ਮੁੰਬਈ (ਬਿਊਰੋ) — ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ 14' ਦੇ ਵੀਕੈਂਡ ਕਾ ਵਾਰ 'ਚ ਪਹਿਲੇ ਕਨਫਰਮ ਮੁਕਾਬਲੇਬਾਜ਼ ਦੀ ਅਨਾਊਮੈਂਟ ਕਰ ਦਿੱਤੀ ਗਈ ਹੈ। ਟਾਸਕ ਤੇ ਸੀਨੀਅਰਾਂ ਦੇ ਫ਼ੈਸਲੇ 'ਤੇ ਮੋਹਰ ਲਾਉਂਦੇ ਹੋਏ ਸ਼ੋਅ ਦੇ ਹੋਸਟ ਸਲਮਾਨ ਖਾਨ ਨੇ ਪਵਿੱਤਰਾ ਪੁਨਿਆ ਤੇ ਨਿੱਕੀ ਤੰਬੋਲੀ 'ਚੋਂ ਨਿੱਕੀ ਨੂੰ ਘਰ ਦਾ ਪਹਿਲਾ ਕਨਫਰਮ ਮੁਕਾਬਲੇਬਾਜ਼ ਘੋਸ਼ਿਤ ਕੀਤਾ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਇਸ ਕਨਫਰਮ ਮੁਕਾਬਲੇਬਾਜ਼ ਨੂੰ ਮਿਲਣ ਵਾਲੀਆਂ ਸੁਵਿਧਾਵਾਂ ਦਾ ਵੀ ਐਲਾਨ ਕੀਤਾ ਹੈ।
ਬਿੱਗ ਬੌਸ ਦੀ ਕਨਫਰਮ ਮੁਕਾਬਲੇਬਾਜ਼ ਬਣਨ ਨਾਲ ਹੀ ਉਨ੍ਹਾਂ ਨੂੰ ਇਕ ਹੋਰ ਫਾਇਦਾ ਮਿਲਿਆ। ਹੁਣ ਉਸ ਨੂੰ ਆਪਣੇ ਸੀਨੀਅਰਾਂ ਵਾਂਗ ਘਰ ਦੀਆਂ ਸਾਰੀਆਂ ਸੁਵਿਧਾਵਾਂ ਮਿਲਣਗੀਆਂ। ਯਾਨੀਕਿ ਉਸ ਨੂੰ ਨਾ ਖਾਣ-ਪੀਣ 'ਚ ਤੇ ਨਾ ਹੀ ਸ਼ਾਪਿੰਗ ਮਾਲ ਜਾਂ ਹੋਰਨਾਂ ਲਗਜ਼ਰੀ ਆਈਟਮਾਂ ਦੇ ਇਸਤੇਮਾਲ ਕਰਨ 'ਚ ਕੋਈ ਰੋਕ-ਟੋਕ ਹੋਵੇਗੀ। ਘਰ ਦੇ ਬਾਕੀ ਮੈਂਬਰ ਫ਼ਿਲਹਾਲ ਟੀ. ਬੀ. ਸੀ. ਯਾਨੀਕਿ ਟੂ. ਬੀ. ਕਨਫਰਮ ਹੀ ਹਨ, ਜਿਨ੍ਹਾਂ 'ਚੋਂ ਕਿਸੇ ਇਕ ਮੈਂਬਰ ਦਾ ਅੱਜ ਐਲੀਮੀਨੇਸ਼ਨ ਹੋਵੇਗਾ।
ਗੱਲ ਕਰੀਏ ਨਿੱਕੀ ਤੰਬੋਲ ਦੀ ਤਾਂ 'ਬਿੱਗ ਬੌਸ' ਦੇ ਘਰ 'ਚ ਆਉਂਦੇ ਹੀ ਉਸ ਨੇ ਲੋਕਾਂ ਨੂੰ ਪ੍ਰੇਸ਼ਾਨ ਕੀਤਾ। 'ਬਿੱਗ ਬੌਸ ਮਾਲ' ਤੋਂ ਲੈ ਕੇ ਘਰ ਦੇ ਕੰਮ ਨੂੰ ਲੈ ਕੇ ਉਸ ਨੇ ਬਹੁਤ ਨਖ਼ਰੇ ਕੀਤੇ। ਤੰਬੋਲੀ ਸ਼ੁਰੂਆਤ ਤੋਂ ਹੀ ਆਪਣੇ ਲਈ ਖੇਡਦੀ ਨਜ਼ਰ ਆ ਰਹੀ ਹੈ। 