ਲਖਨਊ (ਏਜੰਸੀ)- ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਨਿਵਾਸ 'ਸ਼ੁੱਕਰਵਾਰ ਨੂੰ ਭਾਰਤ ਅਤੇ ਜਾਪਾਨ ਦੀ ਨੌਜਵਾਨ ਪੀੜ੍ਹੀ ਵਿਚਕਾਰ ਗੱਲਬਾਤ ਹੋਈ। ਉੱਤਰ ਪ੍ਰਦੇਸ਼-ਜਾਪਾਨ ਨਿਵੇਸ਼ ਸੰਮੇਲਨ,"ਦਿ ਡਾਇਲੌਗ ਵਿਦ ਦਿ ਫਿਊਚਰ" ਪ੍ਰੋਗਰਾਮ 'ਚ ਜਾਪਾਨ ਦੇ ਯਾਮਾਨਾਸ਼ੀ ਸੂਬੇ ਤੋਂ ਆਏ 13 ਵਿਦਿਆਰਥੀਆਂ ਨੇ ਲਖਨਊ ਦੇ ਵਿਦਿਆਰਥੀਆਂ ਨਾਲ ਸੱਭਿਆਚਾਰ, ਪਰੰਪਰਾ, ਅਨੁਸ਼ਾਸਨ ਅਤੇ ਭਵਿੱਖ ਦੀ ਭਾਈਵਾਲੀ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ। ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਅਤੇ ਯਾਮਾਨਾਸ਼ੀ ਦੇ ਰਾਜਪਾਲ ਕੋਟਾਰੋ ਨਾਗਾਸਾਕੀ ਇਸ ਮੌਕੇ 'ਤੇ ਮੌਜੂਦ ਰਹੇ।
ਮੁੱਖ ਮੰਤਰੀ ਨੇ ਜਾਪਾਨੀ ਵਿਦਿਆਰਥੀਆਂ ਦਾ "ਓਹਾਯੋ ਗੋਜ਼ਾਈਮਾਸੂ" ਕਹਿ ਕੇ ਸਵਾਗਤ ਕੀਤਾ। ਉਨ੍ਹਾਂ ਕਿਹਾ ਕਿ ਇਹ ਸਿਰਫ਼ ਵਿਦਿਆਰਥੀਆਂ ਦੀ ਮੁਲਾਕਾਤ ਨਹੀਂ ਸੀ, ਸਗੋਂ 2 ਸੱਭਿਆਚਾਰਾਂ, ਪਰੰਪਰਾਵਾਂ ਅਤੇ ਦੇਸ਼ਾਂ ਦੀਆਂ ਨੌਜਵਾਨ ਪੀੜ੍ਹੀਆਂ ਦੀ ਮੁਲਾਕਾਤ ਸੀ। ਉਨ੍ਹਾਂ ਕਿਹਾ ਕਿ ਇਕ ਬੱਚਾ ਲਖਨਊ ਦੇ ਪਿੰਡ ਤੋਂ ਆਉਂਦਾ ਹੈ ਅਤੇ ਦੂਜਾ ਜਾਪਾਨ ਦੇ ਪਿੰਡ ਤੋਂ। ਉਨ੍ਹਾਂ ਦੀਆਂ ਭਾਸ਼ਾਵਾਂ ਵੱਖਰੀਆਂ ਹਨ, ਪਰ ਦੋਵੇਂ ਆਪਣਾ ਭਵਿੱਖ ਲਿਖਣ ਦੇ ਸੰਕਲਪ ਨਾਲ ਇਕਜੁੱਟ ਹਨ। ਯੋਗੀ ਨੇ ਕਿਹਾ ਕਿ ਅਯੁੱਧਿਆ, ਮਥੁਰਾ, ਵਾਰਾਣਸੀ ਅਤੇ ਸਾਰਨਾਥ ਵਰਗੇ ਸਥਾਨਾਂ ਦੀ ਯਾਤਰਾ ਜਾਪਾਨੀ ਵਿਦਿਆਰਥੀਆਂ ਲਈ ਭਾਰਤ ਦੀ ਅਧਿਆਤਮਿਕ ਅਤੇ ਸੱਭਿਆਚਾਰਕ ਵਿਰਾਸਤ ਨੂੰ ਸਮਝਣ ਦਾ ਇੱਕ ਮੌਕਾ ਹੈ।
