ਮੁੰਬਈ : ਬਾਲੀਵੁੱਡ ਅਦਾਕਾਰ ਅਰਜੁਨ ਰਾਮਪਾਲ ਇਨੀਂ ਦਿਨੀਂ ਆਪਣੀ ਸਫਲਤਾ ਦੇ ਰੰਗ ਵਿੱਚ ਰੰਗੇ ਹੋਏ ਹਨ। 'ਧੁਰੰਦਰ' ਫ੍ਰੈਂਚਾਈਜ਼ੀ ਵਿੱਚ ਆਪਣੀ ਸ਼ਾਨਦਾਰ ਅਦਾਕਾਰੀ ਨਾਲ ਲੋਹਾ ਮਨਵਾਉਣ ਤੋਂ ਬਾਅਦ, ਹੁਣ ਉਹ ਇੱਕ ਹੋਰ ਵੱਡੇ ਪ੍ਰੋਜੈਕਟ ਲਈ ਤਿਆਰ ਹਨ। ਅਰਜੁਨ ਰਾਮਪਾਲ ਜਲਦ ਹੀ ਦਿੱਗਜ ਨਿਰਦੇਸ਼ਕ ਹੰਸਲ ਮਹਿਤਾ ਦੀ ਨਵੀਂ ਸੀਰੀਜ਼ 'Billionaire' ਵਿੱਚ ਨਜ਼ਰ ਆਉਣਗੇ। ਇਸ ਸੀਰੀਜ਼ ਦਾ ਨਿਰਦੇਸ਼ਨ ਹੰਸਲ ਮਹਿਤਾ ਅਤੇ ਰੌਬੀ ਗਰੇਵਾਲ ਮਿਲ ਕੇ ਕਰ ਰਹੇ ਹਨ। ਇਸ ਨੂੰ ਅਨੁਭਵ ਚੋਪੜਾ ਅਤੇ ਸ਼ਾਂਤਨੂ ਸਾਗਰਾ ਨੇ ਲਿਖਿਆ ਹੈ। ਇਹ ਪ੍ਰੋਜੈਕਟ 'ਆਲਮਾਈਟੀ ਮੋਸ਼ਨ ਪਿਕਚਰ' ਦੇ ਬੈਨਰ ਹੇਠ ਪ੍ਰਭਲੀਨ ਸੰਧੂ ਵੱਲੋਂ ਪ੍ਰੋਡਿਊਸ ਕੀਤਾ ਜਾ ਰਿਹਾ ਹੈ ਅਤੇ ਇਹ Amazon MX Player 'ਤੇ ਰਿਲੀਜ਼ ਹੋਵੇਗੀ।
ਆਪਣੇ ਨਵੇਂ ਪ੍ਰੋਜੈਕਟ ਬਾਰੇ ਗੱਲ ਕਰਦਿਆਂ ਅਰਜੁਨ ਰਾਮਪਾਲ ਨੇ ਕਿਹਾ, "ਮੈਂ ਇਸ ਪ੍ਰੋਜੈਕਟ ਨੂੰ ਲੈ ਕੇ ਬਹੁਤ ਉਤਸ਼ਾਹਿਤ ਹਾਂ। ਅਜਿਹੇ ਕਿਰਦਾਰ ਰੋਜ਼ਾਨਾ ਨਹੀਂ ਮਿਲਦੇ। ਹੰਸਲ ਮਹਿਤਾ ਅਤੇ ਰੌਬੀ ਗਰੇਵਾਲ ਵਰਗੇ ਕਲਾਕਾਰਾਂ ਨਾਲ ਕੰਮ ਕਰਨਾ ਮੇਰੇ ਲਈ ਇੱਕ ਸੁਪਨਾ ਸੱਚ ਹੋਣ ਵਰਗਾ ਹੈ। ਮੈਂ ਇਸ ਕਿਰਦਾਰ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ ਅਤੇ ਮੈਨੂੰ ਉਮੀਦ ਹੈ ਕਿ ਦਰਸ਼ਕਾਂ ਨੂੰ ਇਹ ਕੰਮ ਬਹੁਤ ਪਸੰਦ ਆਵੇਗਾ।"
ਕੀ ਹੋਵੇਗੀ ਕਹਾਣੀ?
Amazon MX Player ਦੇ ਕੰਟੈਂਟ ਹੈੱਡ ਅਮੋਘ ਦੁਸਾਦ ਨੇ ਦੱਸਿਆ ਕਿ 'Billionaire' ਅਭਿਲਾਸ਼ਾ, ਤਾਕਤ ਅਤੇ ਸਫਲਤਾ ਦੀ ਕੀਮਤ ਦੀ ਕਹਾਣੀ ਹੈ। ਉਨ੍ਹਾਂ ਕਿਹਾ ਕਿ ਅਰਜੁਨ ਰਾਮਪਾਲ ਦੀ ਮੌਜੂਦਗੀ ਇਸ ਕਿਰਦਾਰ ਵਿੱਚ ਹੋਰ ਗੰਭੀਰਤਾ ਅਤੇ ਤਾਕਤ ਭਰੇਗੀ। ਹਾਲਾਂਕਿ, ਫਿਲਹਾਲ ਇਸ ਬਾਰੇ ਜ਼ਿਆਦਾ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਗਈ ਹੈ।
1 ਸਾਲ ਦੀ ਹੋਈ ਕ੍ਰਿਕਟਰ KL ਰਾਹੁਲ ਦੀ ਧੀ 'ਇਵਾਰਾ', ਆਥੀਆ ਸ਼ੈੱਟੀ ਨੇ ਸਾਂਝੀਆਂ ਕੀਤੀਆਂ ਸੈਲੀਬ੍ਰੇਸ਼ਨ ਦੀਆਂ ਤਸਵੀਰਾਂ
NEXT STORY 
