ਚੰਡੀਗੜ੍ਹ (ਬਿਊਰੋ)– ਪੰਜਾਬੀ ਗਾਇਕ ਕਰਨ ਔਜਲਾ ਅੱਜ ਆਪਣਾ 24ਵਾਂ ਜਨਮਦਿਨ ਮਨਾ ਰਹੇ ਹਨ। ਕਰਨ ਔਜਲਾ ਦਾ ਜਨਮ 18 ਜਨਵਰੀ, 1997 ਨੂੰ ਲੁਧਿਆਣਾ ਦੇ ਪਿੰਡ ਘਰਾਲਾ ਵਿਖੇ ਹੋਇਆ। ਅੱਜ ਜਿਥੇ ਕਰਨ ਔਜਲਾ ਜਨਮਦਿਨ ਦੀ ਖੁਸ਼ੀ ਮਨਾ ਰਹੇ ਹਨ, ਉਥੇ ਉਨ੍ਹਾਂ ਨੂੰ ਵੱਡਾ ਝਟਕਾ ਲੱਗਾ ਹੈ। ਅਸਲ ’ਚ ਕਰਨ ਔਜਲਾ ਦਾ ਚਿਰਾਂ ਤੋਂ ਉਡੀਕਿਆ ਜਾਣ ਵਾਲਾ ਗੀਤ ‘ਹੁਕਮ’ ਆਨਲਾਈਨ ਲੀਕ ਹੋ ਗਿਆ ਹੈ।
ਯੂਟਿਊਬ ’ਤੇ ਅਨੇਕਾਂ ਚੈਨਲਾਂ ਵਲੋਂ ਕਰਨ ਔਜਲਾ ਦੇ ਲੀਕ ਹੋਏ ਗੀਤ ਨੂੰ ਅਪਲੋਡ ਕੀਤਾ ਜਾ ਚੁੱਕਾ ਹੈ। ਗੀਤ ਦੀ ਅਧਿਕਾਰਕ ਵੀਡੀਓ ਤਾਂ ਲੀਕ ਨਹੀਂ ਹੋਈ ਪਰ ਆਡੀਓ ਪੂਰੀ ਲੀਕ ਹੋ ਗਈ ਹੈ ਤੇ ਆਡੀਓ ਕੁਆਲਿਟੀ ਵੀ ਚੰਗੀ ਨਹੀਂ ਹੈ।
ਦੱਸਣਯੋਗ ਹੈ ਕਿ ਕਰਨ ਔਜਲਾ ਵਲੋਂ ਲੀਕ ਹੋਏ ਗੀਤ ‘ਹੁਕਮ’ ਦਾ ਪੋਸਟਰ ਅਗਸਤ ਮਹੀਨੇ ’ਚ ਸਾਂਝਾ ਕੀਤਾ ਗਿਆ ਸੀ। ਕਰਨ ਔਜਲਾ ਵਲੋਂ ਲਿਖੇ ਤੇ ਗਾਏ ਇਸ ਗੀਤ ਨੂੰ ਮਿਊਜ਼ਿਕ ਪਰੂਫ ਵਲੋਂ ਦਿੱਤਾ ਗਿਆ ਹੈ, ਜਦਕਿ ਵੀਡੀਓ ਸਾਗਰ ਦਿਓਲ ਵਲੋਂ ਬਣਾਈ ਗਈ ਹੈ। ਗੀਤ ਯੂਟਿਊਬ ’ਤੇ ਰਿਹਾਨ ਰਿਕਾਰਡਸ ਦੇ ਅਧਿਕਾਰਕ ਚੈਨਲ ’ਤੇ ਰਿਲੀਜ਼ ਹੋਣਾ ਸੀ ਪਰ ਕਰਨ ਔਜਲਾ ਦੇ ਜਨਮਦਿਨ ਮੌਕੇ ਇਹ ਗੀਤ ਕਿਸੇ ਵਲੋਂ ਲੀਕ ਕਰ ਦਿੱਤਾ ਗਿਆ।
ਇਸ ਗੀਤ ਨੂੰ ਕਿਸ ਵਲੋਂ ਲੀਕ ਕੀਤਾ ਗਿਆ ਹੈ, ਇਸ ਗੱਲ ਦਾ ਪਤਾ ਨਹੀਂ ਲੱਗ ਸਕਿਆ ਹੈ ਤੇ ਨਾ ਹੀ ਕਰਨ ਔਜਲਾ ਵਲੋਂ ਸੋਸ਼ਲ ਮੀਡੀਆ ’ਤੇ ਇਸ ਗੀਤ ਨੂੰ ਲੈ ਕੇ ਕੋਈ ਪ੍ਰਤੀਕਿਰਿਆ ਦਿੱਤੀ ਗਈ ਹੈ। ਕਰਨ ਔਜਲਾ ਇਨ੍ਹੀਂ ਦਿਨੀਂ ਗੋਆ ਵਿਖੇ ਹਨ ਤੇ ਉਥੇ ਹੀ ਆਪਣਾ ਜਨਮਦਿਨ ਮਨਾ ਰਹੇ ਹੈ, ਜਿਸ ਦੀਆਂ ਵੀਡੀਓਜ਼ ਤੇ ਤਸਵੀਰਾਂ ਕਰਨ ਔਜਲਾ ਦੇ ਸਨੈਪਚੈਟ ਅਕਾਊਂਟ ’ਤੇ ਦੇਖੀਆਂ ਜਾ ਸਕਦੀਆਂ ਹਨ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।
ਅਮਿਤਾਬ ਬੱਚਨ ਨੇ ਟਵੀਟ ਕਰਕੇ ਕਿਹਾ, ‘ਪੋਲੀਓ ਦੀ ਤਰ੍ਹਾਂ ਦੇਸ਼ ’ਚੋਂ ਕੋਰੋਨਾ ਵੀ ਹੋਵੇਗਾ ਖਤਮ’
NEXT STORY 
