ਚੇਨਈ (ਏਜੰਸੀ) : ਇੰਡੀਅਨ ਪ੍ਰੀਮੀਅਰ ਲੀਗ ਦੀ ਸਭ ਤੋਂ ਮਸ਼ਹੂਰ ਟੀਮਾਂ ਵਿੱਚੋਂ ਇੱਕ 'ਚੇਨਈ ਸੁਪਰ ਕਿੰਗਜ਼' (CSK) ਆਪਣੇ ਪ੍ਰਸ਼ੰਸਕਾਂ ਲਈ ਇੱਕ ਵੱਡਾ ਤੋਹਫ਼ਾ ਲੈ ਕੇ ਆ ਰਹੀ ਹੈ। 22 ਮਾਰਚ ਨੂੰ ਚੇਨਈ ਦੇ ਇਤਿਹਾਸਕ ਐਮ.ਏ. ਚਿਦੰਬਰਮ ਸਟੇਡੀਅਮ (ਚੇਪੌਕ) ਵਿੱਚ 'Roar 26' ਨਾਮਕ ਇੱਕ ਮੈਗਾ ਫੈਨ ਇਵੈਂਟ ਕਰਵਾਇਆ ਜਾ ਰਿਹਾ ਹੈ, ਜਿਸ ਵਿੱਚ ਆਸਕਰ ਜੇਤੂ ਸੰਗੀਤਕਾਰ ਏ.ਆਰ. ਰਹਿਮਾਨ ਆਪਣੀ ਲਾਈਵ ਪਰਫਾਰਮੈਂਸ ਨਾਲ ਸਮਾਂ ਬੰਨ੍ਹਣਗੇ।
ਇਸ ਸਮਾਗਮ ਦੀ ਖ਼ਾਸ ਗੱਲ ਇਹ ਹੈ ਕਿ ਇੱਥੇ CSK ਦੇ ਪੁਰਾਣੇ ਦਿੱਗਜ ਖਿਡਾਰੀ (OG Super Kings) ਅਤੇ ਮੌਜੂਦਾ ਟੀਮ ਦੇ ਖਿਡਾਰੀ ਇੱਕ-ਦੂਜੇ ਦੇ ਆਹਮੋ-ਸਾਹਮਣੇ ਹੋਣਗੇ। ਸੁਰੇਸ਼ ਰੈਨਾ, ਮੈਥਿਊ ਹੈਡਨ, ਮੁਰਲੀ ਵਿਜੇ ਅਤੇ ਐੱਸ. ਬਦਰੀਨਾਥ ਵਰਗੇ ਦਿੱਗਜ ਖਿਡਾਰੀ ਮੁੜ ਆਪਣੇ ਪੁਰਾਣੇ ਮੈਦਾਨ 'ਤੇ ਬੱਲਾ ਘੁਮਾਉਂਦੇ ਨਜ਼ਰ ਆਉਣਗੇ।
ਸੋਸ਼ਲ ਮੀਡੀਆ 'ਤੇ ਮਚਾਈ ਧੂਮ
ਚੇਨਈ ਸੁਪਰ ਕਿੰਗਜ਼ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ 'ਤੇ ਇਵੈਂਟ ਦਾ ਪੋਸਟਰ ਸਾਂਝਾ ਕਰਦਿਆਂ ਲਿਖਿਆ, "ਪਹਿਲੀ ਵਾਰ! CSK ਸਟਾਰਸ, OG ਸੁਪਰ ਕਿੰਗਜ਼ ਅਤੇ ਏ.ਆਰ. ਰਹਿਮਾਨ ਇੱਕ ਅਭੁੱਲ ਰਾਤ ਲਈ ਇਕੱਠੇ ਆ ਰਹੇ ਹਨ।" ਇਹ ਇਵੈਂਟ CSK ਦੇ ਸਫਰ ਅਤੇ ਪ੍ਰਸ਼ੰਸਕਾਂ ਦੇ ਅਟੁੱਟ ਪਿਆਰ ਨੂੰ ਸਮਰਪਿਤ ਹੈ।
ਏ.ਆਰ. ਰਹਿਮਾਨ ਦੇ ਨਵੇਂ ਪ੍ਰੋਜੈਕਟ
ਦੱਸਣਯੋਗ ਹੈ ਕਿ ਏ.ਆਰ. ਰਹਿਮਾਨ ਨੇ ਹਾਲ ਹੀ ਵਿੱਚ ਇਮਤਿਆਜ਼ ਅਲੀ ਦੀ ਆਉਣ ਵਾਲੀ ਫਿਲਮ 'ਮੈਂ ਵਾਪਸ ਆਊਂਗਾ' ਲਈ ਸੰਗੀਤ ਤਿਆਰ ਕੀਤਾ ਹੈ। ਇਸ ਫਿਲਮ ਵਿੱਚ ਦਿਲਜੀਤ ਦੋਸਾਂਝ, ਵੇਦਾਂਗ ਰੈਨਾ, ਸ਼ਾਰਵਰੀ ਅਤੇ ਨਸੀਰੂਦੀਨ ਸ਼ਾਹ ਮੁੱਖ ਭੂਮਿਕਾਵਾਂ ਵਿੱਚ ਹਨ, ਜਦਕਿ ਗੀਤ ਇਰਸ਼ਾਦ ਕਾਮਿਲ ਵੱਲੋਂ ਲਿਖੇ ਗਏ ਹਨ।
T20 WC: ਸੰਜੂ ਸੈਮਸਨ ਨੂੰ ਕਿਉਂ ਮਿਲੀ ਪਲੇਇੰਗ-11 'ਚ ਜਗ੍ਹਾ? ਕੋਚ ਗੌਤਮ ਗੰਭੀਰ ਨੇ ਖੋਲ੍ਹਿਆ ਵੱਡਾ ਰਾਜ਼
NEXT STORY 
