ਐਂਟਰਟੇਨਮੈਂਟ ਡੈਸਕ- ਬਾਲੀਵੁੱਡ ਦੇ 'ਹੀ-ਮੈਨ' ਧਰਮਿੰਦਰ ਦੀ ਫਿਲਮੀ ਜ਼ਿੰਦਗੀ ਦੇ ਨਾਲ-ਨਾਲ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਵੀ ਹਮੇਸ਼ਾ ਚਰਚਾ ਵਿੱਚ ਰਹੀ ਹੈ। ਇਨ੍ਹੀਂ ਦਿਨੀਂ ਅਦਾਕਾਰਾ ਅਨੀਤਾ ਰਾਜ, ਜਿਨ੍ਹਾਂ ਨੂੰ ਟੀਵੀ ਸ਼ੋਅ 'ਯੇ ਰਿਸ਼ਤਾ ਕਯਾ ਕਹਿਲਾਤਾ ਹੈ' ਵਿੱਚ ਕਾਵੇਰੀ ਪੋਦਾਰ ਦੀ ਭੂਮਿਕਾ ਨਿਭਾਉਣ ਲਈ ਜਾਣਿਆ ਜਾਂਦਾ ਹੈ, ਆਪਣੀ ਪੁਰਾਣੀ ਲਵ ਲਾਈਫ ਨੂੰ ਲੈ ਕੇ ਸੁਰਖੀਆਂ ਬਟੋਰ ਰਹੀ ਹੈ। ਅਨੀਤਾ ਰਾਜ ਜੋ ਆਪਣੀ ਸ਼ਾਨਦਾਰ ਅਦਾਕਾਰੀ, ਖੂਬਸੂਰਤੀ ਅਤੇ ਤੰਦਰੁਸਤੀ ਲਈ ਮਸ਼ਹੂਰ ਹੈ, ਭਾਵੇਂ 62 ਸਾਲ ਦੀ ਹੋ ਚੁੱਕੀ ਹੈ ਪਰ ਉਹ ਆਪਣੀ ਉਮਰ ਤੋਂ ਕਾਫੀ ਛੋਟੀ ਲੱਗਦੀ ਹੈ।
27 ਸਾਲ ਵੱਡੇ ਧਰਮਿੰਦਰ ਨਾਲ ਹੋਇਆ ਸੀ ਪਿਆਰ
ਇੱਕ ਸਮਾਂ ਅਜਿਹਾ ਸੀ ਜਦੋਂ ਅਨੀਤਾ ਰਾਜ ਆਪਣੇ ਤੋਂ 27 ਸਾਲ ਵੱਡੇ ਧਰਮਿੰਦਰ 'ਤੇ ਦਿਲ ਹਾਰ ਬੈਠੀ ਸੀ। ਉਸ ਸਮੇਂ ਧਰਮਿੰਦਰ ਦੋ ਵਿਆਹਾਂ ਤੋਂ ਬਾਅਦ 6 ਬੱਚਿਆਂ ਦੇ ਪਿਤਾ ਸਨ। ਅਨੀਤਾ ਰਾਜ ਨੇ ਧਰਮਿੰਦਰ ਨਾਲ ਕਈ ਫਿਲਮਾਂ ਵਿੱਚ ਕੰਮ ਕੀਤਾ। ਹਾਲਾਂਕਿ ਦੋਹਾਂ ਦੀ ਉਮਰ ਵਿੱਚ 27 ਸਾਲ ਦਾ ਫਰਕ ਸੀ, ਪਰ ਆਨ-ਸਕਰੀਨ ਉਨ੍ਹਾਂ ਦੀ ਜੋੜੀ ਨੂੰ ਦਰਸ਼ਕਾਂ ਨੇ ਬੇਹੱਦ ਪਿਆਰ ਦਿੱਤਾ ਸੀ। ਰੀਅਲ ਲਾਈਫ ਵਿੱਚ ਵੀ ਦੋਵਾਂ ਨੂੰ ਇੱਕ-ਦੂਜੇ ਨਾਲ ਪਿਆਰ ਹੋ ਗਿਆ ਅਤੇ ਉਨ੍ਹਾਂ ਦੇ ਅਫੇਅਰ ਦੀਆਂ ਖਬਰਾਂ ਸੁਰਖੀਆਂ ਵਿੱਚ ਛਾ ਗਈਆਂ।
