ਐਂਟਰਟੇਨਮੈਂਟ ਡੈਸਕ– ਮਰਹੂਮ ਪੰਜਾਬੀ ਗਾਇਕ ਸਿੱਧੂ ਮੂਸੇ ਵਾਲਾ ਦੀ ਅੱਜ ਪਹਿਲੀ ਬਰਸੀ ਹੈ। ਪਿਛਲੇ ਸਾਲ ਅੱਜ ਦੇ ਦਿਨ ਹੀ ਸਿੱਧੂ ਮੂਸੇ ਵਾਲਾ ਗੋਲੀਆਂ ਮਾਰ ਕੇ ਕਤਲ ਕੀਤਾ ਗਿਆ ਸੀ। ਸਿੱਧੂ ਨੂੰ ਅੱਜ ਕਈ ਕਲਾਕਾਰਾਂ ਵਲੋਂ ਸ਼ਰਧਾਂਜਲੀ ਦਿੱਤੀ ਜਾ ਰਹੀ ਹੈ। ਇਨ੍ਹਾਂ ’ਚੋਂ ਇਕ ਬਿੱਗ ਬਰਡ ਵੀ ਹੈ, ਜਿਸ ਨਾਲ ਸਿੱਧੂ ਨੇ ਆਪਣੇ ਗਾਇਕੀ ਸਫਰ ਦੀ ਸ਼ੁਰੂਆਤ ਕੀਤੀ ਸੀ ਤੇ ਕਈ ਹਿੱਟ ਗੀਤ ਦਿੱਤੇ ਸਨ। ਹਾਲਾਂਕਿ ਦੋਵਾਂ ਵਿਚਾਲੇ ਮਤਭੇਦ ਵੀ ਹੋਏ ਪਰ ਇਸ ਦੇ ਬਾਵਜੂਦ ਬਿੱਗ ਬਰਡ ਨੇ ਸਿੱਧੂ ਲਈ ਆਪਣੇ ਦਿਲ ਦੇ ਜਜ਼ਬਾਤ ਸਾਂਝੇ ਕੀਤੇ ਹਨ।
ਬਿੱਗ ਬਰਡ ਨੇ ਲਿਖਿਆ, ‘‘ਸਿੱਧੂ ਮੈਨੂੰ ਵਿਸ਼ਵਾਸ ਨਹੀਂ ਹੋ ਰਿਹਾ ਕਿ ਤੁਹਾਨੂੰ ਸਾਨੂੰ ਛੱਡੇ ਹੋਏ 1 ਸਾਲ ਹੋ ਗਿਆ ਹੈ। ਅਜੇ ਵੀ ਸੱਚ ਨਹੀਂ ਲੱਗਦਾ। ਅਸੀਂ ਅਜੇ ਵੀ ਤੁਹਾਡੇ ਸੰਗੀਤ ਨੂੰ ਸੁਣ ਰਹੇ ਹਾਂ ਤੇ ਆਨੰਦ ਮਾਣ ਰਹੇ ਹਾਂ। ਤੁਹਾਨੂੰ ਇਹ ਜਾਣ ਕੇ ਮਾਣ ਹੋਵੇਗਾ ਕਿ ਤੁਸੀਂ ਸਾਰੇ ਰਿਕਾਰਡ ਤੋੜਦਿਆਂ ਅਜੇ ਵੀ ਇਥੇ ਹੋ। ਮੈਂ ਬੱਸ ਤੁਹਾਡਾ ਧੰਨਵਾਦ ਕਰਨਾ ਚਾਹੁੰਦਾ ਹਾਂ, ਜੋ ਤੁਸੀਂ ਮੇਰੇ ਲਈ ਕੀਤਾ। ਤੁਹਾਡੇ ਕਾਰਨ ਹੀ ਅਸੀਂ ਸਾਰੇ ਇੰਨੇ ਉੱਚੇ ਹੋ ਗਏ ਹਾਂ।’’
ਉਸ ਨੇ ਅੱਗੇ ਲਿਖਿਆ, ‘‘ਅਸੀਂ ਇਕ ਅਜਿਹੀ ਟੀਮ ਸੀ, ਜੋ ਰੁਕ ਨਹੀਂ ਸਕਦੀ ਸੀ ਤੇ ਇਸ ਲਈ ਬਹੁਤ ਸਾਰੇ ਲੋਕ ਸਨ, ਜੋ ਸਾਨੂੰ ਤੋੜਨਾ ਚਾਹੁੰਦੇ ਸਨ। ਸਾਡੀ ਕੈਮਿਸਟਰੀ ਕਿਸੇ ਹੋਰ ਵਰਗੀ ਨਹੀਂ ਸੀ। ਮੈਨੂੰ ਮਾਣ ਹੈ ਤੇ ਖ਼ੁਸ਼ਕਿਸਮਤ ਹਾਂ ਕਿ ਸਾਨੂੰ ਆਪਣੀ ਪ੍ਰਤਿਭਾ ਦਿਖਾਉਣ ਦਾ ਮੌਕਾ ਦਿੱਤਾ ਗਿਆ ਹੈ। ਇਹ ਹਮੇਸ਼ਾ ਮੇਰਾ ਸੁਪਨਾ ਸੀ ਤੇ ਤੁਸੀਂ ਹੀ ਇਸ ਨੂੰ ਪੂਰਾ ਕਰਨ ’ਚ ਮੇਰੀ ਮਦਦ ਕੀਤੀ ਸੀ। ਅਸੀਂ ਅਸਲ ’ਚ ਪੰਜਾਬੀ ਸੰਗੀਤ ਨੂੰ ਪਹਿਲਾਂ ਨਾਲੋਂ ਕਿਤੇ ਵੱਧ ਮੁੱਖ ਧਾਰਾ ’ਚ ਲਿਆਂਦਾ ਹੈ। ਅਸੀਂ ਸੱਚਮੁੱਚ ਬਹੁਤ ਸਾਰੇ ਦਰਵਾਜ਼ੇ ਖੋਲ੍ਹੇ। ਸਾਡੇ ਕੋਲ ਹੋਰ ਸੱਭਿਆਚਾਰਾਂ ਦੇ ਲੋਕ ਸਨ, ਜੋ ਕਦੇ ਵੀ ਪੰਜਾਬੀ ਨਹੀਂ ਬੋਲਦੇ ਸਨ, ਸਾਡੇ ਗੀਤਾਂ ਦੇ ਨਾਲ ਗਾਉਂਦੇ ਸਨ। ਮੈਂ ਸਦਾ ਲਈ ਧੰਨਵਾਦੀ ਰਹਾਂਗਾ। ਮੈਂ ਜਾਣਦਾ ਹਾਂ ਕਿ ਸਾਡੇ ਆਪਸੀ ਮਤਭੇਦ ਸਨ ਪਰ ਮੈਂ ਜਾਣਦਾ ਹਾਂ ਕਿ ਸਾਡੇ ਕੋਲ ਕਦੇ ਵੀ ਕੋਈ ਮਾੜਾ ਖ਼ੂਨ ਨਹੀਂ ਸੀ। ਤੁਸੀਂ ਹਮੇਸ਼ਾ ਮੇਰੇ ਛੋਟੇ ਭਰਾ ਹੋਵੋਗੇ ਤੇ ਮੈਂ ਤੁਹਾਨੂੰ ਹਰ ਕੰਮ ਲਈ ਪਿਆਰ ਕਰਦਾ ਹਾਂ।’’
ਅਖੀਰ ’ਚ ਬਿੱਗ ਬਰਡ ਨੇ ਲਿਖਿਆ, ‘‘ਅਸੀਂ ਇਕੱਠੇ ਇਤਿਹਾਸ ਰਚਿਆ। ਸਿੱਧੂ ਕੋਈ ਵੀ ਤੁਹਾਡੀ ਜਗ੍ਹਾ ਨਹੀਂ ਲਵੇਗਾ। ਤੁਸੀਂ ਅਜੇ ਵੀ ਖੇਡ ’ਚ ਸਭ ਤੋਂ ਵਧੀਆ ਗਾਇਕ ਤੇ ਗੀਤਕਾਰ ਹੋ। ਇਥੇ ਇਕ ਕਾਰਨ ਹੈ ਕਿ ਅਸੀਂ ਸਾਰੇ ਤੁਹਾਨੂੰ ਇਕ ਲੈਜੰਡ ਕਹਿੰਦੇ ਹਾਂ। ਤੁਹਾਡਾ ਸੰਗੀਤ ਹਮੇਸ਼ਾ ਲਈ ਲਾਈਵ ਰਹੇਗਾ। ਸਿੱਧੂ ਮੂਸੇਵਾਲਾ ਜ਼ਿੰਦਾਬਾਦ।’’
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਰਣਜੀਤ ਬਾਵਾ ਨੇ ‘ਲੈਂਬਰਗਿੰਨੀ’ ਦੀ ਰਿਲੀਜ਼ ਤੋਂ ਪਹਿਲਾਂ ਇਕ ਸਮਾਰੋਹ ’ਚ ਪੰਜਾਬੀ ਭਾਸ਼ਾ ਤੇ ਵਿਰਸੇ ਲਈ ਪ੍ਰਗਟਾਇਆ ਪਿਆਰ
NEXT STORY 
