ਮੁੰਬਈ: ਬਾਲੀਵੁੱਡ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਦੀ ਜਾਇਦਾਦ ਕਰੋੜਾਂ ਰੁਪਏ ਹੈ। ਉਹ ਕਰੋੜਾਂ ਦੇ ਬੰਗਲੇ ਅਤੇ ਲਗਜ਼ਰੀ ਕਾਰਾਂ ਦੀ ਮਾਲਕ ਹੈ। ਸ਼ਿਲਪਾ ਕੋਲ ਕਈ ਲਗਜ਼ਰੀ ਗੱਡੀਆਂ, ਬੰਗਲੇ ਅਤੇ ਜਾਇਦਾਦਾਂ ਹਨ। ਰਿਪੋਟਰਸ ਦੇ ਮੁਤਾਬਕ ਸਾਲ 2021 ’ਚ ਸ਼ਿਲਪਾ ਦੀ ਨੈੱਟਵਰਥ 134 ਕਰੋੜ ਰੁਪਏ ਸੀ। ਸ਼ਿਲਪਾ ਸ਼ੈੱਟੀ ਦਾ ਦੁਬਈ 'ਚ ਇਕ ਘਰ ਹੈ ਜੋ ਉਨ੍ਹਾਂ ਨੂੰ ਪਤੀ ਰਾਜ ਕੁੰਦਰਾ ਨੇ ਗਿਫ਼ਟ ਕੀਤਾ ਸੀ।
ਹੁਣ ਇਕ ਵੈਨਿਟੀ ਵੈਨ ਵੀ ਉਨ੍ਹਾਂ ਦੇ ਕਲੈਕਸ਼ਨ ’ਚ ਸ਼ਾਮਲ ਹੋ ਗਈ ਹੈ। ਸ਼ਿਲਪਾ ਨੇ ਆਪਣੇ 47ਵੇਂ ਜਨਮਦਿਨ ’ਤੇ ਇਹ ਲਗਜ਼ਰੀ ਵੈਨਿਟੀ ਵੈਨ ਆਪਣੇ ਆਪ ਨੂੰ ਗਿਫ਼ਟ ਕੀਤੀ ਹੈ।
ਇਹ ਵੀ ਪੜ੍ਹੋ : ਬਾਲੀਵੁੱਡ ਦੀ ਨਵੀਂ ਹੌਟ ਜੋੜੀ ਬਣੀ ਵਰੁਣ ਅਤੇ ਕਿਆਰਾ, ‘RANGISARI’ ਗੀਤ ’ਚ ਨਜ਼ਰ ਆਏ ਇਕੱਠੇ
ਇਸ ਵੈਨਿਟੀ ਵੈਨ ’ਚ ਰਸੋਈ ਤੋਂ ਲੈ ਕੇ ਹੇਅਰ ਵਾਸ਼ ਸਟੇਸ਼ਨ ਤੱਕ ਵੀ ਹੈ।ਹਾਲ ਹੀ ’ਚ ਇਸ ਵੈਨਿਟੀ ਵੈਨ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ ਜਿਨ੍ਹਾਂ ਨੂੰ ਦੇਖ ਕੇ ਤੁਸੀਂ ਵੀ ਕਹੋਗੇ ਕਿ ਜ਼ਿੰਦਗੀ ਅਜਿਹੀ ਹੀ ਹੈ।
ਖਾਸ ਗੱਲ ਇਹ ਹੈ ਕਿ ਇਸ ਲਗਜ਼ਰੀ ਵੈਨਿਟੀ ਵੈਨ ’ਚ ਯੋਗਾ ਕਰਨ ਲਈ ਵੀ ਖਾਸ ਜਗ੍ਹਾ ਹੈ ਕਿਉਂਕਿ ਸ਼ਿਲਪਾ ਫਿਟਨੈੱਸ ਪ੍ਰਤੀ ਸੁਚੇਤ ਹੈ ਅਤੇ ਕਾਫੀ ਯੋਗਾ ਵੀ ਕਰਦੀ ਹੈ। ਇਸ ਲਈ ਉਸ ਨੇ ਆਪਣੀ ਵੈਨਿਟੀ ਵੈਨ ’ਚ ਇਸ ਵੱਸ ਖ਼ਾਸ ਧਿਆਨ ਦਿੱਤਾ ਹੈ।
