ਮੁੰਬਈ (ਬਿਊਰੋ)– ਆਸਿਮ ਰਿਆਜ਼ ਆਪਣੇ ਬੈਂਗਲੁਰੂ ਕੰਸਰਟ ਨੂੰ ਲੈ ਕੇ ਸੁਰਖ਼ੀਆਂ ਬਟੋਰ ਰਹੇ ਹਨ। ਕੰਸਰਟ ਦੀਆਂ ਕਲਿੱਪਸ ਇੰਟਰਨੈੱਟ ’ਤੇ ਸਾਹਮਣੇ ਆ ਰਹੀਆਂ ਹਨ, ਜਿਥੇ ਉਹ ‘ਬਿੱਗ ਬੌਸ ਓ. ਟੀ. ਟੀ. 2’ ’ਚ ਐਲਵਿਸ਼ ਦੇ ਸਫ਼ਰ ਬਾਰੇ ਗੱਲ ਕਰ ਰਿਹਾ ਹੈ ਤੇ ਉਸ ਦੀ ਤੇ ਸਿਧਾਰਥ ਸ਼ੁਕਲਾ ਦੀ ਤੁਲਨਾ ਕਰ ਰਿਹਾ ਹੈ। ਜਿਸ ਗੱਲ ਨੇ ਸਭ ਤੋਂ ਜ਼ਿਆਦਾ ਧਿਆਨ ਖਿੱਚਿਆ, ਉਹ ਸੀ ਆਸਿਮ ਨੇ ਕੰਸਰਟ ਦੌਰਾਨ ਐਲਵਿਸ਼ ਯਾਦਵ ਦਾ ਨਾਂ ਲੈ ਕੇ ਆਪਣੀ ਵਿਚਕਾਰਲੀ ਉਂਗਲੀ ਦਿਖਾਉਂਦੇ ਹੋਏ। ਜਿਵੇਂ ਹੀ ਐਲਵਿਸ਼ ਨੂੰ ਇਸ ਗੱਲ ਦਾ ਪਤਾ ਲੱਗਾ ਤਾਂ ਉਹ ਤੁਰੰਤ ਇੰਸਟਾਗ੍ਰਾਮ ’ਤੇ ਲਾਈਵ ਹੋ ਗਿਆ।
ਉਸ ਨੇ ਕਈ ਗੱਲਾਂ ਕਹਿ ਕੇ ਆਸਿਮ ਰਿਆਜ਼ ਨੂੰ ਘੇਰ ਲਿਆ। ਆਸਿਮ ਨੇ ਇਹ ਕਹਿ ਕੇ ਐਲਵਿਸ਼ ਯਾਦਵ ’ਤੇ ਚੁਟਕੀ ਲਈ ਕਿ ਕੋਈ ਵੀ ਉਨ੍ਹਾਂ ਦੀ ਤੇ ਸਿਧਾਰਥ ਦੀ ਥਾਂ ਨਹੀਂ ਲੈ ਸਕਦਾ। ਇਸ ਤੋਂ ਬਾਅਦ ਦਰਸ਼ਕਾਂ ਨੇ ਐਲਵਿਸ਼ ਦੇ ਨਾਂ ਦੀ ਤਾਰੀਫ਼ ਕੀਤੀ ਤੇ ਫਿਰ ਆਸਿਮ ਨੇ ਉਨ੍ਹਾਂ ਦਾ ਮਜ਼ਾਕ ਉਡਾਉਂਦਿਆਂ ਕਿਹਾ ਕਿ ਉਹ ਲਾਈਵ ਆ ਕੇ ਆਪਣੇ ਫਾਲੋਅਰਜ਼ ਬਾਰੇ ਗੱਲ ਕਰਦੇ ਹਨ। ‘ਬਿੱਗ ਬੌਸ 13’ ਦੇ ਸਟਾਰ ਨੇ ਵੀ ਐਲਵਿਸ਼ ਬਾਰੇ ਗੱਲ ਕਰਦਿਆਂ ਆਪਣੀ ਵਿਚਕਾਰਲੀ ਉਂਗਲ ਦਿਖਾਈ।
ਇਹ ਖ਼ਬਰ ਵੀ ਪੜ੍ਹੋ : ਸ਼ਾਹਰੁਖ ਖ਼ਾਨ ਦੀ ‘ਜਵਾਨ’ ਫ਼ਿਲਮ ਨੇ ਕਮਾਈ ਦਾ ਲਿਆਂਦਾ ਤੂਫ਼ਾਨ, ਬਣਾ ਦਿੱਤੇ 10 ਨਵੇਂ ਰਿਕਾਰਡ
