ਮੁੰਬਈ - ਮਸ਼ਹੂਰ ਕਾਮੇਡੀਅਨ ਕਪਿਲ ਸ਼ਰਮਾ ਅਕਸਰ ਆਪਣੇ ਚੁਟਕਲਿਆਂ ਨਾਲ ਲੋਕਾਂ ਨੂੰ ਹਸਾਉਂਦੇ ਹਨ, ਪਰ ਹਾਲ ਹੀ 'ਚ ਉਨ੍ਹਾਂ ਨੇ ਹੱਸਦੇ-ਹੱਸਦੇ ਗੈਂਗਸਟਰ ਬਿਸ਼ਨੋਈ ਗੈਂਗ 'ਤੇ ਇਕ ਅਜਿਹਾ ਤੰਜ ਕੱਸਿਆ ਹੈ ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਮੁੰਬਈ 'ਚ ਆਯੋਜਿਤ ਨੈੱਟਫਲਿਕਸ ਦੇ 'ਵਟਸ ਨੈਕਸਟ' ਇਵੈਂਟ ਦੌਰਾਨ ਕਪਿਲ ਦਾ ਇਹ ਬਿਆਨ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ।
ਇਸ ਇਵੈਂਟ 'ਚ ਜਦੋਂ ਨੈੱਟਫਲਿਕਸ ਇੰਡੀਆ ਦੀ ਸੀਈਓ ਮੋਨਿਕਾ ਸ਼ੇਰਗਿੱਲ ਨੇ ਕਪਿਲ ਨਾਲ ਲੰਬੀ ਸਾਂਝ ਦੀ ਤਾਰੀਫ਼ ਕਰਦਿਆਂ ਮਜ਼ਾਕ 'ਚ ਕਿਹਾ, "ਭਾਰਤ ਦੀ ਨਜ਼ਰ ਤਾਂ ਬਹੁਤ ਸਮੇਂ ਤੋਂ ਤੁਹਾਡੇ 'ਤੇ ਹੈ ਕਪਿਲ, ਉਮੀਦ ਹੈ ਕਿ 11 ਮੁਲਕਾਂ ਦੀ ਪੁਲਿਸ ਦੀ ਨਜ਼ਰ ਨਹੀਂ ਹੋਵੇਗੀ," ਤਾਂ ਕਪਿਲ ਨੇ ਆਪਣੇ ਖ਼ਾਸ ਅੰਦਾਜ਼ 'ਚ ਤੁਰੰਤ ਜਵਾਬ ਦਿੱਤਾ। ਉਨ੍ਹਾਂ ਕਿਹਾ, "ਇਕ-ਦੋ ਮੁਲਕਾਂ ਦੇ ਗੈਂਗਸਟਰ ਵੀ ਲੱਗੇ ਹੋਏ ਹਨ ਅੱਜਕੱਲ੍ਹ"। ਇਹ ਸੁਣਦੇ ਹੀ ਹਾਲ 'ਚ ਮੌਜੂਦ ਲੋਕਾਂ 'ਚ ਹਾਸਾ ਅਤੇ ਹੈਰਾਨੀ ਦੋਵੇਂ ਦੇਖਣ ਨੂੰ ਮਿਲੀ। ਕਪਿਲ ਨੂੰ ਤੁਰੰਤ ਅਹਿਸਾਸ ਹੋਇਆ ਕਿ ਇਹ ਗੱਲ ਸੰਵੇਦਨਸ਼ੀਲ ਹੋ ਸਕਦੀ ਹੈ, ਪਰ ਫਿਰ ਉਨ੍ਹਾਂ ਨੂੰ ਯਾਦ ਆਇਆ ਕਿ ਇਹ ਪ੍ਰੋਗਰਾਮ ਲਾਈਵ ਚੱਲ ਰਿਹਾ ਹੈ।
