ਮੁੰਬਈ (ਬਿਊਰੋ)– ਬਾਲੀਵੁੱਡ ਅਦਾਕਾਰ ਜੌਨ ਅਬ੍ਰਾਹਮ ਨੇ ਆਪਣੀ ਆਗਾਮੀ ਫ਼ਿਲਮ ‘ਏਕ ਵਿਲੇਨ ਰਿਟਰਨਜ਼’ ’ਤੇ ਕੰਮ ਸ਼ੁਰੂ ਕਰ ਦਿੱਤਾ ਹੈ। ਜੌਨ ਨੇ ਫ਼ਿਲਮ ਦੇ ਸੈੱਟ ਤੋਂ ਇਕ ਤਸਵੀਰ ਸਾਂਝੀ ਕੀਤੀ ਹੈ, ਜਿਸ ’ਚ ਉਹ ਪੂਰੀ ਤਰ੍ਹਾਂ ਨਿਊਡ ਬੈਠੇ ਹੋਏ ਹਨ ਤੇ ਸ਼ੂਟ ਤੋਂ ਪਹਿਲਾਂ ਆਪਣੇ ਕੱਪੜਿਆਂ ਦੇ ਆਉਣ ਦੀ ਉਡੀਕ ਕਰ ਰਹੇ ਹਨ। ਹਾਲਾਂਕਿ ਇਹ ਸੈੱਟ ਦੀ ਕੋਈ ਸਾਧਾਰਨ ਤਸਵੀਰ ਨਹੀਂ ਹੈ। ਇਸ ਤਸਵੀਰ ’ਚ ਜੌਨ ਅਬ੍ਰਾਹਮ ਸਿਰਫ ਇਕ ਸਿਰ੍ਹਾਣੇ ਨਾਲ ਖੁਦ ਨੂੰ ਢਕਣ ਦੀ ਕੋਸ਼ਿਸ਼ ਕਰਦੇ ਨਜ਼ਰ ਆ ਰਹੇ ਹਨ।
ਜੌਨ ਸੋਫੇ ’ਤੇ ਬੈਠ ਕੇ ਕੈਮਰੇ ਵੱਲ ਦੇਖ ਕੇ ਮੁਸਕਰਾ ਰਹੇ ਹਨ ਤੇ ਉਨ੍ਹਾਂ ਨੇ ਆਪਣੀ ਗੋਦ ’ਚ ਇਕ ਸਫੈਦ ਸਿਰ੍ਹਾਣਾ ਰੱਖਿਆ ਹੋਇਆ ਹੈ। ਇਸ ਤਸਵੀਰ ਨੂੰ ਸਾਂਝੀ ਕਰਦਿਆਂ ਜੌਨ ਅਬ੍ਰਾਹਮ ਨੇ ਲਿਖਿਆ, ‘ਕੱਪੜਿਆਂ ਦੇ ਆਉਣ ਦਾ ਇੰਤਜ਼ਾਰ ਕਰ ਰਿਹਾ ਹਾਂ। ਸੈੱਟ ’ਤੇ ਮੇਰੀ ਜ਼ਿੰਦਗੀ।’
ਤਸਵੀਰ ਦੇਖ ਕੇ ਜੌਨ ਦੇ ਪ੍ਰਸ਼ੰਸਕ ਵੀ ਖੁਦ ਨੂੰ ਰੋਕ ਨਹੀਂ ਸਕੇ ਤੇ ਉਨ੍ਹਾਂ ਨੇ ਕੁਮੈਂਟ ਬਾਕਸ ’ਚ ਹਰ ਤਰ੍ਹਾਂ ਦੀ ਪ੍ਰਤੀਕਿਰਿਆ ਦਿੱਤੀ ਹੈ। ਕੁਝ ਘੰਟਿਆਂ ਅੰਦਰ ਹੀ ਇਸ ਤਸਵੀਰ ਨੂੰ ਲੱਖਾਂ ਲੋਕਾਂ ਵਲੋਂ ਲਾਈਕ ਕੀਤਾ ਜਾ ਚੁੱਕਾ ਹੈ।
ਜਿਥੇ ਕੁਝ ਲੋਕਾਂ ਨੇ ਜੌਨ ਦੀਆਂ ਇਹ ਤਸਵੀਰਾਂ ਦੇਖ ਕੇ ਉਸ ਦੇ ਮਸਲਜ਼ ਤੇ ਕਮਾਲ ਦੀ ਫਿਟਨੈੱਸ ਦੀ ਤਾਰੀਫ ਕੀਤੀ ਹੈ, ਉਥੇ ਕੁਝ ਅਜਿਹੇ ਵੀ ਹਨ, ਜਿਨ੍ਹਾਂ ਨੇ ਉਸ ਦੇ ਇਸ ਲੁੱਕ ’ਤੇ ਮਜ਼ੇ ਲਏ ਹਨ। ਇਕ ਯੂਜ਼ਰ ਨੇ ਲਿਖਿਆ, ‘ਭਰਾ ਕੱਪੜੇ ਕਿਥੇ ਗਏ?’ ਇਕ ਹੋਰ ਨੇ ਲਿਖਿਆ, ‘ਮੇਰਾ ਭਰਾ ਮਾਡਲ ਹੈ।’ ਇਸ ਤੋਂ ਇਲਾਵਾ ਤਮਾਮ ਯੂਜ਼ਰਸ ਨੇ ਫਾਇਰ ਤੇ ਦਿਲ ਵਾਲੇ ਇਮੋਜੀ ਬਣਾਉਂਦਿਆਂ ਅਮੇਜ਼ਿੰਗ, ਸੁਪਰ ਤੇ ਹੈਂਡਸਮ ਵਰਗੇ ਸ਼ਬਦ ਲਿਖ ਕੇ ਜੌਨ ਦੀ ਇਸ ਤਸਵੀਰ ’ਤੇ ਪ੍ਰਤੀਕਿਰਿਆ ਦਿੱਤੀ ਹੈ।
ਨੋਟ– ਜੌਨ ਅਬ੍ਰਾਹਮ ਦੀ ਇਸ ਤਸਵੀਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।
ਅਦਾਕਾਰ ਕਮਲ ਹਾਸਨ ਨੇ ਕੋਵਿਡ-19 ਟੀਕਾ ਲਗਵਾਇਆ
NEXT STORY 