ਹੇਮਾ ਮਾਲਿਨੀ ਨੇ ਚੁੱਕਿਆ ਸੀ ਸਖ਼ਤ ਕਦਮ
ਜਦੋਂ ਧਰਮਿੰਦਰ ਅਤੇ ਅਨੀਤਾ ਰਾਜ ਦੇ ਇਸ ਅਫੇਅਰ ਦੀ ਭਨਕ ਧਰਮਿੰਦਰ ਦੀ ਦੂਜੀ ਪਤਨੀ ਹੇਮਾ ਮਾਲਿਨੀ ਨੂੰ ਲੱਗੀ, ਤਾਂ ਉਹ ਗੁੱਸੇ ਵਿੱਚ ਅੱਗ ਬਬੂਲਾ ਹੋ ਗਈ। ਹੇਮਾ ਮਾਲਿਨੀ ਨੇ ਤੁਰੰਤ ਧਰਮਿੰਦਰ ਨੂੰ ਅਨੀਤਾ ਰਾਜ ਤੋਂ ਦੂਰ ਰਹਿਣ ਅਤੇ ਭਵਿੱਖ ਵਿੱਚ ਉਨ੍ਹਾਂ ਦੇ ਨਾਲ ਕੋਈ ਵੀ ਫਿਲਮ ਨਾ ਕਰਨ ਦੀ ਸਲਾਹ ਦਿੱਤੀ।
ਮੰਨਿਆ ਜਾਂਦਾ ਹੈ ਕਿ ਜੇਕਰ ਹੇਮਾ ਮਾਲਿਨੀ ਨੇ ਇਹ ਕਦਮ ਨਾ ਚੁੱਕਿਆ ਹੁੰਦਾ, ਤਾਂ ਸ਼ਾਇਦ ਉਨ੍ਹਾਂ ਦਾ ਘਰ ਵੀ ਟੁੱਟ ਸਕਦਾ ਸੀ। ਧਰਮਿੰਦਰ ਤੋਂ ਵੱਖ ਹੋਣ ਤੋਂ ਬਾਅਦ ਅਨੀਤਾ ਰਾਜ ਨੇ ਸਾਲ 1986 ਵਿੱਚ ਫਿਲਮ ਨਿਰਦੇਸ਼ਕ ਸੁਨੀਲ ਹਿੰਗੋਰਾਨੀ ਨਾਲ ਵਿਆਹ ਕਰਵਾ ਲਿਆ। ਇਸ ਜੋੜੇ ਦਾ ਇੱਕ ਬੇਟਾ ਵੀ ਹੈ, ਜਿਸਦਾ ਨਾਮ ਸ਼ਿਵਮ ਹਿੰਗੋਰਾਨੀ ਹੈ।
ਅਨੀਤਾ ਰਾਜ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 1981 ਵਿੱਚ ਫਿਲਮ 'ਪ੍ਰੇਮ ਗੀਤ' ਨਾਲ ਕੀਤੀ ਸੀ। ਉਹ 'ਨੌਕਰ ਬੀਵੀ ਕਾ', 'ਗੁਲਾਮੀ', 'ਜ਼ਰਾ ਸੀ ਜ਼ਿੰਦਗੀ', 'ਮਜ਼ਲੂ' ਅਤੇ 'ਜ਼ਮੀਨ ਆਸਮਾਨ' ਵਰਗੀਆਂ ਹਿੱਟ ਫਿਲਮਾਂ ਵਿੱਚ ਕੰਮ ਕਰ ਚੁੱਕੀ ਹੈ। ਪਿਛਲੇ ਕਈ ਸਾਲਾਂ ਤੋਂ ਉਹ ਛੋਟੇ ਪਰਦੇ 'ਤੇ ਸਰਗਰਮ ਹੈ।
ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਨੇ ਦਿੱਲੀ ਧਮਾਕੇ 'ਤੇ ਜਤਾਇਆ ਦੁੱਖ, ਲੋਕਾਂ ਨੂੰ ਸੁਰੱਖਿਅਤ ਤੇ ਚੌਕਸ ਰਹਿਣ ਦੀ ਦਿੱਤੀ ਸਲਾਹ
NEXT STORY 