ਕੈਨੇਡਾ ਸਥਿਤ ਕੈਫੇ 'ਤੇ ਫਾਇਰਿੰਗ ਦਾ ਪਿਛੋਕੜ
ਕਪਿਲ ਸ਼ਰਮਾ ਦਾ ਇਹ ਬਿਆਨ ਉਸ ਪਿਛੋਕੜ 'ਚ ਆਇਆ ਹੈ ਜਦੋਂ ਜੁਲਾਈ 2025 'ਚ ਕੈਨੇਡਾ ਦੇ ਸਰੀ ਵਿਚ ਉਨ੍ਹਾਂ ਦੇ 'ਕੈਪਸ ਕੈਫੇ' 'ਤੇ ਫਾਇਰਿੰਗ ਦੀ ਘਟਨਾ ਵਾਪਰੀ ਸੀ। ਇਸ ਘਟਨਾ ਦੀ ਜ਼ਿੰਮੇਵਾਰੀ ਲਾਰੈਂਸ ਬਿਸ਼ਨੋਈ ਗੈਂਗ ਨਾਲ ਜੁੜੇ ਗੋਲਡੀ ਢਿੱਲੋਂ ਨੇ ਲਈ ਸੀ ਅਤੇ ਕਪਿਲ ਨੂੰ ਧਮਕੀ ਵੀ ਦਿੱਤੀ ਸੀ। ਦੱਸਣਯੋਗ ਹੈ ਕਿ ਸਾਲ 2025 ਵਿਚ ਕਪਿਲ ਦੇ ਕੈਫੇ 'ਤੇ ਤਿੰਨ ਵਾਰ (ਜੁਲਾਈ, ਅਗਸਤ ਅਤੇ ਅਕਤੂਬਰ) ਫਾਇਰਿੰਗ ਹੋਈ ਸੀ।
bਸੋਸ਼ਲ ਮੀਡੀਆ 'ਤੇ ਇਸ ਵੀਡੀਓ ਦੇ ਵਾਇਰਲ ਹੋਣ ਤੋਂ ਬਾਅਦ ਪ੍ਰਸ਼ੰਸਕ ਵੱਖ-ਵੱਖ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ। ਜਿੱਥੇ ਕੁਝ ਯੂਜ਼ਰਸ ਇਸ ਨੂੰ ਕਪਿਲ ਦੀ ਦਲੇਰੀ ਅਤੇ ਹਾਸੇ-ਮਜ਼ਾਕ ਵਜੋਂ ਦੇਖ ਰਹੇ ਹਨ, ਉੱਥੇ ਹੀ ਕੁਝ ਪ੍ਰਸ਼ੰਸਕ ਉਨ੍ਹਾਂ ਦੀ ਸੁਰੱਖਿਆ ਨੂੰ ਲੈ ਕੇ ਚਿੰਤਤ ਹਨ। ਇਕ ਯੂਜ਼ਰ ਨੇ ਲਿਖਿਆ, "ਭਾਈ, ਤੁਸੀਂ ਫਿਰ ਪੰਗਾ ਲੈ ਲਿਆ," ਜਦੋਂ ਕਿ ਦੂਜੇ ਨੇ ਸਾਵਧਾਨ ਕਰਦਿਆਂ ਪੁੱਛਿਆ ਕਿ ਉਹ ਅਜਿਹੇ ਸੰਵੇਦਨਸ਼ੀਲ ਮੁੱਦੇ 'ਤੇ ਚੁਟਕੀ ਕਿਉਂ ਲੈ ਰਹੇ ਹਨ।
'ਆਪ੍ਰੇਸ਼ਨ ਸਫੇਦ ਸਾਗਰ' ਦਾ ਟੀਜ਼ਰ ਆਊਟ: ਕਾਰਗਿਲ ਜੰਗ 'ਚ ਹਵਾਈ ਸੈਨਾ ਦੀ ਬਹਾਦਰੀ ਦਿਖਾਉਣਗੇ ਜੀਮੀ ਸ਼ੇਰਗਿੱਲ
NEXT STORY 
