ਮੁੰਬਈ (ਬਿਊਰੋ)– ਬਾਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਆਪਣੀ ਧੀ ਵਾਮਿਕਾ ਨੂੰ ਮੀਡੀਆ ਤੋਂ ਦੂਰ ਰੱਖਦੀ ਹੈ। ਉਹ ਵਾਮਿਕਾ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਸਾਂਝੀਆਂ ਨਹੀਂ ਕਰਦੀ ਹੈ ਤੇ ਫੋਟੋਗ੍ਰਾਫਰਾਂ ਨੂੰ ਵੀ ਉਸ ਦੀਆਂ ਤਸਵੀਰਾਂ ਖਿੱਚਣ ਤੋਂ ਮਨ੍ਹਾ ਕਰਦੀ ਹੈ।
ਧੀ ਦੀਆਂ ਤਸਵੀਰਾਂ ਸਾਂਝੀਆਂ ਕਰਨ ਨੂੰ ਲੈ ਕੇ ਅਨੁਸ਼ਕਾ ਨੇ ਇਕ ਮੀਡੀਆ ਹਾਊਸ ਨੂੰ ਖਰੀਆਂ-ਖਰੀਆਂ ਸੁਣਾਈਆਂ ਹਨ। ਇਕ ਮੀਡੀਆ ਹਾਊਸ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ’ਤੇ ਵਾਮਿਕਾ ਦੀ ਤਸਵੀਰ ਸਾਂਝੀ ਕੀਤੀ ਸੀ, ਜਿਸ ’ਚ ਉਹ ਆਪਣੇ ਮਾਪਿਆਂ ਅਨੁਸ਼ਕਾ ਤੇ ਵਿਰਾਟ ਨਾਲ ਮਾਲਦੀਵ ਤੋਂ ਪਰਤੀ ਹੈ। ਜਦੋਂ ਮੀਡੀਆ ਹਾਊਸ ਨੇ ਉਹ ਤਸਵੀਰ ਡਿਲੀਟ ਕਰ ਦਿੱਤੀ ਤਾਂ ਉਸ ਤੋਂ ਬਾਅਦ ਅਨੁਸ਼ਕਾ ਨੇ ਸੋਸ਼ਲ ਮੀਡੀਆ ’ਤੇ ਪੋਸਟ ਸਾਂਝੀ ਕੀਤੀ।
ਇਹ ਖ਼ਬਰ ਵੀ ਪੜ੍ਹੋ : ਡਰੱਗਸ ਮਾਮਲੇ ’ਚ ਫਸੇ ਸ਼ਕਤੀ ਕਪੂਰ ਦੇ ਪੁੱਤਰ ਸਿਧਾਂਤ ਕਪੂਰ ਨੂੰ ਪੁਲਸ ਨੇ ਜ਼ਮਾਨਤ ’ਤੇ ਕੀਤਾ ਰਿਹਾਅ
ਅਨੁਸ਼ਕਾ ਨੇ ਲਿਖਿਆ, ‘‘ਲੱਗਦਾ ਹੈ ਕਿ ਮੀਡੀਆ ਹਾਊਸ ਨੂੰ ਲੱਗਦਾ ਹੈ ਕਿ ਉਹ ਪਰਿਵਾਰ ਤੋਂ ਜ਼ਿਆਦਾ ਜਾਣਦੇ ਹਨ ਕਿ ਉਨ੍ਹਾਂ ਦੇ ਬੱਚੇ ਲਈ ਕੀ ਬਿਹਤਰ ਹੈ ਕਿਉਂਕਿ ਕਈ ਵਾਰ ਬੇਨਤੀ ਕਰਨ ਤੋਂ ਬਾਅਦ ਵੀ ਉਹ ਤਸਵੀਰਾਂ ਖਿੱਚ ਰਹੇ ਹਨ ਤੇ ਪੋਸਟ ਕਰ ਰਹੇ ਹਨ। ਦੂਜੇ ਮੀਡੀਆ ਹਾਊਸ ਤੇ ਫੋਟੋਗ੍ਰਾਫਰਾਂ ਕੋਲੋਂ ਕੁਝ ਸਿੱਖੋ।’’
ਵਾਮਿਕਾ ਦੀ ਤਸਵੀਰ ਵਾਲੀ ਪੋਸਟ ’ਚ ਅਨੁਸ਼ਕਾ ਸ਼ਰਮਾ ਤੇ ਵਿਰਾਟ ਕੋਹਲੀ ਦੇ ਹੈਸ਼ਟੈਗ ਵੀ ਸ਼ਾਮਲ ਸਨ। ਇੰਸਟਾਗ੍ਰਾਮ ’ਤੇ ਹੈਸ਼ਟੈਗ ਅਨੁਸ਼ਕਾ ਸ਼ਰਮਾ, ਵਿਰਾਟ ਕੋਹਲੀ ਤੇ ਵਾਮਿਕਾ ਕੋਹਲੀ ਨਾਂ ਦੀ ਪੋਸਟ ਹਟਾ ਦਿੱਤੀ ਗਈ ਹੈ। ਕਈ ਪ੍ਰਸ਼ੰਸਕਾਂ ਨੂੰ ਅਜਿਹਾ ਲੱਗ ਰਿਹਾ ਹੈ ਕਿ ਪੋਸਟ ’ਚ ਵਾਮਿਕਾ ਦਾ ਚਿਹਰਾ ਸੀ, ਇਸ ਲਈ ਅਜਿਹਾ ਕੀਤਾ ਗਿਆ ਹੈ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
‘ਕੇ. ਬੀ. ਸੀ. ’ਚ ਨਜ਼ਰ ਆਏ ਕਿਆਰਾ ਦੇ ਵੱਡੇ ਫੈਨ ਨੂੰ ਆਖਿਰ ਮਿਲਿਆ ਅਦਾਕਾਰਾ ਨੂੰ ਮਿਲਣ ਦਾ ਮੌਕਾ
NEXT STORY 