'ਬਿੱਗ ਬੌਸ' ਦੇ ਦਿੱਤੇ ਟਾਸਕ 'ਚ ਵੀ ਉਹ ਚੰਗਾ ਪਰਫਾਰਮ ਕਰਦੀ ਰਹੀ। ਉਸ ਨੇ ਪਹਿਲੇ ਹਫ਼ਤੇ ਦੇ ਆਖਰੀ ਟਾਸਕ ਨੂੰ ਜਿੱਤ ਕੇ ਖ਼ੁਦ ਨੂੰ ਇਮਿਊਨ ਕੀਤਾ, ਜਿਸ 'ਚ ਉਸ ਦੇ ਕੰਪਟੀਟਰ ਪਵਿੱਤਰ ਪੁਨਿਆ ਰਹੀ। ਦੋਵੇਂ ਹੀ ਘਰ ਦੇ ਕਨਫਰਮ ਮੈਂਬਰਾਂ ਦੀ ਟਿਕਟ ਪਾਉਣ ਦੀ ਹੋੜ 'ਚ ਸਨ ਪਰ ਅੰਤ 'ਚ ਸੀਨੀਅਰ ਨੇ ਨਿੱਕੀ ਦੀ ਗੇਮ ਦੇਖਦੇ ਹੋਏ ਉਸ ਨੂੰ ਹਰੀ ਝੰਡੀ ਦਿਖਾਈ।
ਸੀਨੀਅਰਾਂ ਨੇ ਇਸ ਵਜ੍ਹਾ ਕਰਕੇ ਨਿੱਕੀ ਨੂੰ ਦਿਖਾਈ ਹਰੀ ਝੰਡੀ
ਨਿੱਕੀ ਨੇ ਹੁਣ ਤੱਕ ਸ਼ੋਅ 'ਚ ਸਭ ਤੋਂ ਜ਼ਿਆਦਾ ਅਟੈਂਸ਼ਨ ਹਾਸਲ ਕੀਤਾ ਹੈ। ਭਾਵੇਂ ਹੀ ਉਸ ਨੇ ਦੂਜੇ ਮੁਕਾਬਲੇਬਾਜ਼ ਨਾਲ ਪੰਗੇ ਲਏ ਪਰ ਹਰ ਵਾਰ ਉਹ ਮਜ਼ਬੂਤ ਨਜ਼ਰ ਆਈ। ਉਸ ਨੇ ਘਰ ਦੇ ਟਾਸਟ ਨੂੰ ਚੰਗੇ ਤਰੀਕੇ ਨਾਲ ਨਿਭਾਇਆ ਤੇ ਪਹਿਲਾ ਟਾਸਕ ਜਿੱਤ ਕੇ ਇਮਿਊਨਿਟੀ ਹਾਸਲ ਕਰ ਲਈ। ਜਦੋਂ ਦੂਜੇ ਟਾਸਕ ਦੀ ਵਾਰੀ ਆਈ ਤਾਂ ਇਸ 'ਚ ਵੀ ਉਹ ਡਟੀ ਰਹੀ। ਦੂਜੇ ਟਾਸਕ 'ਚ ਨਿੱਕੀ ਨੂੰ ਆਪਣੇ ਮੇਕਅੱਪ ਦੇ ਸਾਮਾਨ ਤੋਂ ਹੱਥ ਧੋਣਾ ਪਿਆ ਪਰ ਉਸ ਨੇ ਇਸ ਦੀ ਪਰਵਾਹ ਕੀਤੇ ਬਿਨਾ ਖੇਡ ਨੂੰ ਬਰਕਰਾਰ ਰੱਖਿਆ। ਉਸ ਦੀ ਇਸ ਗੱਲ ਨੇ ਸੀਨੀਅਰਾਂ ਨੂੰ ਇੰਪ੍ਰੈੱਸ ਕੀਤਾ, ਜਿਸ ਕਰਕੇ ਪਵਿੱਤਰਾ ਪੁਨਿਆ ਦੇ ਚੰਗੇ ਲੀਡਰਸ਼ਿਪ ਕਵਾਲਿਟੀ ਦੇ ਬਾਵਜੂਦ, ਨਿੱਕੀ ਨੂੰ ਸੀਨੀਅਰਾਂ ਨੇ ਕਨਫਰਮ ਮੁਕਾਬਲੇਬਾਜ਼ ਲਈ ਚੁਣਿਆ।
...ਤਾਂ ਇਸ ਵਜ੍ਹਾ ਕਰਕੇ ਅਮਿਤਾਭ ਨੇ ਅਭਿਸ਼ੇਕ ਤੇ ਸ਼ਵੇਤਾ 'ਚ ਬਰਾਬਰ ਜਾਇਦਾਦ ਵੰਡਣ ਦਾ ਕੀਤਾ ਫ਼ੈਸਲਾ
NEXT STORY 
