ਨਵੀਂ ਦਿੱਲੀ (ਬਿਊਰੋ) - ਨਵੇਂ ਸਾਲ ਦੇ ਮੌਕੇ ’ਤੇ ਸਿਤਾਰਿਆਂ ਵਲੋਂ ਪ੍ਰਸ਼ੰਸਕਾਂ ਨੂੰ ਸਰਪ੍ਰਾਈਜ਼ ਕਰਨ ਦਾ ਸਿਲਸਿਲਾ ਜਾਰੀ ਹੈ। ਡਾਇਰੈਕਟਰ ਅਲੀ ਅਬਾਸ ਜ਼ਫਰ ਦੇ ਵਿਆਹ ਤੋਂ ਬਾਅਦ ਹੁਣ ਗਾਇਕ ਗੁਰੂ ਰੰਧਾਵਾ ਨੇ ਵੀ ਮੰਗਣੀ ਕਰਵਾ ਲਈ ਹੈ। ਇਹ ਅਟਕਲਾਂ ਇਸ ਲਈ ਆ ਰਹੀਆਂ ਹਨ ਕਿਉਂਕਿ ਗੁਰੂ ਰੰਧਾਵਾ ਦੀ ਇਕ ਅਜਿਹੀ ਤਸਵੀਰ ਵਾਇਰਲ ਹੋ ਰਹੀ ਹੈ, ਜਿਸ ’ਚ ਉਹ ਕਿਸੇ ਮਿਸਟਰੀ ਗਰਲ ਨਾਲ ਕਾਫ਼ੀ ਖ਼ੁਸ਼ ਨਜ਼ਰ ਆ ਰਹੇ ਹਨ। ਤਸਵੀਰ ’ਚ ਲੜਕੀ ਦਾ ਚਿਹਰਾ ਤਾਂ ਨਹੀਂ ਨਜ਼ਰ ਆ ਰਿਹਾ ਪਰ ਰੰਧਾਵਾ ਦੇ ਹਾਵ-ਭਾਵ ਵੱਖਰੀ ਹੀ ਕਹਾਣੀ ਬਿਆਨ ਕਰ ਰਹੇ ਹਨ।
ਇਸ ਤਸਵੀਰ ਨੂੰ ਸਾਂਝਾ ਕਰਦਿਆਂ ਗੁਰੂ ਰੰਧਾਵਾ ਨੇ ਕਾਫ਼ੀ ਰੋਮਾਂਟਿਕ ਕੈਪਸ਼ਨ ਵੀ ਲਿਖੀ ਹੈ। ਉਨ੍ਹਾਂ ਨੇ ਕੈਪਸ਼ਨ ’ਚ ਲਿਖਿਆ ‘ਨਵਾਂ ਸਾਲ, ਨਵੀਂ ਸ਼ੁਰੂਆਤ।’ ਹੁਣ ਗੁਰੂ ਰੰਧਾਵਾ ਦਾ ਇਹ ਲਿਖਣਾ ਪ੍ਰਸ਼ੰਸਕਾਂ ਨੂੰ ਕਾਫ਼ੀ ਖ਼ੁਸ਼ ਕਰ ਰਿਹਾ ਹੈ। ਇਸ ਤੋਂ ਪਹਿਲਾਂ ਗਾਇਕ ਵਲੋਂ ਅਜਿਹੇ ਕੈਪਸ਼ਨ ਵੇਖਣ ਨੂੰ ਨਹੀਂ ਮਿਲਦੇ ਸਨ ਪਰ ਅਚਾਨਕ ਉਨ੍ਹਾਂ ਦਾ ਇੰਝ ਲਿਖਣਾ ਅਤੇ ਮਿਸਟਰੀ ਗਰਲ ਨਾਲ ਤਸਵੀਰ ਸਾਂਝਾ ਕਰਨਾ, ਸਾਰਿਆਂ ਨੂੰ ਬੇਸਬਰ ਕਰ ਰਿਹਾ ਹੈ।
ਸੋਸ਼ਲ ਮੀਡੀਆ ’ਤੇ ਜਦੋਂ ਤੋਂ ਇਹ ਤਸਵੀਰ ਵਾਇਰਲ ਹੋਈ ਹੈ, ਕਈ ਪ੍ਰਸ਼ੰਸਕ ਆਪਣੀ ਖ਼ੁਸ਼ੀ ਦਾ ਇਜ਼ਹਾਰ ਕਰ ਰਹੇ ਹਨ। ਕੋਈ ਇਸ ਨੂੰ ‘ਰੱਬ ਨੇ ਬਣਾ ਦੀ ਜੋੜੀ’ ਦੱਸ ਰਿਹਾ ਹੈ ਤੇ ਕੋਈ ਗਾਇਕ ਨੂੰ ਵਧਾਈਆਂ ਦੇ ਰਿਹਾ ਹੈ। ਉਂਝ ਇਹ ਸਾਰਾ ਸਸਪੈਂਸ ਤਾਂ ਖ਼ਤਮ ਹੋ ਜਾਂਦਾ ਜੇਕਰ ਗੁਰੂ ਰੰਧਾਵਾ ਅੱਗੇ ਆ ਕੇ ਸੱਚਾਈ ਦੱਸ ਦਿੰਦੇ ਪਰ ਹਾਲੇ ਤੱਕ ਉਨ੍ਹਾਂ ਨੇ ਕਿਸੇ ਵੀ ਕੁਮੈਂਟ ’ਤੇ ਪ੍ਰਤੀਕਿਰਿਆ ਨਹੀਂ ਦਿੱਤੀ।
ਦੱਸ ਦਈਏ ਕਿ ਨਵੇਂ ਸਾਲ ਦੇ ਮੌਕੇ ’ਤੇ ਗੁਰੂ ਰੰਧਾਵਾ ਦੀ ਇਹ ਤਸਵੀਰ ਜ਼ਰੂਰ ਸੁਰਖੀਆਂ ਬਟੋਰ ਰਹੀ ਹੈ ਪਰ ਕੁਝ ਦਿਨ ਪਹਿਲਾਂ ਉਨ੍ਹਾਂ ਦਾ ਇਕ ਪਾਰਟੀ ’ਚ ਜਾਣਾ ਵੀ ਕਾਫ਼ੀ ਖ਼ਬਰਾਂ ’ਚ ਰਿਹਾ ਸੀ। ਸੁਜੈਨ ਖ਼ਾਨ, ਸੁਰੇਸ਼ ਰੈਨ ਅਤੇ ਹੋਰ ਲੋਕਾਂ ਨਾਲ ਮੁੰਬਈ ’ਚ ਦੇਰ ਰਾਤ ਡਿਨਰ ’ਤੇ ਗਏ ਸਨ ਪਰ ਕੋਰੋਨਾ ਪ੍ਰੋਟੋਕਾਲ ਤੋੜਨ ਕਾਰਨ ਉਨ੍ਹਾਂ ਦੀ ਗਿ੍ਰਫ਼ਤਾਰੀ ਹੋ ਗਈ ਸੀ। ਹਾਲਾਂਕਿ ਬਾਅਦ ’ਚ ਉਨ੍ਹਾਂ ਨੂੰ ਛੱਡ ਵੀ ਦਿੱਤਾ ਗਿਆ ਸੀ।
ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਗੁਰੂ ਰੰਧਾਵਾ ਦਾ ਹਾਲ ਹੀ ’ਚ ਸੁਪਰਹਿੱਟ ਗੀਤ ‘ਨਾਚ ਮੇਰੀ ਰਾਨੀ’ ਰਿਲੀਜ਼ ਹੋਇਆ ਸੀ। ਉਸ ਗੀਤ ’ਚ ਨੋਰਾ ਫਤੇਹੀ ਦੀਆਂ ਅਦਾਵਾਂ ਨੇ ਸਾਰਿਆਂ ਨੂੰ ਨੱਚਣ ਲਈ ਮਜ਼ਬੂਰ ਕੀਤਾ।
ਨੋਟ- ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਫੜਿਆ ਗਿਆ ਅਮਿਤਾਭ ਬੱਚਨ ਦਾ ਝੂਠ, -33 ਡਿਗਰੀ ’ਚ ਸ਼ੂਟ ਕਰਨ ਦੀ ਆਖੀ ਸੀ ਗੱਲ
NEXT STORY 
