ਮੁੰਬਈ : ਬਾਲੀਵੁੱਡ ਦੇ ਸੁਪਰਸਟਾਰ ਧਰਮਿੰਦਰ ਇਸ ਸਮੇਂ ਆਪਣੀ ਖ਼ਰਾਬ ਸਿਹਤ ਕਾਰਨ ਸੁਰਖੀਆਂ ਵਿੱਚ ਹਨ। 89 ਸਾਲ ਦੀ ਉਮਰ ਵਿੱਚ ਉਹ ਮੁੰਬਈ ਦੇ ਬ੍ਰੀਚ ਕੈਂਡੀ ਹਸਪਤਾਲ ਵਿੱਚ ਦਾਖਲ ਹਨ ਅਤੇ ਸਾਹ ਲੈਣ ਵਿੱਚ ਤਕਲੀਫ਼ ਕਾਰਨ ਉਨ੍ਹਾਂ ਨੂੰ ਵੈਂਟੀਲੇਟਰ 'ਤੇ ਰੱਖਿਆ ਗਿਆ ਹੈ। ਅਦਾਕਾਰ ਦੀ ਖ਼ਰਾਬ ਸਿਹਤ ਦੀ ਖ਼ਬਰ ਨੇ ਫੈਨਜ਼ ਦੇ ਨਾਲ-ਨਾਲ ਬਾਲੀਵੁੱਡ ਸਿਤਾਰਿਆਂ ਦੀ ਚਿੰਤਾ ਵਧਾ ਦਿੱਤੀ ਹੈ।
ਇਸੇ ਦੌਰਾਨ ਅੱਜ ਅਸੀਂ ਜਾਣਾਂਗੇ ਕਿ ਧਰਮਿੰਦਰ, ਜਿਨ੍ਹਾਂ ਨੂੰ ਬਾਲੀਵੁੱਡ ਵਿੱਚ 'ਹੀ-ਮੈਨ' ਦੇ ਨਾਮ ਨਾਲ ਜਾਣਿਆ ਜਾਂਦਾ ਹੈ, ਨੂੰ ਇਹ ਖ਼ਿਤਾਬ ਕਿਵੇਂ ਮਿਲਿਆ।
'ਹੀ-ਮੈਨ' ਬਣਨ ਦੀ ਕਹਾਣੀ: 'ਫੂਲ ਔਰ ਪੱਥਰ' ਨੇ ਬਦਲੀ ਸੀ ਤਸਵੀਰ
ਧਰਮਿੰਦਰ ਨੇ ਹਿੰਦੀ ਸਿਨੇਮਾ ਵਿੱਚ ਰੋਮਾਂਸ ਦੇ ਨਾਲ-ਨਾਲ ਐਕਸ਼ਨ ਸੀਨਜ਼ ਰਾਹੀਂ ਦਰਸ਼ਕਾਂ ਦਾ ਮਨੋਰੰਜਨ ਕੀਤਾ ਹੈ। ਹਿੰਦੀ ਸਿਨੇਮਾ ਵਿੱਚ ਉਨ੍ਹਾਂ ਦੀ ਤਸਵੀਰ ਇੱਕ ਐਕਸ਼ਨ ਹੀਰੋ ਦੀ ਰਹੀ ਹੈ। ਅਦਾਕਾਰ ਨੂੰ ਅਸਲ ਪਛਾਣ ਸਾਲ 1966 ਵਿੱਚ ਆਈ ਫਿਲਮ 'ਫੂਲ ਔਰ ਪੱਥਰ' ਤੋਂ ਮਿਲੀ। ਇਹ ਉਹ ਫਿਲਮ ਸੀ ਜਿਸ ਵਿੱਚ ਧਰਮਿੰਦਰ ਸ਼ਰਟਲੈੱਸ ਹੋ ਕੇ ਬਾਲੀਵੁੱਡ ਵਿੱਚ ਇੱਕ ਨਵਾਂ ਰੁਝਾਨ (ਟਰੈਂਡ) ਲੈ ਕੇ ਆਏ। ਇਸ ਫਿਲਮ ਵਿੱਚ ਉਨ੍ਹਾਂ ਨੇ ਆਪਣੇ ਦਮਦਾਰ ਐਕਸ਼ਨ ਸੀਨਜ਼ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ। 'ਫੂਲ ਔਰ ਪੱਥਰ' ਦੀ ਬਲਾਕਬਸਟਰ ਸਾਬਿਤ ਹੋਣ ਤੋਂ ਬਾਅਦ ਰਾਤੋ-ਰਾਤ ਅਦਾਕਾਰ ਦੀ ਇਮੇਜ ਬਦਲ ਗਈ ਅਤੇ ਉਦੋਂ ਤੋਂ ਹੀ ਇੰਡਸਟਰੀ ਵਿੱਚ ਉਨ੍ਹਾਂ ਦਾ ਨਾਮ 'ਹੀ-ਮੈਨ' ਪੈ ਗਿਆ। ਇਸ ਤੋਂ ਪਹਿਲਾਂ ਧਰਮਿੰਦਰ ਦੀ ਇਮੇਜ ਇੱਕ ਹੈਂਡਸਮ ਅਤੇ ਸਾਫਟ ਅਦਾਕਾਰ ਦੀ ਸੀ।
