ਮੁੰਬਈ (ਏਜੰਸੀ)- ਕਾਮੇਡੀਅਨ, ਕਵੀ ਅਤੇ ਅਦਾਕਾਰ ਮੁਨੱਵਰ ਫਾਰੂਕੀ ਦੀ ਅਦਾਕਾਰੀ ਵਾਲੀ ਪਹਿਲੀ ਵੈੱਬ ਸੀਰੀਜ਼ "ਫਸਟ ਕਾਪੀ" ਨੇ ਆਪਣੀ ਰਿਲੀਜ਼ ਦਾ ਇੱਕ ਸਾਲ ਪੂਰਾ ਕਰ ਲਿਆ ਹੈ। 20 ਜੂਨ 2025 ਨੂੰ ਰਿਲੀਜ਼ ਹੋਈ, ਇਸ ਕ੍ਰਾਈਮ ਥ੍ਰਿਲਰ ਨੇ ਮੁਨੱਵਰ ਨੂੰ ਅਦਾਕਾਰੀ ਦੀ ਦੁਨੀਆ ਵਿੱਚ ਇੱਕ ਨਵੀਂ ਪਛਾਣ ਦਿਵਾਈ ਸੀ। 90 ਦੇ ਦਹਾਕੇ ਦੀ ਮੁੰਬਈ ਦੀ ਪਿੱਠਭੂਮੀ 'ਤੇ ਆਧਾਰਿਤ ਇਸ ਸ਼ੋਅ ਵਿੱਚ ਵੀਡੀਓ ਪਾਇਰੇਸੀ ਅਤੇ VHS ਸੱਭਿਆਚਾਰ ਦੀ ਅਣਦੇਖੀ ਦੁਨੀਆ ਦੀ ਦਿਖਾਇਆ ਗਿਆ ਸੀ। ਮੁਨੱਵਰ ਨੇ ਇਸ ਵਿੱਚ ਆਰਿਫ ਦੀ ਭੂਮਿਕਾ ਨਿਭਾਈ ਸੀ, ਜੋ ਇੱਕ ਉਤਸ਼ਾਹੀ ਨੌਜਵਾਨ ਹੈ ਅਤੇ ਆਪਣੀ ਜ਼ਿੰਦਗੀ ਬਦਲਣ ਲਈ ਸੰਘਰਸ਼ ਕਰਦਾ ਹੈ। ਇੱਕ ਸਟ੍ਰੀਟ ਸੈਲਰ ਤੋਂ ਸ਼ੁਰੂ ਹੋ ਕੇ ਉਸ ਦਾ ਸਫਰ ਉਸਨੂੰ ਅਪਰਾਧ, ਸ਼ਕਤੀ ਅਤੇ ਹੋਂਦ ਦੀ ਗੁੰਝਲਦਾਰ ਦੁਨੀਆ ਵਿੱਚ ਲਿਜਾਂਦਾ ਹੈ।
ਸ਼ੋਅ ਦੀ ਪਹਿਲੀ ਵਰ੍ਹੇਗੰਢ 'ਤੇ ਮੁਨੱਵਰ ਨੇ ਕਿਹਾ, "ਮੈਨੂੰ ਵਿਸ਼ਵਾਸ ਨਹੀਂ ਹੋ ਰਿਹਾ ਕਿ 'ਫਸਟ ਕਾਪੀ' ਨੂੰ ਰਿਲੀਜ਼ ਹੋਏ ਇੱਕ ਸਾਲ ਹੋ ਗਿਆ ਹੈ। ਆਰਿਫ ਦੀ ਭੂਮਿਕਾ ਨਿਭਾਉਣਾ ਮੇਰੇ ਲਈ ਬਹੁਤ ਖਾਸ ਸੀ, ਕਿਉਂਕਿ ਇਹ ਮੇਰਾ ਪਹਿਲਾ ਅਦਾਕਾਰੀ ਪ੍ਰੋਜੈਕਟ ਸੀ। ਮੈਂ ਰਿਲੀਜ਼ ਤੋਂ ਪਹਿਲਾਂ ਕਾਫ਼ੀ ਘਬਰਾਇਆ ਹੋਇਆ ਸੀ, ਪਰ ਦਰਸ਼ਕਾਂ ਦੇ ਪਿਆਰ ਅਤੇ ਸਮਰਥਨ ਨੇ ਸਭ ਕੁਝ ਸਾਰਥਕ ਬਣਾ ਦਿੱਤਾ। ਦੋਵਾਂ ਸੀਜ਼ਨਾਂ ਨੂੰ ਮਿਲਿਆ ਜ਼ਬਰਦਸਤ ਹੁੰਗਾਰਾ ਮੇਰੇ ਲਈ ਬਹੁਤ ਖਾਸ ਹੈ, ਅਤੇ ਮੈਂ ਇਸ ਲਈ ਸਾਰਿਆਂ ਦਾ ਧੰਨਵਾਦੀ ਹਾਂ।" ਦਰਸ਼ਕਾਂ ਵਿੱਚ ਪ੍ਰਸਿੱਧੀ ਪ੍ਰਾਪਤ ਕਰਨ ਦੇ ਨਾਲ-ਨਾਲ ਸ਼ੋਅ ਨੂੰ ਵਪਾਰਕ ਸਫਲਤਾ ਵੀ ਮਿਲੀ, ਜਿਸਦੇ ਨਤੀਜੇ ਵਜੋਂ ਉਸੇ ਸਾਲ ਇਸਦਾ ਦੂਜਾ ਸੀਜ਼ਨ ਰਿਲੀਜ਼ ਕੀਤਾ ਗਿਆ ਸੀ।
43 ਸਾਲ ਦੀ ਉਮਰ 'ਚ ਮਾਂ ਬਣਨ ਜਾ ਰਹੀ ਮਸ਼ਹੂਰ ਅਦਾਕਾਰਾ ! ਪੋਸਟ ਸ਼ੇਅਰ ਕਰ ਦਿੱਤੀ Good News
NEXT STORY 