ਇਹ ਵੀ ਪੜ੍ਹੋ : ਪ੍ਰਿਅੰਕਾ ਚੋਪੜਾ ਨੇ ਦਿਖਾਈ ਪਰਫ਼ੈਕਟ ਫ਼ਿਗਰ, ‘ਦੇਸੀ ਗਰਲ’ ਦੀ ਬੋਲਡਨੈੱਸ ਫਿਰ ਤੋਂ ਛਾਈ
ਵੈਨਿਟੀ ਵੈਨ ’ਚ ਇਕ ਡਰੈਸਿੰਗ ਟੇਬਲ ਵੀ ਹੈ ਜਿੱਥੇ ਅਦਾਕਾਰਾਂ ਆਰਾਮ ਨਾਲ ਸ਼ੂਟ ਲਈ ਤਿਆਰ ਹੋ ਸਕਦੀਆਂ ਹਨ ਅਤੇ ਮੇਕਅੱਪ ਕਰ ਸਕਦੀਆਂ ਹਨ। ਵੈਨਿਟੀ ਵੈਨ ’ਚ ਇਕ ਲੌਂਜ ਏਰੀਆ ਵੀ ਹੈ ਜਿੱਥੇ ਕੋਈ ਆਰਾਮ ਕਰ ਸਕਦਾ ਹੈ।
ਸ਼ਿਲਪਾ ਸ਼ੈੱਟੀ ਨੇ 90ਦੇ ਦਹਾਕੇ ’ਚ ਫ਼ਿਲਮਾਂ ’ਚ ਕਦਮ ਰੱਖਿਆ ਸੀ। ਸ਼ਾਹਰੁਖ਼ ਖ਼ਾਨ, ਸਲਮਾਨ ਖ਼ਾਨ ਅਤੇ ਅਕਸ਼ੈ ਕੁਮਾਰ ਵਰਗੇ ਕਲਾਕਾਰਾਂ ਦੇ ਨਾਲ ਹਿੱਟ ਫ਼ਿਲਮਾਂ ਦੇ ਚੁੱਕੀ ਹੈ। ਸ਼ਿਲਪਾ ਦਾ 8 ਜੂਨ ਨੂੰ ਜਨਮਦਿਨ ਆਉਦਾ ਹੈ। ਇਸ ਵਾਰ ਅਦਾਕਾਰਾ ਆਪਣਾ 47ਵਾਂ ਜਨਮਦਿਨ ਮਨਾ ਰਹੀ ਹੈ। ਇਸ ਉੱਮਰ ’ਚ ਵੀ ਉਹ ਆਪਣੀ ਫ਼ਿੱਟਨੈੱਸ ਅਤੇ ਬੋਲਡਨੈੱਸ ਨਾਲ ਹੋਰ ਅਦਾਕਾਰਾ ਨੂੰ ਮਾਤ ਦਿੰਦੀ ਹੈ।
ਇਸ ਤੋਂ ਇਲਾਵਾ ਉਹ ਇੰਟਰਨੈਸ਼ਨਲ ਰਿਐਲਿਟੀ ਸ਼ੋਅ ‘ਬਿਗ ਬ੍ਰਦਰ’ ’ਚ ਪਹੁੰਚੀ ਅਤੇ ਉਥੋਂ ਜਿੱਤ ਕੇ ਬਾਹਰ ਆਈ। ਉਦੋਂ ਤੋਂ ਲੈ ਕੇ ਅੱਜ ਤੱਕ ਉਸ ਨੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ। ਆਉਣ ਵਾਲੇ ਪ੍ਰੋਜੈਕਟ ਦੀ ਗੱਲ ਕਰੀਏ ਤਾਂ ਸ਼ਿਲਪਾ ਸ਼ੈੱਟੀ ਜਲਦ ਹੀ ਫ਼ਿਲਮ ‘ਨਿਕੰਮਾ’ ਅਤੇ ‘ਸੁਖੀ’ ’ਚ ਨਜ਼ਰ ਆਵੇਗੀ।
ਸਿੱਧੂ ਮੂਸੇ ਵਾਲਾ ਨੂੰ ਯਾਦ ਕਰ ਭਾਵੁਕ ਹੋਏ ਗੁਰਪ੍ਰੀਤ ਘੁੱਗੀ, ਕਿਹਾ- ‘ਤੂੰ ਸਾਡੀ ਪੱਗ ਨੂੰ...’
NEXT STORY 