ਇਸ ਤੋਂ ਬਾਅਦ ਐਲਵਿਸ਼ ਯਾਦਵ ਇੰਸਟਾਗ੍ਰਾਮ ’ਤੇ ਲਾਈਵ ਆਏ ਤੇ ਉਨ੍ਹਾਂ ਨੇ ਇਸ ’ਤੇ ਪ੍ਰਤੀਕਿਰਿਆ ਦਿੱਤੀ। ਉਸ ਨੇ ਕਿਹਾ, ‘‘ਉਹ ਇਸ ਸਮੇਂ ਮੇਰੇ ਪਿੱਛੇ ਹੈ। ਮੈਂ ਵਿਵਾਦਾਂ ਤੋਂ ਦੂਰ ਰਹਿਣ ਦੀ ਕੋਸ਼ਿਸ਼ ਕਰਦਾ ਹਾਂ ਪਰ ਉਸ ਨੇ ਆਪਣੇ ਸੰਗੀਤ ਸਮਾਰੋਹ ’ਚ ਮੈਨੂੰ ਗਾਲ੍ਹਾਂ ਕੱਢ ਕੇ ਇਹ ਸਭ ਸ਼ੁਰੂ ਕੀਤਾ। ਮੈਂ ਚਾਹਾਂਗਾ ਕਿ ਉਹ ਮੇਰੇ ਚਿਹਰੇ ’ਤੇ ਅਜਿਹਾ ਕਰਨ ਦੀ ਹਿੰਮਤ ਰੱਖਣ, ਨਾ ਕਿ ਲਾਈਵ।’’
ਇਕ ਵੀਡੀਓ ’ਚ ਆਸਿਮ ਨੂੰ ਇਹ ਕਹਿੰਦਿਆਂ ਦੇਖਿਆ ਗਿਆ, ‘‘ਲੋਕ ਆਉਣਗੇ ਤੇ ਜਾਣਗੇ ਪਰ ਮੇਰੇ ਤੇ ਸਿਧਾਰਥ ਵਰਗਾ ਕੋਈ ਨਹੀਂ ਹੋਵੇਗਾ, ਸਾਡੀ ਜਗ੍ਹਾ ਕੋਈ ਨਹੀਂ ਲੈ ਸਕਦਾ, ਕੋਈ ਰਸਤਾ ਨਹੀਂ ਹੈ। ਜਿਹੜੇ ਲੋਕ ਲਾਈਵ ਹੁੰਦੇ ਹਨ ਤੇ ਆਪਣੇ ਫਾਲੋਅਰਜ਼ ਦੀ ਗਿਣਤੀ ਕਰਦੇ ਹਨ, ਉਨ੍ਹਾਂ ਨੂੰ ਰੁੱਕ ਜਾਣਾ ਚਾਹੀਦਾ ਹੈ ਕਿਉਂਕਿ ਉਹ ਅਜਿਹਾ ਨਹੀਂ ਕਰ ਸਕਦੇ।’’ ਕਈ ਲੋਕ ਐਲਵਿਸ਼ ਯਾਦਵ ਦੇ ਸਮਰਥਨ ’ਚ ਸਨ, ਉਥੇ ਹੀ ਆਸਿਮ ਦੇ ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਦਾ ਸਮਰਥਨ ਕੀਤਾ। ਆਸਿਮ ਰਿਆਜ਼ ‘ਬਿੱਗ ਬੌਸ 13’ ਦੇ ਪਹਿਲੇ ਰਨਰਅੱਪ ਸਨ। ਦੂਜੇ ਪਾਸੇ ਐਲਵਿਸ਼ ਨੇ ‘ਬਿੱਗ ਬੌਸ ਓ. ਟੀ. ਟੀ. 2’ ਦੀ ਟਰਾਫੀ ਜਿੱਤਣ ਵਾਲੇ ਪਹਿਲੇ ਵਾਈਲਡਕਾਰਡ ਬਣ ਕੇ ਇਤਿਹਾਸ ਰਚ ਦਿੱਤਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਅਮਰੀਕਾ ਜਾਣ ਦਾ ਅਸਲ ਕਾਰਨ ਨਹੀਂ ਹੈ ਧਰਮਿੰਦਰ ਦੀ ਬੀਮਾਰੀ, ਇਸ ਕਾਰਨ ਮਾਤਾ-ਪਿਤਾ ਨਾਲ ਵਿਦੇਸ਼ ਪਹੁੰਚੇ ਸਨੀ ਦਿਓਲ
NEXT STORY 