ਬਾਲੀਵੁੱਡ ਵਿੱਚ ਸ਼ਰਟਲੈੱਸ ਟਰੈਂਡ ਦੀ ਸ਼ੁਰੂਆਤ
'ਫੂਲ ਔਰ ਪੱਥਰ' ਦੀ ਸਫਲਤਾ ਤੋਂ ਬਾਅਦ ਹੀ ਇੰਡਸਟਰੀ ਵਿੱਚ ਹੀਰੋ ਦੇ ਸ਼ਰਟਲੈੱਸ ਹੋਣ ਦਾ ਟਰੈਂਡ ਚੱਲਿਆ। 'ਹੀ-ਮੈਨ' ਦਾ ਖਿਤਾਬ ਮਿਲਣ ਤੋਂ ਬਾਅਦ, ਧਰਮਿੰਦਰ ਨੂੰ ਕਈ ਅਜਿਹੀਆਂ ਫਿਲਮਾਂ ਦੀ ਪੇਸ਼ਕਸ਼ ਹੋਈ, ਜਿਨ੍ਹਾਂ ਵਿੱਚ ਐਕਸ਼ਨ ਸੀਨਜ਼ ਕਰਨੇ ਸਨ। ਉਨ੍ਹਾਂ ਦੀਆਂ ਮਸ਼ਹੂਰ ਐਕਸ਼ਨ ਫਿਲਮਾਂ ਵਿੱਚ 'ਸ਼ੋਲੇ', 'ਮੇਰਾ ਗਾਓਂ ਮੇਰਾ ਦੇਸ਼', 'ਧਰਮ-ਵੀਰ', 'ਆਗ ਹੀ ਆਗ' ਅਤੇ 'ਲੋਫਰ' ਵਰਗੀਆਂ ਫਿਲਮਾਂ ਸ਼ਾਮਲ ਹਨ।
ਦੱਸਣਯੋਗ ਹੈ ਕਿ ਧਰਮਿੰਦਰ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਸਾਲ 1960 ਵਿੱਚ ਫਿਲਮ 'ਦਿਲ ਭੀ ਤੇਰਾ ਹਮ ਭੀ ਤੇਰੇ' ਨਾਲ ਕੀਤੀ ਸੀ। ਹਾਲਾਂਕਿ, ਉਨ੍ਹਾਂ ਨੂੰ ਪਛਾਣ ਫਿਲਮ 'ਸ਼ੋਲਾ ਔਰ ਸ਼ਬਨਮ' ਤੋਂ ਮਿਲੀ ਸੀ।
ਧਰਮਿੰਦਰ ਦੀ ਸਿਹਤ ਸਥਿਤੀ ਬਾਰੇ ਤਾਜ਼ਾ ਜਾਣਕਾਰੀ
ਹਾਲਾਂਕਿ ਧਰਮਿੰਦਰ ਇਸ ਸਮੇਂ ਹਸਪਤਾਲ ਵਿੱਚ ਹਨ, ਪਰ ਉਨ੍ਹਾਂ ਦੇ ਦੇਹਾਂਤ ਦੀਆਂ ਅਫਵਾਹਾਂ ਵੀ ਸੋਸ਼ਲ ਮੀਡੀਆ 'ਤੇ ਫੈਲ ਰਹੀਆਂ ਹਨ। ਇਸ 'ਤੇ ਉਨ੍ਹਾਂ ਦੀ ਬੇਟੀ ਈਸ਼ਾ ਦਿਓਲ ਅਤੇ ਪਤਨੀ ਹੇਮਾ ਮਾਲਿਨੀ ਨੇ ਪੋਸਟ ਸ਼ੇਅਰ ਕਰਕੇ ਅਪਡੇਟ ਦਿੱਤਾ ਹੈ। ਸੋਮਵਾਰ ਰਾਤ ਨੂੰ ਸਲਮਾਨ ਖਾਨ ਸਮੇਤ ਕਈ ਸਿਤਾਰੇ ਅਦਾਕਾਰ ਦੀ ਸਿਹਤ ਦਾ ਹਾਲ ਜਾਣਨ ਲਈ ਹਸਪਤਾਲ ਪਹੁੰਚੇ ਸਨ।
ਵਿਆਹ ਦੇ ਬਾਵਜੂਦ ਧਰਮਿੰਦਰ ਦੇ ਨਾਲ ਕਿਉਂ ਨਹੀਂ ਰਹਿੰਦੀ ਹੇਮਾ ਮਾਲਿਨੀ ? ਅਦਾਕਾਰਾ ਨੇ ਖੋਲ੍ਹੇ ਰਾਜ਼
NEXT STORY 
