ਮੁੰਬਈ (ਏਜੰਸੀ)- 'ਪਰਫੈਕਟ ਫੈਮਿਲੀ' ਦੀ ਸ਼ਾਨਦਾਰ ਸਫਲਤਾ ਤੋਂ ਬਾਅਦ, ਨਿਰਮਾਤਾਵਾਂ ਨੇ ਅਧਿਕਾਰਤ ਤੌਰ 'ਤੇ ਐਲਾਨ ਕੀਤਾ ਹੈ ਕਿ ਇਹ ਹਿੱਟ ਡਿਜੀਟਲ ਸੀਰੀਜ਼ ਆਪਣੇ ਦੂਜੇ ਸੀਜ਼ਨ ਨਾਲ ਵਾਪਸ ਆਵੇਗੀ। ਇਹ ਸ਼ੋਅ, ਜਿਸਨੂੰ ਪੰਕਜ ਤ੍ਰਿਪਾਠੀ ਦਾ ਪਹਿਲਾ ਪ੍ਰੋਡਕਸ਼ਨ ਵੈਂਚਰ ਵੀ ਕਿਹਾ ਜਾਂਦਾ ਹੈ, ਦਰਸ਼ਕਾਂ ਨਾਲ ਸਫਲਤਾਪੂਰਵਕ ਜੁੜਿਆ ਹੋਇਆ ਹੈ ਅਤੇ ਯੂਟਿਊਬ 'ਤੇ ਮਹੱਤਵਪੂਰਨ ਵਿਊਅਰਸ਼ਿਪ ਅਤੇ ਪ੍ਰਸ਼ੰਸਾ ਪ੍ਰਾਪਤ ਕੀਤੀ ਹੈ। ਇਸ ਭਾਰੀ ਹੁੰਗਾਰੇ ਤੋਂ ਪ੍ਰੇਰਿਤ ਹੋ ਕੇ, ਟੀਮ ਹੁਣ ਬਹੁਤ ਜ਼ਿਆਦਾ ਉਡੀਕੇ ਜਾ ਰਹੇ ਸੀਜ਼ਨ 2 ਲਈ ਤਿਆਰੀ ਕਰ ਰਹੀ ਹੈ। ਨਿਰੰਤਰ ਪਿਆਰ ਲਈ ਧੰਨਵਾਦ ਪ੍ਰਗਟ ਕਰਦੇ ਹੋਏ, ਨਿਰਮਾਤਾ ਅਜੈ ਰਾਏ ਨੇ ਕਿਹਾ, "ਅਸੀਂ ਦਰਸ਼ਕਾਂ ਦੇ ਹੁੰਗਾਰੇ ਤੋਂ ਸੱਚਮੁੱਚ ਬਹੁਤ ਪ੍ਰਭਾਵਿਤ ਹਾਂ। ਮਾਨਸਿਕ ਸਿਹਤ ਵਰਗੇ ਵਿਸ਼ੇ ਨੂੰ, ਜਿਸ ਸਵੀਕ੍ਰਿਤੀ ਨਾਲ ਲੋਕਾਂ ਨੇ ਅਪਣਾਇਆ ਹੈ ਅਤੇ ਉਸ ਨਾਲ ਜਿਵੇਂ ਕਨੈਕਟ ਹੋਏ ਹਿ, ਉਹ ਬਹੁਤ ਉਤਸ਼ਾਹਜਨਕ ਹੈ। ਇਸ ਹੁੰਗਾਰੇ ਨੇ ਸਾਨੂੰ ਦੂਜੇ ਸੀਜ਼ਨ ਨਾਲ ਅੱਗੇ ਵਧਣ ਲਈ ਪ੍ਰੇਰਿਤ ਕੀਤਾ ਹੈ।
ਸਹਿ-ਨਿਰਮਾਤਾ ਅਤੇ ਪ੍ਰਸਿੱਧ ਅਦਾਕਾਰ ਪੰਕਜ ਤ੍ਰਿਪਾਠੀ, ਜਿਨ੍ਹਾਂ ਨੇ ਪਰਫੈਕਟ ਫੈਮਿਲੀ ਨਾਲ ਪ੍ਰੋਡਕਸ਼ਨ ਵਿੱਚ ਕਦਮ ਰੱਖਿਆ ਸੀ, ਸੀਜ਼ਨ 2 ਨੂੰ ਲੈ ਕੇ ਉਤਸ਼ਾਹਿਤ ਹਨ। ਉਨ੍ਹਾਂ ਕਿਹਾ, "ਪਰਫੈਕਟ ਫੈਮਿਲੀ ਨੂੰ ਮਿਲਿਆ ਜ਼ਬਰਦਸਤ ਹੁੰਗਾਰਾ ਦਿਲ ਨੂੰ ਛੂਹ ਲੈਣ ਵਾਲਾ ਰਿਹਾ ਹੈ। ਇਹ ਮੇਰਾ ਪਹਿਲਾ ਪ੍ਰੋਡਕਸ਼ਨ ਸੀ, ਅਤੇ ਜਿਸ ਤਰ੍ਹਾਂ ਦਰਸ਼ਕਾਂ ਨੇ ਕਹਾਣੀ ਅਤੇ ਇਸਦੇ ਸੰਦੇਸ਼ ਨੂੰ ਅਪਣਾਇਆ ਹੈ, ਉਹ ਮੇਰੇ ਲਈ ਬਹੁਤ ਮਾਇਨੇ ਰੱਖਦਾ ਹੈ। ਮੈਂ ਅਗਲੇ ਸੀਜ਼ਨ ਨੂੰ ਵੀ ਆਪਣਾ ਪੂਰਾ ਸਮਰਥਨ ਦਿੰਦੇ ਹੋਏ ਖੁਸ਼ ਹਾਂ। ਦਰਸ਼ਕਾਂ ਦੇ ਪਿਆਰ ਅਤੇ ਉਤਸ਼ਾਹ ਨੇ ਸਾਨੂੰ ਸੀਜ਼ਨ 2 ਦੀ ਯੋਜਨਾ ਬਣਾਉਣ ਲਈ ਪ੍ਰੇਰਿਤ ਕੀਤਾ ਹੈ, ਅਤੇ ਅਸੀਂ ਉਨ੍ਹਾਂ ਲਈ ਇੱਕ ਹੋਰ ਪ੍ਰਭਾਵਸ਼ਾਲੀ ਅਧਿਆਇ ਲਿਆਉਣ ਦੀ ਉਮੀਦ ਕਰਦੇ ਹਾਂ।"
ਪੰਜਾਬੀ ਗਾਇਕ ਜੌਰਡਨ ਸੰਧੂ ਦੇ ਘਰ ਆਈਆਂ ਖੁਸ਼ੀਆਂ, ਬਣੇ ਮੁੰਡੇ ਦੇ ਪਿਤਾ
NEXT STORY 
