ਮੁੰਬਈ : ਛੋਟੇ ਪਰਦੇ ਦੀਆਂ ਬੋਲਡ ਅਦਾਕਾਰਾਂ ਵਿਚ ਸਭ ਤੋਂ ਉੱਪਰ ਨਿਆ ਸ਼ਰਮਾ ਇਸ ਸਮੇਂ 'ਲਾਫਟਰ ਸ਼ੈੱਫ ਦਿ ਅਨਲਿਮਟਿਡ ਐਂਟਰਟੇਨਮੈਂਟ' ਸ਼ੋਅ ਵਿਚ ਨਜ਼ਰ ਆ ਰਹੀ ਹੈ। ਹਾਲ ਹੀ ਵਿਚ ਅਦਾਕਾਰਾ ਖਾਣਾ ਬਣਾਉਂਦੇ ਸਮੇਂ ਜਖ਼ਮੀ ਹੋ ਗਈ। ਦਰਅਸਲ, ਹਾਲ ਹੀ ਦੇ ਐਪੀਸੋਡ ਵਿਚ ਬੋਲਡ ਅਦਾਕਾਰਾ ਨਿਆ ਸ਼ਰਮਾ ਇੱਕ ਸ਼ੈਲਫ ਵਿਚ ਵੱਜਦੀ ਹੈ, ਜਿਸ ਤੋਂ ਬਾਅਦ ਉਸ ਨੂੰ ਸੱਟ ਲੱਗ ਜਾਂਦੀ ਹੈ। ਅਜਿਹੀ ਸਥਿਤੀ ਵਿਚ ਅਦਾਕਾਰਾ ਨੇ ਸਥਿਤੀ ਨੂੰ ਸੰਭਾਲਿਆ ਅਤੇ ਬਿਨਾਂ ਟਾਈਮ ਖਰਾਬ ਕੀਤੇ ਉਸ ਨੇ ਆਪਣੀ ਸੱਟ ਦਾ ਇਲਾਜ ਕੀਤਾ ਅਤੇ ਫਿਰ ਚੈਲੇਂਜ਼ ਵਿਚ ਹਿੱਸਾ ਲਿਆ ਅਤੇ ਦਿੱਤੇ ਗਏ ਟਾਸਕ ਨੂੰ ਪੂਰਾ ਕੀਤਾ।
ਇਹ ਖ਼ਬਰ ਵੀ ਪੜ੍ਹੋ - Breaking : ਪ੍ਰਸਿੱਧ ਪੰਜਾਬੀ ਅਦਾਕਾਰ ਦੀ ਹੋਈ ਮੌਤ, ਫ਼ਿਲਮ ਇੰਡਸਟਰੀ 'ਚ ਛਾਇਆ ਸੋਗ
ਇਸ ਬਾਰੇ ਨਿਆ ਸ਼ਰਮਾ ਨੇ ਕਿਹਾ, ''ਮੈਨੂੰ ਲੱਗਦਾ ਹੈ ਕਿ ਮੈਂ ਚੰਗੀ ਕੁੱਕ ਹਾਂ, ਮੈਂ ਖਾਣਾ ਬਣਾਉਂਦੇ ਸਮੇਂ ਹੋਣ ਵਾਲੀਆਂ ਛੋਟੀਆਂ-ਮੋਟੀਆਂ ਪਰੇਸ਼ਾਨੀਆਂ ਤੋਂ ਘਬਰਾਉਂਦੀ ਨਹੀਂ ਹਾਂ, ਜਦੋਂ ਫਰਾਇਡ ਕਰਦੇ ਸਮੇਂ ਮੇਰੇ 'ਤੇ ਥੋੜਾ ਜਿਹਾ ਤੇਲ ਡਿੱਗਿਆ ਤਾਂ ਮੈਂ ਉਸ ਨੂੰ ਆਪਣੇ 'ਤੇ ਹਾਵੀ ਨਹੀਂ ਹੋਣ ਦਿੱਤਾ। ਉਸ ਤੋਂ ਠੀਕ ਬਾਅਦ ਮੈਂ ਸੈਲਫ਼ ਨਾਲ ਟਕਰਾ ਗਈ। ਇਨ੍ਹਾਂ ਦੋਵਾਂ ਘਟਨਾਵਾਂ ਦੇ ਬਾਵਜੂਦ ਵੀ ਮੈਂ ਬਸ ਆਪਣਾ ਖਾਣਾ ਪੂਰਾ ਬਣਾਉਣਾ ਚਾਹੁੰਦੀ ਸੀ।'' ਆਪਣੀ ਗੱਲ ਨੂੰ ਜਾਰੀ ਰੱਖਦੇ ਹੋਏ ਉਸ ਨੇ ਅੱਗੇ ਕਿਹਾ, ''ਉਸ ਸਮੇਂ ਮੈਂ ਇਸ ਬਾਰੇ ਜ਼ਿਆਦਾ ਨਹੀਂ ਸੋਚਿਆ ਪਰ ਬਾਅਦ ਵਿਚ ਮੈਂ ਦੇਖਿਆ ਕਿ ਮੇਰੇ ਢਿੱਡ 'ਤੇ ਇਸ ਕਾਰਨ ਕਾਫ਼ੀ ਸਾਰੇ ਛਾਲੇ ਪੈ ਗਏ ਹਨ। ਇਹ ਖਾਣਾ ਬਣਾਉਣ ਦਾ ਇੱਕ ਹਿੱਸਾ ਹੈ। ਇਸ ਵਿਚ ਉਤਰਾਅ-ਚੜ੍ਹਾਅ ਆਉਂਦੇ ਰਹਿੰਦੇ ਹਨ। ਇਹ ਸਭ ਮਿਲ ਕੇ ਇੱਕ ਪਕਵਾਨ ਤਿਆਰ ਕਰਨ ਦੇ ਅਨੁਭਵ ਨੂੰ ਪੂਰਾ ਕਰਦੇ ਹਨ।'
ਦੱਸਣਯੋਗ ਹੈ ਕਿ 'ਲਾਫਟਰ ਸ਼ੈੱਫ ਦਾ ਅਨਲਿਮਟਿਡ ਐਂਟਰਟੇਨਮੈਂਟ' ਕਲਰਜ਼ 'ਤੇ ਪ੍ਰਸਾਰਿਤ ਹੁੰਦਾ ਹੈ। ਇਸ ਦੌਰਾਨ ਨਿਆ ਸ਼ਰਮਾ ਬਾਰੇ ਗੱਲ ਕਰੀਏ ਤਾਂ ਇਹ ਬੋਲਡ ਅਦਾਕਾਰਾ 'ਨਾਗਿਨ', 'ਜਮਾਈ ਰਾਜਾ', 'ਇੱਕ ਹਜ਼ਾਰੋਂ ਮੇਂ ਮੇਰੀ ਬਹਿਨਾ ਹੈ', 'ਖ਼ਤਰੋਂ ਕੇ ਖਿਲਾੜੀ' ਵਰਗੇ ਸ਼ਾਨਦਾਰ ਸੀਰੀਅਲਜ਼ ਲਈ ਜਾਣੀ ਜਾਂਦੀ ਹੈ। ਇਸ ਸਮੇਂ ਅਦਾਕਾਰਾ 'ਸੁਹਾਗਣ ਚੁੜੈਲ' ਵਿਚ ਆਪਣੇ ਕੰਮ ਨੂੰ ਲੈ ਕੇ ਸੁਰਖ਼ੀਆਂ ਬਟੋਰ ਰਹੀ ਹੈ। ਇਸ ਸੀਰੀਅਲ ਦੀ ਕਹਾਣੀ ਵਿਚ ਚੁੜੈਲ ਨੂੰ ਪਰਮ ਸ਼ਕਤੀ ਹਾਸਿਲ ਕਰਨ ਲਈ 16 ਸ਼ਿੰਗਾਰ ਸ਼ਕਤੀਆਂ ਨੂੰ ਪੂਰਾ ਕਰਨਾ ਹੋਵੇਗਾ ਅਤੇ ਉਸ ਦੀ 16ਵੀਂ ਸ਼ਕਤੀ ਸਿੰਦੂਰ ਹੈ। ਇਸ ਨੂੰ ਲੈਣ ਲਈ ਉਸ ਨੂੰ ਆਪਣੇ ਜੀਵਨ ਵਿਚ 16ਵੇਂ ਆਦਮੀ ਨੂੰ ਮਾਰਨਾ ਹੋਵੇਗਾ। ਸ਼ੋਅ 'ਸੁਹਾਗਣ ਚੁੜੈਲ' ਹਰ ਸੋਮਵਾਰ ਤੋਂ ਸ਼ਨੀਵਾਰ ਰਾਤ 10.30 ਵਜੇ ਕਲਰਜ਼ 'ਤੇ ਪ੍ਰਸਾਰਿਤ ਹੁੰਦਾ ਹੈ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਰੇਣੁਕਾਸਵਾਮੀ ਨੂੰ ਦਿੱਤੇ ਗਏ ਸਨ ਬਿਜਲੀ ਦੇ ਝਟਕੇ, ਜਾਂਚ ’ਚ ਹੋਇਆ ਖੁਲਾਸਾ
NEXT STORY 
