ਨਵੀਂ ਦਿੱਲੀ (ਏਜੰਸੀ)- ਅਦਾਕਾਰ ਅਨੁਪਮ ਖੇਰ ਨੇ ਐਤਵਾਰ ਨੂੰ ਇੰਸਟਾਗ੍ਰਾਮ 'ਤੇ ਅਦਾਕਾਰਾ ਕਰੀਨਾ ਕਪੂਰ ਖਾਨ ਨਾਲ ਜਹਾਜ਼ ਵਿੱਚ ਆਪਣੀ ਮੁਲਾਕਾਤ ਦੀਆਂ ਫੋਟੋਆਂ ਸਾਂਝੀਆਂ ਕੀਤੀਆਂ ਅਤੇ ਉਨ੍ਹਾਂ ਦੇ ਅਦਾਕਾਰੀ ਸਫ਼ਰ ਦੀ ਪ੍ਰਸ਼ੰਸਾ ਕੀਤੀ। ਖੇਰ ਨੇ ਅਦਾਕਾਰਾ ਦੀ ਪਹਿਲੀ ਫਿਲਮ "ਰਿਫਿਊਜੀ" ਦੇ ਦਿਨਾਂ ਨੂੰ ਯਾਦ ਕੀਤਾ, ਜਿਸ ਵਿੱਚ ਉਨ੍ਹਾਂ ਨੇ ਜਾਨ ਮੁਹੰਮਦ ਦੀ ਭੂਮਿਕਾ ਨਿਭਾਈ ਸੀ। ਆਪਣੀ ਪੋਸਟ ਵਿੱਚ, ਅਨੁਪਮ ਖੇਰ ਨੇ ਲਿਖਿਆ ਕਿ 25 ਸਾਲ ਪਹਿਲਾਂ ਜੇਪੀ ਦੱਤਾ ਦੀ ਫਿਲਮ ਦੇ ਸੈੱਟ 'ਤੇ ਆਪਣੀ ਪਹਿਲੀ ਮੁਲਾਕਾਤ ਤੋਂ ਬਾਅਦ, ਉਨ੍ਹਾਂ ਨੇ ਕਰੀਨਾ ਨੂੰ ਇੱਕ ਬਹੁਤ ਹੀ ਪਰਿਪੱਕ ਅਤੇ ਸੁੰਦਰ ਅਦਾਕਾਰਾ ਵਜੋਂ ਉਭਰਦੇ ਦੇਖਿਆ ਹੈ।
ਉਨ੍ਹਾਂ ਕਿਹਾ ਕਿ ਅੱਜ ਵੀ, ਕਰੀਨਾ ਚੰਗੀਆਂ ਭੂਮਿਕਾਵਾਂ ਲਈ ਉਹੀ ਪੁਰਾਣੀ "ਭੁੱਖ" ਅਤੇ ਸਾਦਗੀ ਬਰਕਰਾਰ ਰੱਖਦੀ ਹੈ। 2000 ਵਿੱਚ ਰਿਲੀਜ਼ ਹੋਈ "ਰਿਫਿਊਜੀ", ਕਰੀਨਾ ਕਪੂਰ ਅਤੇ ਅਭਿਸ਼ੇਕ ਬੱਚਨ ਦੀ ਪਹਿਲੀ ਫਿਲਮ ਸੀ। ਖੇਰ ਨੇ ਕਰੀਨਾ ਦੀ ਸ਼ਖਸੀਅਤ ਅਤੇ ਗਮਰਜੋਸ਼ੀ ਦੀ ਪ੍ਰਸ਼ੰਸਾ ਕਰਦੇ ਹੋਏ ਉਨ੍ਹਾਂ ਦੇ ਪਰਿਵਾਰ ਦੇ ਖੁਸ਼ਹਾਲ ਭਵਿੱਖ ਦੀ ਕਾਮਨਾ ਕੀਤੀ।
ਡੈਨਿਮ 'ਚ ਪਾਵਰਫੁੱਲ ਤੇ ਕਲਾਸੀ ਸਟਾਈਲ 'ਚ ਨਜ਼ਰ ਆਈ ਵਿੱਦਿਆ ਬਾਲਨ
NEXT STORY 
