ਐਂਟਰਟੇਨਮੈਂਟ ਡੈਸਕ- ਆਏ ਦਿਨੀਂ ਫਿਲਮ ਇੰਡਸਟਰੀ ਤੋਂ ਅਦਾਕਾਰਾਂ ਦੇ ਲਿੰਕ-ਅੱਪ ਦੀਆਂ ਖਬਰਾਂ ਆਉਂਦੀਆਂ ਹਨ ਪਰ ਕਈ ਵਾਰ ਇਹ ਖਬਰਾਂ ਇਸ ਹੱਦ ਨੂੰ ਪਾਰ ਕਰ ਜਾਂਦੀਆਂ ਹਨ ਕਿ ਇਸ ਦਾ ਅਸਰ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ‘ਤੇ ਵੀ ਪੈਂਦਾ ਹੈ। 90 ਦੇ ਦਹਾਕਿਆਂ ‘ਚ ਇਕ ਅਜਿਹੀ ਅਫਵਾਹ ਜਾਂ ਖਬਰ ਦਾ ਅਸਰ ਗੋਵਿੰਦਾ ਦੀ ਵਿਆਹੁਤਾ ਜ਼ਿੰਦਗੀ ‘ਤੇ ਵੀ ਪਿਆ ਸੀ। ਮਾਮਲਾ ਇਸ ਹੱਦ ਤੱਕ ਵੱਧ ਗਿਆ ਸੀ ਕਿ ਉਨ੍ਹਾਂ ਦਾ ਆਪਣੀ ਪਤਨੀ ਸੁਨੀਤਾ ਨਾਲ ਰਿਸ਼ਤਾ ਖ਼ਤਰੇ ਵਿੱਚ ਪੈ ਗਿਆ ਸੀ।
ਬਾਲੀਵੁੱਡ ਦੀ ਖੂਬਸੂਰਤ ਅਦਾਕਾਰਾ ਰਾਣੀ ਮੁਖਰਜੀ ਅਤੇ ਗੋਵਿੰਦਾ ਵਿਚਾਲੇ ਐਕਸਟਰਾ ਮੈਰਿਟਲ ਅਫੇਅਰ ਦੀਆਂ ਖਬਰਾਂ ਇਕ ਸਮੇਂ ਕਾਫੀ ਚਰਚਾ ‘ਚ ਸਨ। ਗੋਵਿੰਦਾ ਦਾ ਸਟਾਰਡਮ 90 ਦੇ ਦਹਾਕੇ ‘ਚ ਸਿਖਰ ‘ਤੇ ਸੀ। ਗੋਵਿੰਦਾ ਦਾ ਬਾਲੀਵੁੱਡ ਵਿੱਚ ਦਬਦਬਾ ਸੀ। ਇਸ ਕਾਰਨ ਮੀਡੀਆ ਦਾ ਧਿਆਨ ਅਕਸਰ ਉਨ੍ਹਾਂ ‘ਤੇ ਰਹਿੰਦਾ ਸੀ। ਇੱਕ ਸਮਾਂ ਅਜਿਹਾ ਵੀ ਆਇਆ ਜਦੋਂ ਰਾਣੀ ਮੁਖਰਜੀ ਅਤੇ ਗੋਵਿੰਦਾ ਦੇ ਅਫੇਅਰ ਦੀ ਮੀਡੀਆ ਵਿੱਚ ਖੂਬ ਚਰਚਾ ਹੋਈ।
ਰਾਣੀ ਮੁਖਰਜੀ ਅਤੇ ਗੋਵਿੰਦਾ ਦੀ ਜੋੜੀ ਨੇ ਕਈ ਸੁਪਰਹਿੱਟ ਫਿਲਮਾਂ ਦਿੱਤੀਆਂ ਹਨ। 90 ਦੇ ਦਹਾਕੇ ‘ਚ ਇਸ ਜੋੜੀ ਨੂੰ ਇੰਨਾ ਪਸੰਦ ਕੀਤਾ ਗਿਆ ਸੀ ਕਿ ਉਹ ਫਿਲਮ ਨਿਰਮਾਤਾਵਾਂ ਦੀ ਪਹਿਲੀ ਪਸੰਦ ਬਣ ਗਏ ਸਨ। ਗੋਵਿੰਦਾ ਆਪਣੇ ਸ਼ਾਨਦਾਰ ਡਾਂਸ ਅਤੇ ਮਜ਼ਾਕੀਆ ਅਦਾਕਾਰੀ ਲਈ ਜਾਣੇ ਜਾਂਦੇ ਹਨ। ਆਪਣੀ ਪ੍ਰੋਫੈਸ਼ਨਲ ਲਾਈਫ ਦੇ ਨਾਲ-ਨਾਲ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਵੀ ਹਮੇਸ਼ਾ ਮੀਡੀਆ ਦੀਆਂ ਸੁਰਖੀਆਂ ‘ਚ ਬਣੀ ਰਹਿੰਦੀ ਹੈ।
