ਮੁੰਬਈ- ਸ਼ੋਅ 'ਬਿੱਗ ਬੌਸ ਓਟੀਟੀ 3' ਨੂੰ ਲੈ ਕੇ ਕਾਫੀ ਕ੍ਰੇਜ਼ ਦੇਖਣ ਨੂੰ ਮਿਲ ਰਿਹਾ ਹੈ। ਸ਼ੋਅ ਨੂੰ ਲੈ ਕੇ ਕਾਫੀ ਸਮੇਂ ਤੋਂ ਕੁਝ ਅਪਡੇਟਸ ਆ ਰਹੇ ਹਨ। 'ਬਿੱਗ ਬੌਸ ਓਟੀਟੀ 3' ਨੂੰ ਲੈ ਕੇ ਕਈ ਨਾਮ ਪਹਿਲਾਂ ਹੀ ਸਾਹਮਣੇ ਆ ਚੁੱਕੇ ਹਨ। ਇਸ ਸ਼ੋਅ 'ਚ ਸੋਸ਼ਲ ਮੀਡੀਆ ਸਟਾਰਸ ਤੋਂ ਲੈ ਕੇ ਯੂਟਿਊਬਰ ਅਤੇ ਟੀ.ਵੀ. ਸਿਤਾਰੇ ਨਜ਼ਰ ਆ ਸਕਦੇ ਹਨ। ਹੁਣ ਸ਼ੋਅ ਨੂੰ ਲੈ ਕੇ ਇਕ ਹੋਰ ਨਾਂ ਸਾਹਮਣੇ ਆਇਆ ਹੈ, ਜਿਸ ਨੂੰ ਦੇਖ ਕੇ ਤੁਸੀਂ ਕਾਫੀ ਖੁਸ਼ ਹੋ ਸਕਦੇ ਹੋ।
ਇਹ ਖ਼ਬਰ ਵੀ ਪੜ੍ਹੋ- ਸ਼ਰਧਾ ਕਪੂਰ ਨੇ ਆਪਣਾ ਰਿਲੇਸ਼ਨ ਕੀਤਾ ਆਫੀਸ਼ੀਅਲ, ਜਾਣੋ ਕੌਣ ਹੈ ਅਦਾਕਾਰਾ ਦੇ ਦਿਲ ਦਾ ਰਾਜਾ
ਇਹ ਨਾਂ ਕੋਈ ਹੋਰ ਨਹੀਂ ਸਗੋਂ ਦਿੱਲੀ ਦੀ ਵਾਇਰਲ ਗਰਲ ਚੰਦਰਿਕਾ ਗੇਰਾ ਦੀਕਸ਼ਿਤ ਦਾ ਹੈ। ਜੀ ਹਾਂ, ਦਿੱਲੀ ਵਿੱਚ 'ਵੜਾ ਪਾਵ' ਦੇ ਥੈਲੇ ਵੇਚ ਕੇ ਹਰ ਪਾਸੇ ਵਾਇਰਲ ਹੋਣ ਵਾਲੀ 'ਵੜਾ ਪਾਵ' ਗਰਲ ਦੀ ਕਿਸਮਤ ਚਮਕ ਗਈ ਹੈ। ਚੰਦਰਿਕਾ ਬਾਰੇ ਖ਼ਬਰ ਹੈ ਕਿ ਉਹ ਬਿੱਗ ਬੌਸ ਓਟੀਟੀ 3 ਵਿੱਚ ਨਜ਼ਰ ਆ ਸਕਦੀ ਹੈ ਪਰ ਹੁਣ ਜਦੋਂ ਦਿੱਲੀ ਦੀ ਵੜਾ ਪਾਵ ਗਰਲ ਠੇਲਾ ਛੱਡ ਕੇ ਬਿੱਗ ਬੌਸ ਓਟੀਟੀ 3 'ਚ ਪਹੁੰਚੀ ਤਾਂ ਉਸ ਨੂੰ ਲੋਕਾਂ ਦੇ ਗੁੱਸੇ ਦਾ ਸਾਹਮਣਾ ਕਰਨਾ ਪਿਆ।
'ਵੜਾ ਪਾਵ ਗਰਲ' ਨੂੰ ਹਾਲ ਹੀ 'ਚ ਮੁੰਬਈ ਏਅਰਪੋਰਟ 'ਤੇ ਦੇਖਿਆ ਗਿਆ ਸੀ, ਜਿਸ ਤੋਂ ਬਾਅਦ ਚਰਚਾ ਸੀ ਕਿ ਉਹ 'ਬਿੱਗ ਬੌਸ ਓਟੀਟੀ 3' 'ਚ ਨਜ਼ਰ ਆ ਸਕਦੀ ਹੈ, ਜਿਸ ਨੂੰ ਅਨਿਲ ਕਪੂਰ ਹੋਸਟ ਕਰਨ ਜਾ ਰਹੇ ਹਨ। ਹਾਲਾਂਕਿ, ਇੱਕ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਲੋਕਾਂ ਦੇ ਗੱਲ ਸੱਚ ਸਾਬਤ ਹੋਈ , ਜਿਸ ਕਾਰਨ ਲੋਕ ਹੁਣ ਉਸਨੂੰ ਟ੍ਰੋਲ ਕਰ ਰਹੇ ਹਨ।
ਇਹ ਖ਼ਬਰ ਵੀ ਪੜ੍ਹੋ- ਕੀ ਨਿਖਿਲ ਪਟੇਲ ਨੇ ਫੇਮਸ ਹੋਣ ਲਈ ਕੀਤਾ ਦਲਜੀਤ ਨਾਲ ਵਿਆਹ? ਅਦਾਕਾਰਾ ਦਾ ਖ਼ੁਲਾਸਾ
