ਮੁੰਬਈ (ਬਿਊਰੋ) — ਬਾਲੀਵੁੱਡ ਇੰਡਸਟਰੀ ਦੀ ਮਸ਼ਹੂਰ ਕੋਰੀਓਗ੍ਰਾਫਰ ਫਰਾਹ ਖ਼ਾਨ ਦੀ ਮਾਂ ਮੇਨਕਾ ਇਰਾਨੀ ਦਾ ਦਿਹਾਂਤ ਹੋ ਗਿਆ ਹੈ। ਮੇਨਕਾ ਇਰਾਨੀ ਲੰਬੇ ਸਮੇਂ ਤੋਂ ਬੀਮਾਰ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਫਰਾਹ ਖ਼ਾਨ ਦੀ ਮਾਂ 79 ਸਾਲ ਦੀ ਸੀ ਅਤੇ ਉਹ ਬਾਲ ਕਲਾਕਾਰ ਡੇਜ਼ੀ ਇਰਾਨੀ ਅਤੇ ਹਨੀ ਇਰਾਨੀ (ਜਾਵੇਦ ਅਖਤਰ ਦੀ ਸਾਬਕਾ ਪਤਨੀ) ਦੀ ਭੈਣ ਸੀ।
ਖ਼ਬਰਾਂ ਮੁਤਾਬਕ, ਮੇਨਕਾ ਪਿਛਲੇ ਕੁਝ ਸਮੇਂ ਤੋਂ ਬੀਮਾਰ ਸਨ। ਹਸਪਤਾਲ 'ਚ ਉਨ੍ਹਾਂ ਦਾ ਇਲਾਜ ਵੀ ਕਰਵਾਇਆ ਗਿਆ ਪਰ ਉਹ ਪੂਰੀ ਤਰ੍ਹਾਂ ਠੀਕ ਨਹੀਂ ਹੋ ਸਕੇ। ਕੁਝ ਦਿਨ ਪਹਿਲਾਂ ਹੀ ਫਰਾਹ ਖ਼ਾਨ ਨੇ ਆਪਣੇ ਵੀਲੌਗ 'ਚ ਇਸ ਬਾਰੇ ਜਾਣਕਾਰੀ ਦਿੱਤੀ ਸੀ।
ਦੱਸ ਦੇਈਏ ਕਿ ਕੁਝ ਦਿਨ ਪਹਿਲਾਂ ਫਰਾਹ ਖ਼ਾਨ ਨੇ ਮਾਂ ਮੇਨਕਾ ਦਾ ਜਨਮਦਿਨ ਮਨਾਇਆ ਸੀ। ਫਰਾਹ ਨੇ ਜਨਮਦਿਨ 'ਤੇ ਮਾਂ ਨਾਲ ਦੋ ਤਸਵੀਰਾਂ ਸ਼ੇਅਰ ਕੀਤੀਆਂ ਸਨ ਅਤੇ ਖਾਸ ਨੋਟ ਲਿਖਿਆ ਸੀ। ਤਸਵੀਰਾਂ 'ਚ ਕੋਰੀਓਗ੍ਰਾਫਰ ਆਪਣੀ ਮਾਂ ਨਾਲ ਪੋਜ਼ ਦਿੰਦੀ ਨਜ਼ਰ ਆ ਰਹੀ ਸੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਲਿਖਿਆ- ''ਅਸੀਂ ਸਾਰੇ ਆਪਣੀ ਮਾਂ ਨੂੰ ਹਲਕੇ ਨਾਲ ਲੈਂਦੇ ਹਾਂ... ਖ਼ਾਸ ਕਰਕੇ ਮੈਨੂੰ! ਪਿਛਲੇ ਮਹੀਨੇ ਮੈਨੂੰ ਅਹਿਸਾਸ ਹੋਇਆ ਕਿ ਮੈਂ ਆਪਣੀ ਮਾਂ ਮੇਨਕਾ ਨੂੰ ਕਿੰਨਾ ਪਿਆਰ ਕਰਦੀ ਹਾਂ। ਉਹ ਸਭ ਤੋਂ ਮਜ਼ਬੂਤ ਅਤੇ ਬਹਾਦਰ ਹੈ। ਸਰਜਰੀ ਤੋਂ ਬਾਅਦ ਵੀ ਉਨ੍ਹਾਂ ਦਾ ਹਾਸਾ ਬਰਕਰਾਰ ਹੈ। ਜਨਮਦਿਨ ਮੁਬਾਰਕ ਮੰਮੀ! ਘਰ ਵਾਪਸ ਆਉਣ ਲਈ ਅੱਜ ਦਾ ਦਿਨ ਚੰਗਾ ਹੈ। ਮੈਂ ਤੁਹਾਡੇ ਦੁਬਾਰਾ ਮਜ਼ਬੂਤ ਹੋਣ ਅਤੇ ਮੇਰੇ ਨਾਲ ਲੜਨ ਦੀ ਉਡੀਕ ਕਰ ਰਹੀ ਹਾਂ। ਮੈਂ ਤੁਹਾਨੂੰ ਪਿਆਰ ਕਰਦੀ ਹਾਂ।''
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਵਿੱਕੀ ਕੌਸ਼ਲ ਮਗਰੋਂ ਹੁਣ ਅਕਸ਼ੈ ਕੁਮਾਰ ਨਾਲ ਧੂੰਮਾਂ ਪਾਉਣ ਜਾ ਰਹੇ ਐਮੀ ਵਿਰਕ
NEXT STORY 
