ਮੁੰਬਈ- ਕਾਮੇਡੀ ਕੁਈਨ ਭਾਰਤੀ ਸਿੰਘ ਅਤੇ ਉਨ੍ਹਾਂ ਦੇ ਪਤੀ ਹਰਸ਼ ਲਿੰਬਾਚੀਆ ਇੰਡਸਟਰੀ ਦੇ ਸਭ ਤੋਂ ਮਸ਼ਹੂਰ ਜੋੜਿਆਂ 'ਚੋਂ ਇਕ ਹਨ। ਹਰਸ਼ ਅਤੇ ਭਾਰਤੀ ਦੇ ਵਿਚਾਲੇ ਦਾ ਪਿਆਰ ਹੀ ਨਹੀਂ ਸਗੋਂ ਜੋੜੇ ਦੀ ਕਾਮਿਕ ਟਾਈਮਿੰਗ ਵੀ ਪ੍ਰਸ਼ੰਸਕਾਂ ਵਲੋਂ ਖ਼ੂਬ ਪਸੰਦ ਕੀਤੀ ਜਾਂਦੀ ਹੈ। ਦੋ ਮਹੀਨੇ ਪਹਿਲਾਂ ਭਾਵ ਅਪ੍ਰੈਲ 'ਚ ਜੋੜੇ ਦੇ ਘਰ ਇਕ ਪਿਆਰੇ ਜਿਹੇ ਪੁੱਤਰ ਦੀ ਕਿਲਕਾਰੀ ਗੂੰਜੀ। ਭਾਰਤੀ ਆਪਣੇ ਨੰਨ੍ਹੇ ਸ਼ਹਿਜ਼ਾਦੇ ਨੂੰ ਗੋਲੂ ਨਾਂ ਨਾਲ ਬੁਲਾਉਂਦੀ ਹੈ। ਹਾਲਾਂਕਿ ਉਸ ਦਾ ਅਸਲੀ ਨਾਂ ਲਕਸ਼ ਲਿੰਬਾਚੀਆ ਹੈ। ਉਂਝ ਤਾਂ ਜੋੜਾ ਹਮੇਸ਼ਾ ਆਪਣੇ ਪੁੱਤਰ ਦੀ ਤਸਵੀਰ ਸਾਂਝੀ ਕਰਦਾ ਰਹਿੰਦਾ ਹੈ ਪਰ ਕਦੇ ਉਸ ਦਾ ਚਿਹਰਾ ਪ੍ਰਸ਼ੰਸਕਾਂ ਨਾਲ ਰੂ-ਬ-ਰੂ ਨਹੀਂ ਕਰਵਾਇਆ।
ਪ੍ਰਸ਼ੰਸਕ ਉਸ ਦੇ ਪੁੱਤਰ ਦੀ ਇਕ ਝਲਕ ਪਾਉਣ ਲਈ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ। ਪਰ ਆਖਿਰਕਾਰ ਲੰਬੇ ਸਮੇਂ ਬਾਅਦ ਪੂਰੇ ਭਾਰਤ 'ਚ ਫੈਲੇ ਆਪਣੇ ਪ੍ਰਸ਼ੰਸਕਾਂ ਦੀ ਦਿਲ ਦੀ ਇੱਛਾ ਪੂਰੀ ਕਰਦੇ ਹੋਏ ਭਾਰਤੀ ਅਤੇ ਹਰਸ਼ ਨੇ ਆਪਣੇ ਪੁੱਤਰ ਦਾ ਚਿਹਰਾ ਦਿਖਾਇਆ ਹੈ।
ਹਰਸ਼ ਅਤੇ ਭਾਰਤੀ ਨੇ ਯੂ-ਟਿਊਬ 'ਤੇ ਇਕ ਬਲਾਗ ਸਾਂਝਾ ਕਰਦੇ ਹੋਏ ਪੁੱਤਰ ਲਕਸ਼ ਦਾ ਚਿਹਰਾ ਲੋਕਾਂ ਨੂੰ ਦਿਖਾਇਆ। ਵੀਡੀਓ ਦੀ ਸ਼ੁਰੂਆਤ 'ਚ ਭਾਰਤੀ ਸਿੰਘ ਕਹਿੰਦੀ ਹੈ-'ਹਰਸ਼ ਨਹਾਉਣ ਗਿਆ ਹੈ...ਯਾਰ ਅੱਜ ਤੁਸੀਂ ਲੋਕ ਗੋਲਾ ਦੇਖ ਲਓਗੇ। ਮੈਨੂੰ ਬਹੁਤ ਮੈਸੇਜ ਮਿਲੇ ਸਨ, ਬਹੁਤ ਤਾਅਨੇ ਵੀ ਮਿਲੇ ਸੀ ਪਰ ਅੱਜ ਆਖਿਰਕਾਰ ਤੁਸੀਂ ਗੋਲਾ ਨੂੰ ਦੇਖ ਲਓਗੇ। ਉਂਝ ਤਾਂ ਬਰਥਡੇਅ ਦੇ ਬਲਾਗ 'ਤੇ ਹੀ ਦਿਖਾ ਦੇਣਾ ਚਾਹੀਦਾ ਸੀ ਪਰ ਬਾਹਰ ਗਏ ਸੀ ਤਾਂ ਚੰਗੀ ਤਰ੍ਹਾਂ ਨਹੀਂ ਹੋ ਪਾਉਂਦਾ।
