ਮੁੰਬਈ: ‘ਸਸੁਰਾਲ ਸਿਮਰ ਕਾ’ ਦੀ ਅਦਾਕਾਰਾ ਦੀਪਿਕਾ ਕੱਕੜ ਅਤੇ ਸ਼ੋਏਬ ਇਬਰਾਹਿਮ ਟੀ.ਵੀ. ਇੰਡਸਟਰੀ ਦਾ ਮਸ਼ਹੂਰ ਜੋੜਾ ਹੈ। ਵਿਆਹ ਤੋਂ ਬਾਅਦ ਦੋਵੇਂ ਆਪਣੀ ਖ਼ੁਸ਼ਹਾਲ ਜ਼ਿੰਦਗੀ ਬਤੀਤ ਕਰ ਰਹੇ ਹਨ। ਦੀਪਿਕਾ ਅਤੇ ਸ਼ੋਏਬ ਦੋਵੇਂ ਹੀ ਸੋਸ਼ਲ ਮੀਡੀਆ ’ਤੇ ਲਗਾਤਾਰ ਐਕਟਿਵ ਰਹਿੰਦੇ ਹਨ ਅਤੇ ਪ੍ਰਸ਼ੰਸਕਾਂ ਨੂੰ ਉਹ ਆਪਣੀ ਰੋਜ਼ਾਨਾ ਜ਼ਿੰਦਗੀ ਬਾਰੇ ਜਾਣਕਾਰੀ ਦਿੰਦੇ ਰਹਿੰਦੇ ਹਨ।
ਹਾਲ ਹੀ ’ਚ ਦੀਪਿਕਾ ਅਤੇ ਸ਼ੋਏਬ ਨੇ ਪਰਿਵਾਰ ਨਾਲ ਈਦ ਮਨਾਈ ਹੈ। ਹਰ ਵਾਰ ਦੀ ਤਰ੍ਹਾਂ ਇਸ ਵਾਰ ਵੀ ਦੀਪਿਕਾ ਦੇ ਲਈ ਈਦ ਬੇਹੱਦ ਖ਼ਾਸ ਰਹੀ। ਇਸ ਦੌਰਾਨ ਦੀਆਂ ਕਈ ਤਸਵੀਰਾਂ ਦੀ ਝਲਕ ਦੀਪਿਕਾ ਕੱਕੜ ਅਤੇ ਸ਼ੋਏਬ ਇਬਰਾਹਿਮ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ’ਤੇ ਸਾਂਝੀਆਂ ਕੀਤੀਆਂ ਹਨ।
ਲੁੱਕ ਦੀ ਗੱਲ ਕਰੀਏ ਤਾਂ ਦੀਪਿਕਾ ਨੀਲੇ ਰੰਗ ਦੇ ਸਲਵਾਰ ਸੂਟ ’ਚ ਖ਼ੂਬਸੂਰਤ ਲੱਗ ਰਹੀ ਹੈ। ਹੱਥਾਂ ’ਤੇ ਮਹਿੰਦੀ, ਮਿਨੀਮਲ ਮੇਕਅੱਪ ਅਤੇ ਖੁੱਲ੍ਹੇ ਵਾਲ ਦੀਪਿਕਾ ਦੀ ਲੁੱਕ ਨੂੰ ਚਾਕ-ਚੰਨ ਲਗਾ ਰਹੇ ਹਨ। ਦੀਪਿਕਾ ਦੇ ਇਸ ਸੂਟ ਨੇ ਉਸ ਦੀ ਈਦ ਨੂੰ ਹੋਰ ਵੀ ਖ਼ਾਸ ਬਣਾ ਦਿੱਤਾ ਹੈ।
ਇਹ ਵੀ ਪੜ੍ਹੋ : ਈਦ ’ਤੇ ਫ਼ਿਰ ਅੱਬੂ ਨੂੰ ਯਾਦ ਕਰ ਰਹੀ ਹਿਨਾ, ਪਤੀ ਦੀ ਕਬਰ ’ਤੇ ਪਹੁੰਚੀ ਅਦਾਕਾਰਾ ਦੀ ਮਾਂ