ਜਾਪਾਨ ਦੇ ਅਨੁਸ਼ਾਸਨ, ਗੁਣਵੱਤਾ, ਟੀਮ ਭਾਵਨਾ ਅਤੇ ਨਵੀਨਤਾ ਅਤੇ ਭਾਰਤ ਦੀ ਯੁਵਾ ਸ਼ਕਤੀ, ਪ੍ਰਤਿਭਾ ਅਤੇ ਵਿਭਿੰਨਤਾ ਦਾ ਹਵਾਲਾ ਦਿੰਦੇ ਹੋਏ, ਉਨ੍ਹਾਂ ਕਿਹਾ ਕਿ ਦੋਵਾਂ ਦੇਸ਼ਾਂ ਦੀਆਂ ਸ਼ਕਤੀਆਂ ਦਾ ਸੁਮੇਲ ਨਵੀਆਂ ਸੰਭਾਵਨਾਵਾਂ ਦੇ ਦਰਵਾਜ਼ੇ ਖੋਲ੍ਹ ਸਕਦਾ ਹੈ। ਮੁੱਖ ਮੰਤਰੀ ਨੇ "ਵਸੁਧੈਵ ਕੁਟੁੰਬਕਮ" ਅਤੇ ਜਾਪਾਨ ਦੀ ਸਮਾਜਿਕ ਸਦਭਾਵਨਾ ਦੀ ਭਾਵਨਾ ਵਿਚਕਾਰ ਸਮਾਨਤਾਵਾਂ ਨੂੰ ਉਜਾਗਰ ਕਰਦੇ ਹੋਏ ਵਿਦਿਆਰਥੀਆਂ ਨੂੰ ਇੱਕ ਦੂਜੇ ਦੀ ਭਾਸ਼ਾ, ਸੱਭਿਆਚਾਰ ਅਤੇ ਕਦਰਾਂ-ਕੀਮਤਾਂ ਨੂੰ ਸਮਝਣ ਦੀ ਅਪੀਲ ਕੀਤੀ। ਉਨ੍ਹਾਂ ਕਿਹਾ ਕਿ ਅੱਜ ਦੇ ਵਿਦਿਆਰਥੀ ਕੱਲ੍ਹ ਭਾਰਤ-ਜਾਪਾਨ ਸਬੰਧਾਂ ਦੇ ਪ੍ਰਭਾਵਸ਼ਾਲੀ ਰਾਜਦੂਤ ਬਣਨਗੇ।
ਰਾਜਪਾਲ ਨਾਗਾਸਾਕੀ ਨੇ ਕਿਹਾ ਕਿ ਇਹ ਮੁਲਾਕਾਤ ਇਕ ਦਿਨ ਤੱਕ ਸੀਮਿਤ ਨਹੀਂ ਹੋਣੀ ਚਾਹੀਦੀ। ਵਿਦਿਆਰਥੀਆਂ ਨੂੰ ਇਸ ਦੋਸਤੀ ਨੂੰ ਲੰਬੇ ਸਮੇਂ ਦੇ ਰਿਸ਼ਤੇ 'ਚ ਬਦਲਣਾ ਚਾਹੀਦਾ ਹੈ। ਸਮਾਗਮ 'ਚ, ਜਾਪਾਨੀ ਵਿਦਿਆਰਥੀਆਂ ਨੇ ਆਪਣੀ ਭਾਸ਼ਾ 'ਚ ਗੀਤ ਪੇਸ਼ ਕੀਤੇ, ਜਦੋਂ ਕਿ ਭਾਰਤੀ ਵਿਦਿਆਰਥੀ ਈਸ਼ਾਨ ਨੇ "ਕੌਸ਼ਲਿਆ ਦਸ਼ਰਥ ਦਾ ਨੰਦਨ" ਗਾਇਆ। ਜਾਪਾਨੀ ਵਿਦਿਆਰਥੀਆਂ ਨੇ ਓਰੀਗਾਮੀ ਰਾਹੀਂ ਸ਼ਾਂਤੀ ਅਤੇ ਦੋਸਤੀ ਦਾ ਸੰਦੇਸ਼ ਵੀ ਦਿੱਤਾ। ਜਾਪਾਨੀ ਵਿਦਿਆਰਥੀਆਂ ਨੇ ਸੀਐੱਮ ਯੋਗੀ ਨਾਲ ਸੈਲਫੀ ਲਈ। ਇਹ ਪ੍ਰੋਗਰਾਮ ਨਿਵੇਸ਼ ਤੋਂ ਪਰੇ ਗਿਆ ਅਤੇ ਦੋਵਾਂ ਦੇਸ਼ਾਂ ਦੀਆਂ ਨੌਜਵਾਨ ਪੀੜ੍ਹੀਆਂ ਵਿਚਕਾਰ ਮਨੁੱਖੀ ਅਤੇ ਸੱਭਿਆਚਾਰਕ ਸਬੰਧਾਂ ਦੀ ਇਕ ਮਜ਼ਬੂਤ ਨੀਂਹ ਰੱਖੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਸਵਾਈਨ ਫਲੂ ਦੇ ਵਧਦੇ ਮਾਮਲਿਆਂ ਵਿਚਾਲੇ JP ਨੱਢਾ ਨੇ ਕੀਤੀ ਮੀਟਿੰਗ, ਤਿਆਰੀਆਂ ਦਾ ਲਿਆ ਜਾਇਜ਼ਾ
NEXT STORY 