ਗੋਵਿੰਦਾ ਨੇ 1987 ਵਿੱਚ ਸੁਨੀਤਾ ਆਹੂਜਾ ਨਾਲ ਵਿਆਹ ਕੀਤਾ ਸੀ ਅਤੇ ਉਨ੍ਹਾਂ ਦੇ ਦੋ ਬੱਚੇ ਵੀ ਹਨ। ਹਾਲਾਂਕਿ, ਅਫਵਾਹਾਂ ਨੇ ਉਨ੍ਹਾਂ ਦੇ ਖੁਸ਼ਹਾਲ ਵਿਆਹੁਤਾ ਜੀਵਨ ਨੂੰ ਵੀ ਵਿਗਾੜ ਦਿੱਤਾ। ਗੋਵਿੰਦਾ ਬਾਰੇ ਕਈ ਅਫਵਾਹਾਂ ਸਨ ਕਿ ਉਨ੍ਹਾਂ ਨੇ ਉਨ੍ਹਾਂ ਨਾਲ ਕੰਮ ਕਰਨ ਵਾਲੀਆਂ ਕਈ ਹੀਰੋਇਨਾਂ ਨੂੰ ਡੇਟ ਕੀਤਾ ਹੈ। ਇਨ੍ਹਾਂ ਅਫਵਾਹਾਂ ਕਾਰਨ ਗੋਵਿੰਦਾ ਦੀ ਵਿਆਹੁਤਾ ਜ਼ਿੰਦਗੀ ‘ਚ ਵੀ ਮੁਸ਼ਕਲਾਂ ਆ ਗਈਆਂ ਸਨ। ਇਸ ਸੀਨੀਅਰ ਹੀਰੋ ਬਾਰੇ ਇਹ ਵੀ ਕਿਹਾ ਗਿਆ ਸੀ ਕਿ ਉਹ ਨੀਲਮ ਕੋਠਾਰੀ ਨਾਲ ਵੀ ਰਿਲੇਸ਼ਨਸ਼ਿਪ ‘ਚ ਸੀ, ਜਿਸ ਨੇ ਉਸ ਨਾਲ ਫਿਲਮ ‘ਇਲਜ਼ਾਮ’ ‘ਚ ਕੰਮ ਕੀਤਾ ਸੀ।
ਗੋਵਿੰਦਾ ਅਤੇ ਰਾਣੀ ਮੁਖਰਜੀ ਦੀ ਮੁਲਾਕਾਤ ਫਿਲਮ ‘ਹਦ ਕਰ ਦੀ ਆਪਨੇ’ ਦੀ ਸ਼ੂਟਿੰਗ ਦੌਰਾਨ ਹੋਈ ਸੀ। ਸਵਿਟਜ਼ਰਲੈਂਡ ਅਤੇ ਅਮਰੀਕਾ ਵਰਗੇ ਦੇਸ਼ਾਂ ‘ਚ ਸ਼ੂਟਿੰਗ ਦੌਰਾਨ ਦੋਵੇਂ ਚੰਗੇ ਦੋਸਤ ਬਣ ਗਏ। ਫਿਲਮ ਦੀ ਸ਼ੂਟਿੰਗ ਖਤਮ ਹੋਣ ਤੋਂ ਬਾਅਦ ਵੀ ਉਹ ਅਕਸਰ ਇਕੱਠੇ ਨਜ਼ਰ ਆਉਂਦੇ ਸਨ। ਇਸ ਦੌਰਾਨ ਉਨ੍ਹਾਂ ਦੇ ਡੇਟਿੰਗ ਦੀਆਂ ਖਬਰਾਂ ਸਾਹਮਣੇ ਆਈਆਂ।
ਦਰਅਸਲ ਇੱਕ ਵਾਰ ਇੱਕ ਪੱਤਰਕਾਰ ਰਾਣੀ ਨੂੰ ਮਿਲਣ ਆਇਆ ਤਾਂ ਉਨ੍ਹਾਂ ਨੇ ਗੋਵਿੰਦਾ ਨੂੰ ਰਾਤ ਦੇ ਕੱਪੜਿਆਂ ਵਿੱਚ ਅਭਿਨੇਤਰੀ ਦੇ ਕਮਰੇ ਤੋਂ ਬਾਹਰ ਆਉਂਦੇ ਦੇਖਿਆ। ਇੱਥੋਂ ਹੀ ਇਹ ਖਬਰ ਮੀਡੀਆ ਦੇ ਗਲਿਆਰਿਆਂ ਵਿੱਚ ਲੀਕ ਹੋਈ ਅਤੇ ਇਸ ਖਬਰ ਦੀ ਭਣਕ ਪਤਨੀ ਤੱਕ ਪਹੁੰਚ ਗਈ। ਗੋਵਿੰਦਾ ਦੀ ਪਤਨੀ ਸੁਨੀਤਾ ਉਨ੍ਹਾਂ ਦੇ ਅਫੇਅਰ ਦੀ ਖਬਰ ਸੁਣ ਕੇ ਭੜਕ ਗਈ ਸੀ।
ਅਜਿਹੇ ਸਮੇਂ ‘ਚ ਰਾਣੀ ਮੁਖਰਜੀ ਨੇ ਇਕ ਇੰਟਰਵਿਊ ‘ਚ ਹੈਰਾਨ ਕਰਨ ਵਾਲਾ ਬਿਆਨ ਦਿੱਤਾ ਹੈ। ਉਨ੍ਹਾਂ ਕਿਹਾ ਸੀ. ‘ਜੇਕਰ ਕੋਈ ਅਭਿਨੇਤਰੀ ਗੋਵਿੰਦਾ ਨਾਲ ਤਿੰਨ-ਚਾਰ ਫਿਲਮਾਂ ‘ਚ ਕੰਮ ਕਰਦੀ ਹੈ ਤਾਂ ਮੀਡੀਆ ਝੱਟ ਇਹ ਮੰਨ ਲੈਂਦਾ ਹੈ ਕਿ ਉਨ੍ਹਾਂ ਦਾ ਗੋਵਿੰਦਾ ਨਾਲ ਅਫੇਅਰ ਹੈ। ਮੇਰੇ ਤੋਂ ਪਹਿਲਾਂ ਵੀ ਉਹ ਗੋਵਿੰਦਾ ਨਾਲ ਕਈ ਅਭਿਨੇਤਰੀਆਂ ਦੇ ਨਾਂ ਜੋੜ ਚੁੱਕੇ ਹਨ। ਮੇਰੀ ਜਾਣਕਾਰੀ ਅਨੁਸਾਰ ਗੋਵਿੰਦਾ ਵਰਗਾ ਚੰਗੇ ਦੋਸਤ ਅਤੇ ਮਜ਼ੇਦਾਰ ਵਿਅਕਤੀ ਨੂੰ ਲੱਭਣਾ ਬਹੁਤ ਮੁਸ਼ਕਲ ਹੈ। ਹਾਲਾਂਕਿ ਉਨ੍ਹਾਂ ਨੇ ਹੋਟਲ ਦੇ ਕਮਰੇ ‘ਚ ਇਕੱਠੇ ਹੋਣ ਦੇ ਦੋਸ਼ਾਂ ਤੋਂ ਇਨਕਾਰ ਨਹੀਂ ਕੀਤਾ। ਇਸ ਨਾਲ ਅਫਵਾਹਾਂ ਹੋਰ ਵੀ ਵਧ ਗਈਆਂ।
ਇਸ ਇੰਟਰਵਿਊ ਤੋਂ ਬਾਅਦ ਸੁਨੀਤਾ ਗੋਵਿੰਦਾ ਨੂੰ ਛੱਡ ਕੇ ਆਪਣੇ ਪੇਕੇ ਘਰ ਚਲੀ ਗਈ। ਬਾਅਦ ਵਿੱਚ ਗੋਵਿੰਦਾ ਅਤੇ ਸੁਨੀਤਾ ਨੇ ਆਪਣੇ ਮਤਭੇਦਾਂ ਨੂੰ ਸੁਲਝਾ ਲਿਆ ਅਤੇ ਦੁਬਾਰਾ ਵਿਆਹੁਤਾ ਜੀਵਨ ਸ਼ੁਰੂ ਕੀਤਾ ਅਤੇ ਹੁਣ ਦੋਵੇਂ ਕਈ ਸਾਲਾਂ ਤੋਂ ਖੁਸ਼ਹਾਲ ਜੀਵਨ ਬਤੀਤ ਕਰ ਰਹੇ ਹਨ।
ਵੀਡੀਓ ਬਣਾਉਂਦੇ-ਬਣਾਉਂਦੇ ਪਾਣੀ 'ਚ ਰੁੜ੍ਹ ਗਿਆ YouTuber, ਜਾਨ ਬਚਾਉਣ ਲਈ ਹੱਥ ਜੋੜ ਕਰਦਾ ਰਿਹਾ ਮਿੰਨਤਾਂ
NEXT STORY 
