ਮੁੰਬਈ- ਆਯੁਸ਼ਮਾਨ ਖੁਰਾਨਾ ਇਸ ਸਮੇਂ ਆਪਣੇ ਦੂਜੇ ਅਮਰੀਕੀ ਸੰਗੀਤ ਕੰਸਰਟ 'ਤੇ ਹਨ। ਸ਼ਿਕਾਗੋ, ਨਿਊਯਾਰਕ ਅਤੇ ਸੈਨ ਜੋਸ ਵਰਗੇ ਸ਼ਹਿਰਾਂ ਵਿੱਚ ਉਨ੍ਹਾਂ ਦੇ ਪ੍ਰਦਰਸ਼ਨ ਨੂੰ ਜ਼ਬਰਦਸਤ ਹੁੰਗਾਰਾ ਮਿਲ ਰਿਹਾ ਹੈ। ਹਾਲ ਹੀ 'ਚ ਉਨ੍ਹਾਂ ਦੇ ਅਮਰੀਕੀ ਕੰਸਰਟ 'ਚ ਕੁਝ ਅਜਿਹਾ ਹੋਇਆ, ਜਿਸ ਨੇ ਸਾਰਿਆਂ ਦਾ ਦਿਲ ਜਿੱਤ ਲਿਆ। ਦਰਅਸਲ, ਸੰਗੀਤ ਸਮਾਰੋਹ ਦੇ ਵਿਚਕਾਰ ਪ੍ਰਸ਼ੰਸਕਾਂ ਨੇ ਉਨ੍ਹਾਂ 'ਤੇ ਡਾਲਰ ਸੁੱਟੇ, ਜਿਸ ਤੋਂ ਬਾਅਦ ਆਯੁਸ਼ਮਾਨ ਵੱਲੋਂ ਦਿੱਤਾ ਗਿਆ ਰਿਐਕਸ਼ਨ ਸੋਸ਼ਲ ਮੀਡੀਆ 'ਤੇ ਸਾਰਿਆਂ ਦਾ ਦਿਲ ਜਿੱਤ ਰਿਹਾ ਹੈ।
ਡਾਲਰ ਸੁੱਟਣ 'ਤੇ ਆਯੁਸ਼ਮਾਨ ਨੇ ਦਿੱਤੀ ਇਹ ਪ੍ਰਤੀਕਿਰਿਆ
ਆਯੁਸ਼ਮਾਨ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ ਹੈ, ਜਿਸ ਵਿੱਚ ਉਹ ਇੱਕ ਸੰਗੀਤ ਸਮਾਰੋਹ ਵਿੱਚ ਗਾ ਰਹੇ ਹਨ ਅਤੇ ਇਸ ਵਿਚਕਾਰ ਪ੍ਰਸ਼ੰਸਕ ਉਨ੍ਹਾਂ 'ਤੇ ਡਾਲਰਾਂ ਦੀ ਵਰਖਾ ਕਰ ਰਹੇ ਹਨ। ਆਯੁਸ਼ਮਾਨ ਆਪਣਾ ਮਸ਼ਹੂਰ ਗੀਤ 'ਪਾਣੀ ਦਾ ਰੰਗ' ਗਾ ਰਹੇ ਸਨ ਅਤੇ ਇਸੇ ਦੌਰਾਨ ਇਕ ਪ੍ਰਸ਼ੰਸਕ ਨੇ ਉਨ੍ਹਾਂ 'ਤੇ ਡਾਲਰ ਸੁੱਟ ਦਿੱਤੇ, ਜਿਸ ਤੋਂ ਬਾਅਦ ਆਯੁਸ਼ਮਾਨ ਨੇ ਤੁਰੰਤ ਗਾਉਣਾ ਬੰਦ ਕਰ ਦਿੱਤਾ ਅਤੇ ਪ੍ਰਸ਼ੰਸਕ ਨੂੰ ਕਿਹਾ, 'ਪਾਜੀ, ਇਹ ਨਾ ਕਰੋ, ਇਹ ਨਾ ਕਰੋ। ਤੁਸੀਂ ਇਸ ਨੂੰ ਦਾਨ ਲਈ ਦੇ ਸਕਦੇ ਹੋ। ਇਸ ਪਿਆਰ ਲਈ ਮੈਂ ਤੁਹਾਡਾ ਧੰਨਵਾਦ ਕਰਦਾ ਹਾਂ ਅਤੇ ਮੈਂ ਤੁਹਾਨੂੰ ਬਹੁਤ ਪਿਆਰ ਕਰਦਾ ਹਾਂ, ਤੁਹਾਡੇ ਲਈ ਮੇਰੇ ਕੋਲ ਬਹੁਤ ਸਤਿਕਾਰ ਹੈ, ਪਰ ਕਿਰਪਾ ਕਰਕੇ ਕਿਸੇ ਨੂੰ ਦਿਖਾਏ ਬਿਨਾਂ ਖੁੱਲ੍ਹ ਕੇ ਦਾਨ ਕਰੋ। ਮੈਂ ਇਸ ਨਾਲ ਕੀ ਕਰਾਂਗਾ? ਇਸ ਸੀਨ ਨੂੰ ਦੇਖ ਉੱਥੇ ਮੌਜੂਦ ਦਰਸ਼ਕਾਂ ਨੇ ਆਯੁਸ਼ਮਾਨ ਦੀ ਖੂਬ ਤਾਰੀਫ ਕੀਤੀ।
ਇਹ ਵੀ ਪੜ੍ਹੋ- ਪਤਨੀ ਤੋਂ ਵੱਖ ਹੋਣ ਤੋਂ ਬਾਅਦ AR ਰਹਿਮਾਨ ਦਾ ਝਲਕਿਆ ਦਰਦ, ਕਿਹਾ...
ਸੋਸ਼ਲ ਮੀਡੀਆ 'ਤੇ ਇਹ ਵੀਡੀਓ ਵਾਇਰਲ ਹੁੰਦੇ ਹੀ ਫੈਨਜ਼ ਆਯੁਸ਼ਮਾਨ ਦੀ ਕਾਫੀ ਤਾਰੀਫ ਕਰ ਰਹੇ ਹਨ। ਕੰਮ ਦੀ ਗੱਲ ਕਰੀਏ ਤਾਂ ਆਯੁਸ਼ਮਾਨ ਦੀ ਆਉਣ ਵਾਲੀ ਫਿਲਮ 'ਥਾਮਾ'। ਇਹ ਇੱਕ ਡਰਾਉਣੀ-ਕਾਮੇਡੀ ਅਤੇ ਪ੍ਰੇਮ ਕਹਾਣੀ ਹੋਵੇਗੀ, ਜਿਸ ਵਿੱਚ ਆਯੁਸ਼ਮਾਨ ਖੁਰਾਨਾ ਦੇ ਨਾਲ ਦੱਖਣ ਦੀ ਅਦਾਕਾਰਾ ਰਸ਼ਮਿਕਾ ਮੰਡਾਨਾ ਨਜ਼ਰ ਆਵੇਗੀ। ਇਸ ਵਿੱਚ ਪਰੇਸ਼ ਰਾਵਲ ਅਤੇ ਨਵਾਜ਼ੂਦੀਨ ਸਿੱਦੀਕੀ ਅਹਿਮ ਭੂਮਿਕਾਵਾਂ ਨਿਭਾਉਂਦੇ ਨਜ਼ਰ ਆਉਣਗੇ। ਇਹ ਫਿਲਮ 2025 ਦੀ ਦੀਵਾਲੀ 'ਤੇ ਰਿਲੀਜ਼ ਹੋਵੇਗੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਪਤਨੀ ਤੋਂ ਵੱਖ ਹੋਣ ਤੋਂ ਬਾਅਦ AR ਰਹਿਮਾਨ ਦਾ ਝਲਕਿਆ ਦਰਦ, ਕਿਹਾ...
NEXT STORY 
