਿੱਚ ਉਹ ਤਸਵੀਰਾਂ ਵੀ ਸ਼ਾਮਲ ਹਨ ਜਿਨ੍ਹਾਂ ਵਿੱਚ ਐਸ਼ਵਰਿਆ ਅਤੇ ਆਰਾਧਿਆ ਦੋਵੇਂ ਕ੍ਰਿਸ਼ਨਰਾਜ ਰਾਏ ਦੀ ਫਰੇਮ ਕੀਤੀ ਹੋਈ ਤਸਵੀਰ ਤੋਂ ਆਸ਼ੀਰਵਾਦ ਲੈਂਦੇ ਹੋਏ ਨਜ਼ਰ ਆ ਰਹੇ ਹਨ। ਅਦਾਕਾਰਾ ਨੇ ਆਪਣੀ ਸੋਸ਼ਲ ਮੀਡੀਆ ਪੋਸਟ ਵਿੱਚ ਲਿਖਿਆ, "ਜਨਮਦਿਨ ਮੁਬਾਰਕ ਹੋ ਪਿਆਰੇ ਪਿਤਾ-ਅੱਜਾ! ਸਾਡੇ ਅਭਿਭਾਵਕ ਦੇਵਦੂਤ (ਗਾਰਡੀਅਨ ਏਂਜਲ), ਅਸੀਂ ਤੁਹਾਨੂੰ ਹਮੇਸ਼ਾ ਪਿਆਰ ਕਰਾਂਗੇ"। ਉਨ੍ਹਾਂ ਨੇ ਅੱਗੇ ਲਿਖਿਆ, "ਸਾਡੀ ਆਰਾਧਿਆ ਦੇ 14 ਸਾਲ ਦੇ ਹੋਣ 'ਤੇ ਤੁਹਾਡੇ ਅਸੀਮ ਪਿਆਰ ਅਤੇ ਆਸ਼ੀਰਵਾਦ ਲਈ ਧੰਨਵਾਦ"।
ਕ੍ਰਿਸ਼ਨਰਾਜ ਰਾਏ ਦਾ ਦਿਹਾਂਤ 18 ਮਾਰਚ 2017 ਨੂੰ ਮੁੰਬਈ ਦੇ ਇੱਕ ਹਸਪਤਾਲ ਵਿੱਚ ਹੋ ਗਿਆ ਸੀ। ਦਿਹਾਂਤ ਤੋਂ ਪਹਿਲਾਂ ਰਾਏ ਨੇ ਭਾਰਤੀ ਫੌਜ ਵਿੱਚ ਜੀਵ-ਵਿਗਿਆਨੀ ਵਜੋਂ ਆਪਣੀਆਂ ਸੇਵਾਵਾਂ ਦਿੱਤੀਆਂ ਸਨ। ਕੰਮਕਾਜ ਦੀ ਗੱਲ ਕਰੀਏ ਤਾਂ ਐਸ਼ਵਰਿਆ ਰਾਏ ਆਖਰੀ ਵਾਰ 2023 ਵਿੱਚ ਆਈ ਮਣੀਰਤਨਮ ਦੀ ਤਾਮਿਲ ਇਤਿਹਾਸਕ ਮਹਾਕਾਵਿ "ਪੋਨਿਯਿਨ ਸੇਲਵਨ: II" ਵਿੱਚ ਨਜ਼ਰ ਆਈ ਸੀ। ਇਸ ਫਿਲਮ ਵਿੱਚ ਉਨ੍ਹਾਂ ਦੇ ਨਾਲ ਕਈ ਵੱਡੇ ਕਲਾਕਾਰ ਜਿਵੇਂ ਵਿਕਰਮ, ਰਵੀ ਮੋਹਨ, ਕਾਰਥੀ, ਤ੍ਰਿਸ਼ਾ ਕ੍ਰਿਸ਼ਨਨ, ਜੈਰਾਮ, ਪ੍ਰਭੂ, ਐਸ਼ਵਰਿਆ ਲਕਸ਼ਮੀ, ਵਿਕਰਮ ਪ੍ਰਭੂ, ਪ੍ਰਕਾਸ਼ ਰਾਜ ਅਤੇ ਰਹਿਮਾਨ, ਆਰ. ਪਾਰਥੀਬਨ ਵੀ ਸ਼ਾਮਲ ਸਨ।
ਸ਼ਾਹਿਦ ਕਪੂਰ ਦੀ ਜ਼ਬਰਦਸਤ ਐਕਸ਼ਨ ਫਿਲਮ 'ਦੇਵਾ' ਦਾ ਪ੍ਰੀਮੀਅਰ 22 ਨਵੰਬਰ ਨੂੰ ਜ਼ੀ ਸਿਨੇਮਾ 'ਤੇ
NEXT STORY 