ਹਰਸ਼ ਅਤੇ ਭਾਰਤੀ ਦਾ ਗੋਲਾ ਹੈ, ਅਜਿਹੇ ਥੋੜ੍ਹੀ ਜਿਹੀ ਚਾਦਰ ਹਟਾਈ ਅਤੇ ਚਿਹਰਾ ਦਿਖਾ ਦਿੱਤਾ। ਮੈਂ ਤਾਂ ਬਹੁਤ ਉਤਸ਼ਾਹਿਤ ਹਾਂ, ਉਹ ਸੋ ਰਿਹਾ ਹੈ। ਅਜੇ ਤਿਆਰ ਕਰ ਦਿੰਦੀ ਹਾਂ ਕਿਉਂਕਿ ਤੁਹਾਨੂੰ ਪਹਿਲੀ ਵਾਰ ਦਿਖਾਉਣਾ ਹੈ ਤਾਂ ਹੀਰੋ ਲੱਗਣਾ ਚਾਹੀਦੈ ਨਾ।
ਇਸ ਤੋਂ ਬਾਅਦ ਭਾਰਤੀ ਪੁੱਤਰ ਦੇ ਖਿਡੌਣੇ ਦਿਖਾਉਂਦੀ ਹੈ ਤੇ ਦੱਸਦੀ ਹੈ ਕਿ ਜਦੋਂ ਵੀ ਉਸ ਦੀਆਂ ਅੱਖਾਂ ਖੁੱਲ੍ਹਦੀਆਂ ਹਨ ਤਾਂ ਉਸ ਨੂੰ ਉਹ ਸਾਹਮਣੇ ਚਾਹੀਦੇ ਹਨ। ਇਸ ਤੋਂ ਬਾਅਦ ਜੋੜਾ ਆਪਣੇ ਪੁੱਤਰ ਦੀ ਝਲਕ ਦਿਖਾਉਂਦਾ ਹੈ। ਭਾਰਤੀ ਅਤੇ ਹਰਸ਼ ਦਾ ਪੁੱਤਰ ਲਕਸ਼ ਇਕ ਸਫੈਦ ਟੀ-ਸ਼ਰਟ ਦੇ ਨਾਲ ਲਾਲ ਬਿਬ ਪੈਂਟ ਅਤੇ ਇਕ ਬੋਅ ਟਾਈ ਦੇ ਨਾਲ ਬਹੁਤ ਪਿਆਰਾ ਲੱਗ ਰਿਹਾ ਸੀ।
ਵੀਡੀਓ 'ਚ ਭਾਰਤੀ ਨੇ ਆਪਣੇ ਪੁੱਤਰ ਲਕਸ਼ ਦੇ ਪਹਿਲੇ ਫੋਟੋਸ਼ੂਟ ਦੀਆਂ ਤਸਵੀਰਾਂ ਵੀ ਦਿਖਾਈਆਂ ਹਨ।
ਵੀਡੀਓ 'ਚ ਇਕ ਪਿਆਰਾ ਪਲ ਵੀ ਦਿਖਿਆ ਜਦੋਂ ਭਾਰਤੀ ਨੇ ਇਕ ਸਫੈਦ ਡਰੈੱਸ ਪਹਿਨੀ ਸੀ ਅਤੇ ਉਨ੍ਹਾਂ ਦਾ ਪੁੱਤਰ ਇਕ ਸਫੈਦ ਸਵੈਡਲ 'ਚ ਲਿਪਟਿਆ ਹੋਇਆ ਸੀ।
ਅਗਲੇ ਫਰੇਮ 'ਚ ਦੇਖਿਆ ਸਕਦੇ ਹੋ ਕਿ ਹਰਸ਼ ਆਪਣੇ ਬੱਚੇ ਨੂੰ ਗੋਦ 'ਚ ਲਏ ਹੋਏ ਹਨ ਅਤੇ ਭਾਰਤੀ ਦੇ ਸਿਰ 'ਤੇ ਕਿੱਸ ਕਰ ਰਹੇ ਹਨ।
ਭਾਰਤੀ ਸਿੰਘ ਦਾ ਪੁੱਤਰ ਉਨ੍ਹਾਂ ਦੀ ਤਰ੍ਹਾਂ ਹੀ ਗੋਲੂ-ਮੋਲੂ ਅਤੇ ਬਹੁਤ ਕਿਊਟ ਹੈ। ਸੋਸ਼ਲ ਮੀਡੀਆ ਯੂਜ਼ਰਸ ਭਾਰਤੀ ਸਿੰਘ ਅਤੇ ਹਰਸ਼ ਲਿੰਬਾਚੀਆ ਦੇ ਪੁੱਤਰ ਲਕਸ਼ ਦੀ ਪਹਿਲੀ ਝਲਕ ਦੇਖ ਕੇ ਉਸ ਦੇ ਕਿਊਟਨੈੱਸ ਦੀ ਤਾਰੀਫ ਕਰ ਰਹੇ ਹਨ।
ਭਾਰਤੀ ਅਤੇ ਹਰਸ਼ 3 ਦਸੰਬਰ 2017 ਨੂੰ ਵਿਆਹ ਦੇ ਬੰਧਨ 'ਚ ਬੱਝੇ। 3 ਅਪ੍ਰੈਲ ਨੂੰ ਭਾਰਤੀ ਸਿੰਘ ਅਤੇ ਉਨ੍ਹਾਂ ਦੇ ਪਤੀ ਹਰਸ਼ ਨੇ ਆਪਣੇ-ਆਪਣੇ ਇੰਸਟਾਗ੍ਰਾਮ ਹੈਂਡਲ 'ਤੇ ਆਪਣੇ ਪੁੱਤਰ ਦੇ ਆਉਣ ਦੀ ਘੋਸ਼ਣਾ ਕੀਤੀ।
ਗਿੱਪੀ ਗਰੇਵਾਲ ਦਾ ਗੀਤ ‘ਮੁਟਿਆਰੇ ਨੀ’ ਰਿਲੀਜ਼ (ਵੀਡੀਓ)
NEXT STORY 
