ਮੁੰਬਈ- ਪੰਜਾਬੀ ਇੰਡਸਟਰੀ ਦੇ ਮਸ਼ਹੂਰ ਗਾਇਕ ਤੇ ਅਦਾਕਾਰ ਦਿਲਜੀਤ ਦੋਸਾਂਝ ਇਨ੍ਹੀਂ ਦਿਨ੍ਹੀਂ ਆਪਣੀ ਨਵੀਂ ਆ ਰਹੀ ਫਿਲਮ 'ਸਰਦਾਰ ਜੀ 3' ਨੂੰ ਲੈ ਕੇ ਚਰਚਾ 'ਚ ਹਨ। ਫਿਲਮ 'ਚ ਪਾਕਿਸਤਾਨੀ ਅਦਾਕਾਰਾ ਹਾਨੀਆ ਆਮਿਰ ਦੇ ਹੋਣ ਕਾਰਨ ਦਿਲਜੀਤ ਦੋਸਾਂਝ ਵਿਵਾਦਾਂ 'ਚ ਘਿਰੇ ਹੋਏ ਹਨ। ਇਸ ਵਿਚ ਹੁਣ ਪੰਜਾਬੀ ਸਿੰਗਰ ਜਸਬੀਰ ਜੱਸੀ ਨੇ ਇਸ ਪੂਰੇ ਵਿਵਾਦ 'ਚ ਆਪਣੀ ਰਾਏ ਰੱਖੀ ਹੈ। ਜਸਬੀਰ ਜੱਸੀ ਨੇ ਕਿਹਾ,''ਸਿਰਫ਼ ਇਸ ਲਈ ਵਿਰੋਧ ਕਰ ਰਹੇ ਹਨ ਕਿ ਉਨ੍ਹਾਂ ਦੀ ਫਿਲਮ 'ਚ ਪਾਕਿਸਤਾਨੀ ਕਲਾਕਾਰ ਹਨ, ਚਲੋ ਮੰਨ ਲਿਆ ਇਹ ਦੇਸ਼ਭਗਤੀ ਹੈ ਅਤੇ ਮੈਂ ਤੁਹਾਡੀ ਦੇਸ਼ਭਗਤੀ ਦੀ ਸ਼ਲਾਘਾ ਕਰਦਾ ਹਾਂ ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਸਾਡੇ ਦੇਸ਼ ਦੇ 80 ਫੀਸਦੀ ਗੀਤ ਪਾਕਿਸਤਾਨੀ ਹਨ? ਕਦੇ ਸੰਗੀਤ ਚੋਰੀ ਕੀਤਾ ਗਿਆ, ਕਦੇ ਬੋਲ, ਕਦੇ ਪੂਰਾ ਗੀਤ ਲੈ ਲਿਆ ਗਿਆ ਜਾਂ ਪਾਕਿਸਤਾਨੀ ਸਿੰਗਰਾਂ ਤੋਂ ਗਵਾਇਆ ਗਿਆ। ਹੁਣ ਦੱਸੋ, ਉਨ੍ਹਾਂ ਗੀਤਾਂ ਦਾ ਕੀ ਕਰਾਂਗੇ?''
ਇਹ ਵੀ ਪੜ੍ਹੋ : ਭਾਰਤ 'ਚ ਰਿਲੀਜ਼ ਨਹੀਂ ਹੋਵੇਗੀ 'ਸਰਦਾਰ ਜੀ 3', ਪਾਕਿਸਤਾਨ ਹੈ ਵਜ੍ਹਾ, ਹੈਰਾਨ ਕਰੇਗੀ ਪੂਰੀ ਖ਼ਬਰ
ਜਸਬੀਰ ਜੱਸੀ ਨੇ ਇਹ ਵੀ ਕਿਹਾ,''ਜੇਕਰ ਬੈਨ ਕਰਨਾ ਹੈ ਤਾਂ ਜਿੰਨੇ ਵੀ ਪਾਕਿਸਤਾਨੀ ਗੀਤ ਹਨ, ਉਨ੍ਹਾਂ ਨੂੰ ਯੂ-ਟਿਊਬ ਅਤੇ ਸਪਾਟਿਫਾਈ ਤੋਂ ਡਿਲੀਟ ਕਰੋ। ਜੇਕਰ ਬੈਨ ਕਰਨਾ ਹੈ ਤਾਂ ਸਭ ਨੂੰ ਕਰੋ, ਅਜਿਹਾ ਨਹੀਂ ਤੁਸੀਂ ਸਿਰਫ਼ ਇਕ ਆਰਟਿਸਟ ਦਾ ਵਿਰੋਧ ਕਰਨਾ ਸ਼ੁਰੂ ਕਰ ਦਿੱਤਾ? ਦੱਸਣਯੋਗ ਹੈ ਕਿ 22 ਅਪ੍ਰੈਲ ਨੂੰ ਪਹਿਲਗਾਮ ਹਮਲੇ ਤੋਂ ਬਾਅਦ ਭਾਰਤ-ਪਾਕਿ 'ਚ ਤਣਾਅ ਕਾਫੀ ਵਧ ਗਿਆ ਸੀ ਅਤੇ ਸਾਰੇ ਪਾਕਿ ਕਲਾਕਾਰਾਂ ਨੂੰ ਭਾਰਤ 'ਚ ਬੈਨ ਕਰ ਦਿੱਤਾ ਸੀ। ਇਸ ਲਈ 'ਸਰਦਾਰ ਜੀ 3' 'ਚ ਹਾਨੀਆ ਦੇ ਦਿਖਣ ਤੋਂ ਬਾਅਦ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਪਰ ਵਿਵਾਦ ਵਧਣ ਤੋਂ ਪਹਿਲਾਂ ਮੇਕਅਰਸ ਨੇ ਸਾਫ਼ ਕੀਤਾ ਹੈ ਕਿ ਇਸ ਫਿਲਮ ਨੂੰ ਭਾਰਤ 'ਚ ਰਿਲੀਜ਼ ਨਹੀਂ ਕੀਤਾ ਜਾਵੇਗਾ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
'ਸਰਦਾਰ ਜੀ 3' ਲਈ ਆਲੋਚਨਾ ਦਾ ਸਾਹਮਣਾ ਕਰ ਰਹੇ ਦਿਲਜੀਤ ਦੋਸਾਂਝ ਨੇ ਤੋੜੀ ਚੁੱਪੀ
NEXT STORY 
