ਐਂਟਰਟੇਨਮੈਂਟ ਡੈਸਕ- ਅਦਾਕਾਰਾ ਸ਼ੈਫਾਲੀ ਜਰੀਵਾਲਾ ਦੀ ਮੌਤ ਤੋਂ ਬਾਅਦ ਹੁਣ ਮਨੋਰੰਜਨ ਇੰਡਸਟਰੀ ਤੋਂ ਇੱਕ ਹੋਰ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। 'ਦਿ ਡਿਵੋਰਸ ਇੰਸ਼ੋਰੈਂਸ' ਫੇਮ ਅਦਾਕਾਰਾ ਲੀ ਸਿਓ-ਯੀ ਨੇ ਅਚਾਨਕ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ। ਅਦਾਕਾਰਾ ਲੀ ਸਿਓ-ਯੀ ਨੇ 20 ਜੂਨ ਨੂੰ 43 ਸਾਲ ਦੀ ਉਮਰ ਵਿੱਚ ਆਖਰੀ ਸਾਹ ਲਿਆ।
ਉਨ੍ਹਾਂ ਦੀ ਮੌਤ ਦੀ ਪੁਸ਼ਟੀ ਉਨ੍ਹਾਂ ਦੇ ਮੈਨੇਜਰ ਦੁਆਰਾ ਇੱਕ ਪੋਸਟ ਰਾਹੀਂ ਕੀਤੀ ਗਈ ਹੈ, ਹਾਲਾਂਕਿ ਕੇ-ਡਰਾਮਾ ਅਦਾਕਾਰਾ ਲੀ ਸਿਓ-ਯੀ ਦੀ ਮੌਤ ਦਾ ਕਾਰਨ ਸਾਹਮਣੇ ਨਹੀਂ ਆਇਆ ਹੈ। ਲੀ ਸਿਓ-ਯੀ ਨੇ ਕਈ ਸ਼ਾਨਦਾਰ ਭੂਮਿਕਾਵਾਂ ਨਿਭਾਈਆਂ ਹਨ। ਉਨ੍ਹਾਂ ਦੀ ਮੌਤ ਦੀ ਖ਼ਬਰ ਨਾਲ ਪ੍ਰਸ਼ੰਸਕਾਂ ਵਿੱਚ ਸੋਗ ਦੀ ਲਹਿਰ ਦੌੜ ਗਈ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਲੀ ਸਿਓ-ਯੀ ਦੀ ਮੌਤ ਦੀ ਪੁਸ਼ਟੀ ਉਨ੍ਹਾਂ ਦੇ ਮੈਨੇਜਰ ਸੋਂਗ ਸਿਓ ਬਿਨ ਦੁਆਰਾ ਇੱਕ ਪੋਸਟ ਰਾਹੀਂ ਕੀਤੀ ਗਈ ਹੈ, ਜਿਸ ਵਿੱਚ ਉਨ੍ਹਾਂ ਨੇ ਅਦਾਕਾਰਾ ਦੀ ਫੋਟੋ ਸਾਂਝੀ ਕੀਤੀ ਅਤੇ ਲਿਖਿਆ - 'ਇੱਕ ਸੁੰਦਰ, ਨਿਮਰ ਸ਼ਖਸ 20 ਜੂਨ ਨੂੰ ਅਸਮਾਨ ਵਿੱਚ ਇੱਕ ਤਾਰਾ ਬਣ ਗਿਆ। ਮੈਂ ਇਹ ਖ਼ਬਰ ਡੂੰਘੇ ਦੁੱਖ ਨਾਲ ਸਾਂਝੀ ਕਰ ਰਿਹਾ ਹਾਂ। ਮੈਂ ਜਾਣਦਾ ਹਾਂ ਕਿ ਤੁਹਾਡੇ ਵਿੱਚੋਂ ਬਹੁਤ ਸਾਰੇ ਇਸ ਅਚਾਨਕ ਖ਼ਬਰ ਤੋਂ ਹੈਰਾਨ ਅਤੇ ਦੁਖੀ ਹੋਣਗੇ। ਕਿਰਪਾ ਕਰਕੇ ਉਨ੍ਹਾਂ ਦੇ ਲਈ ਪ੍ਰਾਰਥਨਾ ਕਰੋ ਤਾਂ ਜੋ ਉਹ ਇੱਕ ਸ਼ਾਂਤ ਅਤੇ ਸੁੰਦਰ ਜਗ੍ਹਾ 'ਤੇ ਆਰਾਮ ਕਰ ਸਕੇ। ਮੈਂ ਇਹ ਉਨ੍ਹਾਂ ਦੀ ਮਾਂ ਅਤੇ ਪਿਤਾ ਵੱਲੋਂ ਪੋਸਟ ਕਰ ਰਿਹਾ ਹਾਂ।' 'ਦਿ ਡਿਵੋਰਸ ਇੰਸ਼ੋਰੈਂਸ' ਵਿੱਚ ਅਦਾਕਾਰਾ ਨੇ ਪੰਜਵੇਂ ਐਪੀਸੋਡ ਵਿੱਚ ਇੱਕ ਬੇਕਰ ਦੀ ਭੂਮਿਕਾ ਨਿਭਾਈ ਸੀ। ਉਹ ਆਖਰੀ ਵਾਰ ਇਸ ਕਾਮੇਡੀ ਲੜੀ ਵਿੱਚ ਦੇਖੀ ਗਈ ਸੀ।
ਆਸ਼ਾ ਭੋਸਲੇ ਦਾ ਹੋਇਆ ਦੇਹਾਂਤ ! ਜਾਣੋ ਕੀ ਹੈ ਖ਼ਬਰ ਦੀ ਸੱਚਾਈ
NEXT STORY 
