ਨਵੀਂ ਦਿੱਲੀ (ਬਿਊਰੋ) - ਬਾਲੀਵੁੱਡ ਅਦਾਕਾਰਾ ਸਨਾ ਖ਼ਾਨ ਇਨ੍ਹੀਂ ਦਿਨੀਂ ਪ੍ਰੈਗਨੈਂਸੀ ਦੇ ਦੌਰ 'ਚ ਹੈ ਅਤੇ ਜਲਦ ਹੀ ਆਪਣੇ ਪਹਿਲੇ ਬੱਚੇ ਨੂੰ ਜਨਮ ਦੇਣ ਵਾਲੀ ਹੈ। ਸਨਾ ਖ਼ਾਨ ਭਾਵੇਂ ਐਕਟਿੰਗ ਦੀ ਦੁਨੀਆ ਛੱਡ ਚੁੱਕੀ ਹੈ ਪਰ ਉਹ ਸੋਸ਼ਲ ਮੀਡੀਆ ਦੇ ਜ਼ਰੀਏ ਆਪਣੇ ਪ੍ਰਸ਼ੰਸਕਾਂ ਦੇ ਸੰਪਰਕ 'ਚ ਰਹਿੰਦੀ ਹੈ। ਸਨਾ ਖ਼ਾਨ ਪ੍ਰਸ਼ੰਸਕਾਂ ਨੂੰ ਉਹ ਸਭ ਕੁਝ ਦੱਸ ਰਹੀ ਹੈ, ਜੋ ਉਹ ਆਪਣੀ ਪ੍ਰੈਗਨੈਂਸੀ ਦੌਰਾਨ ਝੱਲ ਰਹੀ ਹੈ। ਹੁਣ ਆਪਣੀ ਸਿਹਤ ਬਾਰੇ ਅਪਡੇਟ ਦਿੰਦੇ ਹੋਏ ਸਨਾ ਖ਼ਾਨ ਨੇ ਦੱਸਿਆ ਹੈ ਕਿ ਉਹ ਕਾਫ਼ੀ ਪਰੇਸ਼ਾਨ ਹੋ ਗਈ ਹੈ। ਉਸ ਨੇ ਸੋਸ਼ਲ ਮੀਡੀਆ 'ਤੇ ਦੱਸਿਆ ਹੈ ਕਿ ਉਹ ਆਪਣੀ ਗਰਭ ਅਵਸਥਾ ਦੇ ਆਖ਼ਰੀ ਪੜਾਅ 'ਚ ਕਾਫ਼ੀ ਸੰਘਰਸ਼ ਦਾ ਸਾਹਮਣਾ ਕਰ ਰਹੀ ਹੈ।
ਸਨਾ ਖ਼ਾਨ ਨੇ ਆਪਣੀ ਸਿਹਤ ਬਾਰੇ ਕਿਹਾ, ''ਮੈਨੂੰ ਨਹੀਂ ਪਤਾ ਕਿ ਕੀ ਹੋ ਰਿਹਾ ਹੈ ਪਰ ਮੈਨੂੰ ਇਨਸੌਮਨੀਆ ਮਹਿਸੂਸ ਹੋ ਰਿਹਾ ਹੈ। ਰਾਤ ਨੂੰ ਸੌਣ ਵੇਲੇ ਮੈਨੂੰ ਬਹੁਤ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਮੈਨੂੰ ਨੀਂਦ ਨਹੀਂ ਆਉਂਦੀ, ਮੈਨੂੰ ਸੌਣ ਲਈ ਬਹੁਤ ਸੰਘਰਸ਼ ਕਰਨਾ ਪੈਂਦਾ ਹੈ। ਸਨਾ ਖ਼ਾਨ ਨੇ ਅੱਗੇ ਦੱਸਿਆ ਹੈ ਕਿ ਕਈ ਵਾਰ ਮੈਨੂੰ ਬਿਲਕੁਲ ਵੀ ਨੀਂਦ ਨਹੀਂ ਆਉਂਦੀ ਅਤੇ ਫਿਰ ਦਿਨ 'ਚ ਵੀ ਸੌਣਾ ਪੈਂਦਾ ਹੈ।
ਇਸ ਨਾਲ ਮੈਂ ਦਿਨ ਭਰ ਥਕਾਵਟ ਤੇ ਸੁਸਤ ਮਹਿਸੂਸ ਕਰਦੀ ਹਾਂ। ਸਨਾ ਖ਼ਾਨ, ਜੋ ਕਿ ਗਰਭ ਅਵਸਥਾ ਦੌਰਾਨ ਇਨਸੌਮਨੀਆ ਦਾ ਸਾਹਮਣਾ ਕਰ ਰਹੀ ਹੈ, ਨੇ ਅੱਗੇ ਕਿਹਾ ਕਿ ਉਮੀਦ ਕਰਨ ਵਾਲੀਆਂ ਔਰਤਾਂ ਨੂੰ ਰੋਜ਼ਾਨਾ ਨਮਾਜ਼ ਅਦਾ ਕਰਨੀ ਚਾਹੀਦੀ ਹੈ। ਉਹ ਰੋਜ਼ਾਨਾ ਨਮਾਜ਼ ਅਦਾ ਕਰਨ ਦੀ ਕੋਸ਼ਿਸ਼ ਵੀ ਕਰਦੀ ਹੈ।
ਦੱਸ ਦੇਈਏ ਕਿ ਸਨਾ ਖ਼ਾਨ ਇੱਕ ਅਦਾਕਾਰਾ, ਮਾਡਲ ਰਹਿ ਚੁੱਕੀ ਹੈ। ਸਨਾ ਖ਼ਾਨ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਮਾਡਲਿੰਗ ਰਾਹੀਂ ਕੀਤੀ ਸੀ। ਹਾਲਾਂਕਿ ਹੁਣ ਉਸ ਨੇ ਇਸ ਇੰਡਸਟਰੀ ਨੂੰ ਛੱਡ ਦਿੱਤਾ ਹੈ। ਸਨਾ ਖ਼ਾਨ ਨੇ ਸਾਲ 2020 'ਚ ਅਨਸ ਨਾਲ ਵਿਆਹ ਕੀਤਾ ਸੀ। ਵਿਆਹ ਤੋਂ ਬਾਅਦ ਹੁਣ ਉਹ ਪਹਿਲੀ ਵਾਰ ਬੱਚੇ ਨੂੰ ਜਨਮ ਦੇਣ ਜਾ ਰਹੀ ਹੈ। ਸਨਾ ਖ਼ਾਨ ਤੇ ਉਸ ਦੇ ਪਤੀ ਅਨਸ ਆਪਣੇ ਬੱਚੇ ਲਈ ਬਹੁਤ ਖੁਸ਼ ਹਨ।
ਬਾਕਸ ਆਫਿਸ ’ਤੇ ਆਹਮੋ-ਸਾਹਮਣੇ ਹੋਣਗੇ ਅਕਸ਼ੇ-ਕਾਰਤਿਕ! ਇਹ ਦੋ ਫ਼ਿਲਮਾਂ ਇਕੋ ਦਿਨ ਹੋਣਗੀਆਂ ਰਿਲੀਜ਼
NEXT STORY 