ਦਰਅਸਲ, ਹਾਲ ਹੀ 'ਚ ਜੀਓ ਨੇ ਆਪਣੇ ਟਵਿਟਰ ਹੈਂਡਲ 'ਤੇ ਇਕ ਧੁੰਦਲੀ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ 'ਚ ਇਕ ਰੇਹੜੀ ਲੱਗਾ ਕੇ ਖੜੀ ਹੈ ਅਤੇ ਨੇੜੇ-ਤੇੜੇ ਕਾਫੀ ਭੀੜ ਦਿਖਾਈ ਦੇ ਰਹੀ ਹੈ। ਨਾਲ ਹੀ ਕੈਪਸ਼ਨ ਵਿੱਚ ਲਿਖਿਆ ਹੈ, 'BiggBossOTT3 ਦਾ ਪਹਿਲਾ ਪ੍ਰਤੀਯੋਗੀ ਕੌਣ ਹੈ? ਤੁਹਾਨੂੰ ਦੱਸ ਦੇਈਏ ਕਿ ਇਹ ਸ਼ੋਅ 21 ਜੂਨ ਤੋਂ OTT ਪਲੇਟਫਾਰਮ ਜਿਓ 'ਤੇ ਪ੍ਰਸਾਰਿਤ ਹੋਣ ਜਾ ਰਿਹਾ ਹੈ। ਪ੍ਰੋਮੋ 'ਚ ਚੰਦਰਿਕਾ ਵੜਾ ਪਾਵ ਬਣਾਉਂਦੀ ਨਜ਼ਰ ਆ ਰਹੀ ਹੈ, ਜਿਸ 'ਚ ਉਹ ਕਹਿੰਦੀ ਹੈ, 'ਉਸ ਨੇ ਹਮੇਸ਼ਾ ਆਪਣੇ ਪਰਿਵਾਰ ਨੂੰ ਸਭ ਤੋਂ ਉੱਪਰ ਰੱਖਿਆ ਹੈ, ਪਰ ਉਨ੍ਹਾਂ 'ਤੇ ਸਵਾਲ ਕਰਨ ਵਾਲੇ ਹੀ ਉਨ੍ਹਾਂ ਦੇ ਨਿਸ਼ਾਨੇ 'ਤੇ ਰਹੇ। ਚੰਦਰਿਕਾ ਨੇ ਇਹ ਕਹਿ ਕੇ ਆਪਣੀ ਲਾਈਨ ਨੂੰ ਅੰਤਿਮ ਰੂਪ ਦਿੱਤਾ ਕਿ ਉਹ ਆਪਣੀ ਸ਼ਖਸੀਅਤ ਦਿਖਾਉਣ ਲਈ ਅਨਿਲ ਕਪੂਰ ਦੇ 'ਬਿੱਗ ਬੌਸ ਓਟੀਟੀ 3' ਵਿੱਚ ਆ ਰਹੀ ਹੈ।
ਇਹ ਖ਼ਬਰ ਵੀ ਪੜ੍ਹੋ- ਅਦਾਕਾਰਾ ਆਥੀਆ ਸ਼ੈੱਟੀ- ਕੇ. ਐੱਲ ਰਾਹੁਲ ਦੇ ਵਿਆਹ ਦੀ ਵਰ੍ਹੇਗੰਢ ਦੀਆਂ ਤਸਵੀਰਾਂ ਆਈਆਂ ਸਾਹਮਣੇ
ਪ੍ਰੋਮੋ ਸਾਹਮਣੇ ਆਉਣ ਤੋਂ ਬਾਅਦ ਉਹ ਟ੍ਰੋਲਸ ਦਾ ਨਿਸ਼ਾਨਾ ਬਣ ਗਈ ਹੈ। ਯੂਜ਼ਰਸ ਦਾ ਕਹਿਣਾ ਹੈ ਕਿ ਮੇਕਰਸ ਨੇ ਉਸ ਨੂੰ ਲਿਆਉਣ ਦਾ ਸਹੀ ਫੈਸਲਾ ਨਹੀਂ ਲਿਆ। ਇੱਕ ਨੇ ਲਿਖਿਆ- 'ਬਿੱਗ ਬੌਸ ਨੇ ਆਪਣਾ ਸਟੈਂਡਰਡ ਘਟਾਇਆ ਹੈ'। ਇਕ ਹੋਰ ਨੇ ਲਿਖਿਆ- 'ਇਹ ਹੀ ਚੀਜ਼ ਬਚੀ ਸੀ…' ਦੂਜੇ ਨੇ ਲਿਖਿਆ- 'ਇਸੇ ਲਈ ਇਸ ਨੇ ਇੰਨਾ ਹੰਗਾਮਾ ਕੀਤਾ'। ਇਕ ਹੋਰ ਨੇ ਲਿਖਿਆ - 'ਹੁਣ ਉਥੇ ਵੀ ਉਹ ਸਾਰਿਆਂ ਨੂੰ ਵੜਾ ਪਾਵ ਖਵਾਏਗੀ ਅਤੇ ਰੋਂਦੇ ਹੋਏ ਆਪਣੀਆਂ ਕਹਾਣੀਆਂ ਸੁਣਾਏਗੀ।'
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਫ਼ਿਲਮ 'ਹਮਾਰੇ ਬਾਰਹ' ਦੇ ਨਿਰਮਾਤਾਵਾਂ ਲਈ ਵੱਡੀ ਰਾਹਤ, ਬੰਬੇ ਹਾਈ ਕੋਰਟ ਨੇ ਰਿਲੀਜ਼ਿੰਗ ਦੀ ਦਿੱਤੀ ਮਨਜ਼ੂਰੀ
NEXT STORY 