ਪ੍ਰਸ਼ੰਸਕ ਦੀਪਿਕਾ ਦੇ ਰਵਾਇਤੀ ਪਹਿਰਾਵੇ ਨੂੰ ਬੇਹੱਦ ਪਸੰਦ ਕਰ ਰਹੇ ਹਨ। ਸ਼ੋਏਬ ਦੀ ਗੱਲ ਕਰੀਏ ਤਾਂ ਉਹ ਚਿੱਟੇ ਰੰਗ ਦੇ ਕੁੜਤੇ-ਪਾਇਜਾਮੇ ਦੇ ਨਾਲ ਬਲੈਕ ਜੈਕੇਟ ’ਚ ਸਮਾਰਟ ਦਿਖਾਈ ਦੇ ਰਹੇ ਹਨ।ਪ੍ਰਸ਼ੰਸਕ ਇਨ੍ਹਾਂ ਤਸਵੀਰਾਂ ਨੂੰ ਬੇਹੱਦ ਪਸੰਦ ਕਰ ਰਹੇ ਹਨ।
ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ 2 ਸਾਲ ਦੀ ਡੇਟਿੰਗ ਤੋਂ ਬਾਅਦ ਸ਼ੋਏਬ ਅਤੇ ਦੀਪਿਕਾ ਨੇ 2018 ’ਚ ਭੋਪਾਲ ’ਚ ਵਿਆਹ ਕਰ ਲਿਆ ਸੀ। ਦੀਪਿਕਾ ਨੇ ਸ਼ੋਏਬ ਇਬਰਾਹਿਮ ਨਾਲ ਵਿਆਹ ਕਰਨ ਤੋਂ ਬਾਅਦ ਇਸਲਾਮ ਕਬੂਲ ਕਰ ਲਿਆ ਸੀ। ਦੋਵਾਂ ਦਾ ਵਿਆਹ ਮੁਸਲਿਮ ਰੀਤੀ-ਰਿਵਾਜਾਂ ਨਾਲ ਹੋਇਆ ਸੀ। ਵਿਆਹ ਤੋਂ ਬਾਅਦ ਉਸ ਨੇ ਆਪਣਾ ਨਾਂ ਬਦਲ ਕੇ ਫ਼ੈਜ਼ਾ ਇਬਰਾਹਿਮ ਰੱਖ ਲਿਆ।
ਇਹ ਵੀ ਪੜ੍ਹੋ : IT'S PARTY TIME: 32 ਸਾਲਾਂ ਦੇ ਹੋਏ ਪਾਰਸ ਛਾਬੜਾ, ਮਾਹਿਰਾ ਸ਼ਰਮਾ ਨਾਲ ਦੇਰ ਰਾਤ ਮਨਾਇਆ ਜਨਮਦਿਨ
ਅਦਾਕਾਰਾ ਦੇ ਟੀ.ਵੀ. ’ਚ ਕੰਮ ਦੀ ਗੱਲ ਕਰੀਏ ਤਾਂ ਦੀਪਿਕਾ ਨੇ ਆਖ਼ਿਰੀ ਵਾਰ ‘ਸਸੁਰਾਲ ਸਿਮਰ ਕਾ 2’ ’ਚ ਨਜ਼ਰ ਆਈ ਸੀ। ਇਸ ਦੇ ਨਾਲ ਹੀ ਸ਼ੋਏਬ ਕਿਸੇ ਲੰਬੇ ਪ੍ਰੋਜੈਕਟ ਲਈ ਇਨ੍ਹੀਂ ਦਿਨੀਂ ਕੰਮ ਕਰ ਰਹੇ ਹਨ।
ਈਦ ’ਤੇ ਫ਼ਿਰ ਅੱਬੂ ਨੂੰ ਯਾਦ ਕਰ ਰਹੀ ਹਿਨਾ, ਪਤੀ ਦੀ ਕਬਰ ’ਤੇ ਪਹੁੰਚੀ ਅਦਾਕਾਰਾ ਦੀ ਮਾਂ
NEXT STORY 
