ਜਲੰਧਰ (ਬਿਊਰੋ)– ਨਿੱਜੀ ਜ਼ਿੰਦਗੀ ਹੋਵੇ ਜਾਂ ਕੰਮਕਾਜੀ, ਰੈਪਰ ਕਾਰਡੀ ਬੀ ਅਕਸਰ ਆਪਣੇ ਵਿਵਾਦਾਂ ਲਈ ਜਾਣੀ ਜਾਂਦੀ ਹੈ। ਇਕ ਵਾਰ ਮੁੜ ਉਹ ਵਿਵਾਦ ’ਚ ਫੱਸਦੀ ਨਜ਼ਰ ਆ ਰਹੀ ਹੈ। ਮਾਮਲਾ ਇਕ ਸਨੀਕਰ ਸ਼ੂਅਜ਼ ਦੀ ਪ੍ਰਮੋਸ਼ਨ ਨਾਲ ਜੁੜਿਆ ਹੈ।
ਅਸਲ ’ਚ ਕਾਰਡੀ ਬੀ ਨੇ ਇਕ ਤਸਵੀਰ ਪੋਸਟ ਕੀਤੀ, ਜਿਸ ’ਚ ਉਹ ਹਿੰਦੂ ਦੇਵੀ ‘ਦੁਰਗਾ’ ਦੇ ਪੋਜ਼ ’ਚ ਨਜ਼ਰ ਆ ਰਹੀ ਹੈ। ਇਸ ਤਰ੍ਹਾਂ ਉਹ ਸਨੀਕਰ ਬ੍ਰੈਂਡ ਨੂੰ ਪ੍ਰਮੋਟ ਕਰ ਰਹੀ ਹੈ। ਅਜਿਹਾ ਮੰਨਿਆ ਗਿਆ ਕਿ ਇਸ ਤਸਵੀਰ ਨੂੰ ਸ਼ਰਧਾ ਭਾਵਨਾ ਨਾਲ ਸ਼ੇਅਰ ਕੀਤਾ ਗਿਆ ਹੈ ਤੇ ਕਾਰਡੀ ਬੀ ਨੂੰ 8 ਹੱਥਾਂ ਨਾਲ ਲਾਲ ਰੰਗ ਦੇ ਸਨੀਕਰ ਸ਼ੂਅਜ਼ ਫੜੀ ‘ਯੋਧਾ ਔਰਤ’ ਦੇ ਰੂਪ ’ਚ ਦਿਖਾਇਆ ਗਿਆ।
ਹਾਲਾਂਕਿ ਕੁਝ ਸੋਸ਼ਲ ਮੀਡੀਆ ਯੂਜ਼ਰਸ ਨੂੰ ਇਹ ਪੋਜ਼ ਵਧੀਆ ਨਹੀਂ ਲੱਗਾ। ਕਈ ਲੋਕਾਂ ਨੇ ਇਸ ਤਸਵੀਰ ਦੀ ਦੁਰਗਾ ਮਾਂ ਨਾਲ ਤੁਲਨਾ ਕੀਤੇ ਜਾਣ ਲਈ ਕਾਰਡੀ ਬੀ ਦੀ ਨਿੰਦਿਆ ਕੀਤੀ ਹੈ।
ਜਦੋਂ ਲੋਕਾਂ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦੇ ਚਲਦਿਆਂ ਕਾਰਡੀ ਬੀ ਟਵਿਟਰ ’ਤੇ ਟਰੈਂਡ ਹੋਣ ਲੱਗੀ ਤਾਂ ਉਸ ਨੇ ਮੁਆਫੀ ਮੰਗਦਿਆਂ ਦੀ ਇਕ ਵੀਡੀਓ ਇੰਸਟਾਗ੍ਰਾਮ ਸਟੋਰੀ ’ਚ ਸ਼ੇਅਰ ਕੀਤੀ। ਕਾਰਡੀ ਨੇ ਕਿਹਾ ਕਿ ਉਸ ਦਾ ਇਰਾਦਾ ਕਿਸੇ ਧਰਮ ਨੂੰ ਠੇਸ ਪਹੁੰਚਾਉਣ ਦਾ ਨਹੀਂ ਸੀ। ਉਸ ਨੇ ਕਿਹਾ ਕਿ ਉਹ ਭਵਿੱਖ ’ਚ ਪਹਿਲਾਂ ਇਸ ਸਬੰਧੀ ਚੰਗੀ ਤਰ੍ਹਾਂ ਰਿਸਰਚ ਕਰੇਗੀ।
16 ਲੱਖ ਦੇ ਲਹਿੰਗੇ ਤੇ 45 ਲੱਖ ਦੇ ਗਹਿਣੇ ਪਹਿਨ ਭਰਾ ਦੇ ਵਿਆਹ ’ਚ ਨਜ਼ਰ ਆਈ ਕੰਗਨਾ, ਤਸਵੀਰਾਂ ਵਾਇਰਲ
NEXT STORY 
