ਮੁੰਬਈ (ਬਿਊਰੋ) : ਬਾਲੀਵੁੱਡ ਅਦਾਕਾਰਾ ਦੀਪਿਕਾ ਪਾਦੁਕੋਣ ਨੇ 'ਮਹਾਭਾਰਤ' ਬਣਾਉਣ ਨੂੰ ਲੈ ਕੇ ਆਪਣਾ ਮੂਡ ਬਦਲ ਲਿਆ ਹੈ। 2019 'ਚ ਖ਼ਬਰਾਂ ਆਈਆਂ ਸਨ ਕਿ ਦੀਪਿਕਾ ਪਾਦੁਕੋਣ ਪ੍ਰੋਡਿਊਸਰ ਮਧੂ ਮੰਟੇਨਾ ਨਾਲ ਮਿਲ ਕੇ 'ਮਹਾਭਾਰਤ' ਦੀ ਕਹਾਣੀ 'ਤੇ ਫ਼ਿਲਮ ਬਣਾਏਗੀ। ਇਸ ਨੂੰ ਉਹ ਪ੍ਰੋਡਿਊਸ ਵੀ ਕਰੇਗੀ ਤੇ ਨਾਲ ਹੀ ਅਹਿਮ ਕਿਰਦਾਰ 'ਦਰੌਪਦੀ' ਨੂੰ ਵੀ ਨਿਭਾਏਗੀ ਪਰ ਇਸ ਪ੍ਰਾਜੈਕਟ 'ਤੇ ਫਿਲਹਾਲ ਕੋਈ ਅਪਡੇਟ ਨਹੀਂ। ਹੁਣ ਪ੍ਰੋਡਿਊਸਰ ਮਧੂ ਮੰਟੇਨਾ ਵੱਲੋਂ ਇਹ ਬਿਆਨ ਆਇਆ ਹੈ ਕਿ ਉਹ ਦੀਪਕਾ ਨਾਲ ਕੰਮ ਕਰ ਰਹੇ ਹਨ ਪਰ ਉਹ ਪ੍ਰਾਜੈਕਟ ਪਹਿਲਾ 'ਰਾਮਾਇਣ' ਹੋਵੇਗਾ।
ਇਹ ਵੀ ਖ਼ਬਰ ਪੜ੍ਹੋ - ਬਾਥਟਬ 'ਚ ਨੇਹਾ ਕੱਕੜ ਦਾ ਹੌਟ ਲੁੱਕ, ਵੇਖ ਪਤੀ ਰੋਹਨਪ੍ਰੀਤ ਨੇ ਆਖੀ ਇਹ ਗੱਲ
ਮਧੂ ਮੰਟੇਨਾ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਕੰਮ 'ਤੇ ਕਾਫ਼ੀ ਸਮਾਂ ਲੱਗਦਾ ਹੈ। ਮਧੂ ਤੇ ਦੀਪਿਕਾ 'ਮਹਾਭਾਰਤ' ਦੀ ਕਹਾਣੀ 'ਚ ਦਰੌਪਦੀ ਦੇ ਪੱਖ ਨੂੰ ਦਿਖਾਉਣ ਦੀ ਕੋਸ਼ਿਸ਼ ਕਰ ਰਹੇ ਸੀ। ਉਹ ਚਾਹੁੰਦੇ ਸਨ ਕਿ ਲੋਕ ਇਹ ਸਮਝ ਸਕਣ ਕਿ ਦਰੌਪਦੀ ਕੌਣ ਸੀ। ਇਸ ਫ਼ਿਲਮ ਦੇ ਸਕ੍ਰੀਨਪਲੇ ਲਈ ਕਾਫ਼ੀ ਰਿਸਰਚ ਹੋ ਚੁੱਕੀ ਹੈ।
ਇਹ ਵੀ ਖ਼ਬਰ ਪੜ੍ਹੋ - ਕੀ ਪ੍ਰੈਗਨੈਂਟ ਹੈ ਦੀਪਿਕਾ ਪਾਦੂਕੋਣ? ਕੱਚਾ ਅੰਬ ਖਾਂਦੇ ਵੇਖ ਲੋਕਾਂ ਨੇ ਕਿਹਾ 'ਰਣਵੀਰ ਦੇ ਘਰ ਹੈ ਗੁੱਡ ਨਿਊਜ਼!'
ਉਨ੍ਹਾਂ ਕਿਹਾ ਕਿ ਦੀਪਿਕਾ ਇਸ ਫ਼ਿਲਮ ਨੂੰ ਇਸ ਲਈ ਨਹੀਂ ਬਣਾ ਰਹੀ ਕਿ ਉਹ ਇੱਕ ਅਦਾਕਾਰਾ ਹੈ, ਉਹ ਇਸ ਲਈ ਬਣਾ ਰਹੀ ਹੈ ਕਿਉਂਕਿ ਸਾਡੇ ਦੋਵਾਂ ਦਾ ਇਹ ਮੰਨਣਾ ਹੈ ਕਿ ਇਹ ਦਰੌਪਦੀ ਦੇ ਪੱਖ ਤੋਂ ਕਾਫ਼ੀ ਮਜ਼ਬੂਤ ਕਹਾਣੀ ਹੈ ਪਰ ਫਿਲਹਾਲ ਇਸ ਨੂੰ ਕਾਫ਼ੀ ਸਮਾਂ ਲੱਗੇਗਾ। ਬਾਕੀ ਦੀਪਿਕਾ ਤੇ ਮਧੂ 'ਰਾਮਾਇਣ' ਦੀ ਕਹਾਣੀ 'ਤੇ ਵੀ ਕੰਮ ਕਰ ਰਹੇ ਹਨ। ਕਿਹਾ ਜਾ ਰਿਹਾ ਹੈ ਕਿ ਐਪਿਕ ਡਰਾਮਾ ਫ਼ਿਲਮ ਦੀ ਕਾਸਟ ਦਾ ਐਲਾਨ ਇਸ ਦੀਵਾਲੀ ਦੇ ਮੌਕੇ 'ਤੇ ਕੀਤਾ ਜਾਵੇਗਾ।
ਇਹ ਵੀ ਖ਼ਬਰ ਪੜ੍ਹੋ - ਕੁਲਵਿੰਦਰ ਬਿੱਲਾ ਨੇ ਕੀਤਾ ਨਵੇਂ ਪ੍ਰਾਜੈਕਟ ਦਾ ਐਲਾਨ, ਹੁਣ '98' ਦੇ ਦੌਰ 'ਚ ਜਾਣਗੇ ਲੈ ਕੇ
ਐਮਾਜ਼ੋਨ ਪ੍ਰਾਈਮ ਨੇ ਅਕਸ਼ੇ ਕੁਮਾਰ ਨੂੰ ਦਿੱਤਾ 30 ਕਰੋੜ ਦਾ ਆਫਰ, ‘ਬੈੱਲ ਬੌਟਮ’ ਨੂੰ OTT ’ਤੇ ਰਿਲੀਜ਼ ਕਰਨ ਦੀ ਤਿਆਰੀ!
NEXT STORY 
