ਜਲੰਧਰ (ਸੋਨੂੰ): ਬਸਤੀ ਗੁਜ਼ਾਂ ਵਿਚ ਸਥਿਤ ਸੈਲੂਨ ਵਿਚ ਗਾਹਕ ਅਤੇ ਸੈਲੂਨ ਮਾਲਕ ਵਿਚਾਲੇ ਵਿਵਾਦ ਹੋ ਗਿਆ। ਦੋਵਾਂ ਵਿਚ ਵਿਵਾਦ ਇੰਨਾ ਵੱਧ ਗਿਆ ਕਿ ਗੱਲ ਹੱਥੋਪਾਈ ਤਕ ਪਹੁੰਚ ਗਈ। ਇਸ ਘਟਨਾ ਦੀ ਸੀ.ਸੀ.ਟੀ.ਵੀ. ਫੁਟੇਜ ਵੀ ਸਾਹਮਣੇ ਆਈ ਹੈ। ਸੀ.ਸੀ.ਟੀ.ਵੀ. ਫੁਟੇਜ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਇਕ ਨੌਜਵਾਨ ਦੁਕਾਨ 'ਤੇ ਆ ਕੇ ਮਾਲਕ ਨਾਲ ਗੱਲਬਾਤ ਕਰਦਾ ਹੈ ਤੇ ਫ਼ਿਰ ਉਨ੍ਹਾਂ ਵਿਚ ਹੱਥੋਪਾਈ ਸ਼ੁਰੂ ਹੋ ਜਾਂਦੀ ਹੈ। ਹਾਲਾਂਕਿ ਹੋਰ ਗਾਹਕਾਂ ਵੱਲੋਂ ਦੋਵਾਂ ਵਿਚ ਬਚਾਅ ਕਰਵਾਇਆ ਗਿਆ, ਪਰ ਉਸ ਦੇ ਬਾਵਜੂਦ ਦੁਕਾਨਦਾਰ ਅਤੇ ਗਾਹਕ ਵਿਚ ਹੱਥੋਪਾਈ ਨਹੀਂ ਰੁਕਦੀ।
ਘਟਨਾ ਨੂੰ ਲੈ ਕੇ ਤਰੁਣ ਕੁਮਾਰ ਨੇ ਦੋਸ਼ ਲਗਾਇਆ ਹੈ ਕਿ ਉਹ ਕਟਿੰਗ ਕਰਾਉਣ ਲਈ VIP Salon ਦੇ ਚੱਕਰ ਕੱਟ ਰਿਹਾ ਸੀ, ਪਰ ਦੁਕਾਨਦਾਰ ਉਸ ਨੂੰ ਵਾਰ-ਵਾਰ ਟਾਲ ਰਹੇ ਸਨ। ਤਰੁਣ ਅਨੁਸਾਰ, ਜਦੋਂ ਉਹ ਦੁਬਾਰਾ ਦੁਕਾਨ 'ਤੇ ਗਿਆ, ਤਾਂ ਸੈਲੂਨ ਕਰਮਚਾਰੀਆਂ ਨੇ ਕਟਿੰਗ ਕਰਨ ਤੋਂ ਮਨਾ ਕਰ ਦਿੱਤਾ। ਉਸ ਨੇ ਕਿਹਾ ਕਿ ਉਸ ਨੇ ਵੀ ਪੈਸੇ ਦੇ ਕੇ ਕੰਮ ਕਰਵਾਉਣਾ ਹੈ, ਉਸ ਤੋਂ ਵਾਰ-ਵਾਰ ਚੱਕਰ ਕਿਉਂ ਕਟਵਾਏ ਜਾ ਰਹੇ ਹਨ। ਪੀੜਤ ਦਾ ਦੋਸ਼ ਹੈ ਕਿ ਉਸ ਦੇ ਜਾਣ ਤੋਂ ਬਾਅਦ ਉਸ ਨੂੰ ਸੈਲੂਨ ਦੇ ਮਾਲਕਾਂ ਵੱਲੋਂ ਲਗਾਤਾਰ ਫ਼ੋਨ ਕੀਤੇ ਗਏ ਅਤੇ ਗਾਲਾਂ ਕੱਢੀਆਂ ਗਈਆਂ। ਜਦੋਂ ਉਹ ਆਪਣੇ ਦੋਸਤਾਂ ਦੇ ਨਾਲ ਗੱਲ ਕਰਨ ਲਈ ਵਾਪਸ 'ਵੀ.ਆਈ.ਪੀ. ਸੈਲੂਨ' ਪਹੁੰਚਿਆ, ਤਾਂ ਉੱਥੇ ਮੌਜੂਦ ਤਿੰਨ-ਚਾਰ ਲੋਕਾਂ ਨੇ ਉਸ 'ਤੇ ਹਮਲਾ ਕਰ ਦਿੱਤਾ। ਪੀੜਤ ਨੇ ਦੱਸਿਆ ਕਿ ਹਮਲਾਵਰਾਂ ਨੇ ਸੈਲੂਨ ਵਿਚ ਇਸਤੇਮਾਲ ਹੋਣ ਵਾਲੇ ਉਸਤਰੇ ਨਾਲ ਉਸ ਦੀ ਗਰਦਨ ਅਤੇ ਸਰੀਰ ਦੇ ਹੋਰ ਹਿੱਸਿਆਂ 'ਤੇ ਵਾਰ ਕੀਤੇ। ਤਰੁਣ ਦਾ ਕਹਿਣਾ ਹੈ ਕਿ ਹਮਲਾ ਇੰਨਾ ਅਚਾਨਕ ਹੋਇਆ ਸੀ ਕਿ ਉਸ ਨੂੰ ਸੰਭਲਣ ਦਾ ਮੌਕਾ ਨਹੀਂ ਮਿਲਿਆ। ਹਮਲੇ ਤੋਂ ਬਾਅਦ ਉਸ ਨੂੰ ਤੁਰੰਤ ਸਥਾਨਕ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਉਸ ਦੇ ਜ਼ਖਮਾਂ 'ਤੇ ਟਾਂਕੇ ਲਗਾਏ ਗਏ ਹਨ।
ਦੂਜੇ ਪਾਸੇ ਸੈਲੂਨ ਮਾਲਕਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਤਰੁਣ ਨੂੰ ਇਹੋ ਕਿਹਾ ਸੀ ਕਿ ਉਹ ਪਹਿਲਾਂ ਦੁਕਾਨ 'ਤੇ ਬੈਠੇ ਲੋਕਾਂ ਦੀ ਹੀ ਕਟਿੰਗ ਕਰੇਗਾ। ਇਸ ਗੱਲ 'ਤੇ ਨੌਜਵਾਨ ਆਪਣੇ ਨਾਲ ਲੜਕੇ ਲੈ ਕੇ ਆਇਆ ਸੀ ਅਤੇ ਸੈਲੂਨ ਵਿਚ ਭੰਨ-ਤੋੜ ਦੀ ਕੋਸ਼ਿਸ਼ ਕੀਤੀ ਗਈ। ਫਿਲਹਾਲ, ਪੀੜਤ ਪੱਖ ਨੇ ਥਾਣੇ ਵਿਚ ਸ਼ਿਕਾਇਤ ਦਰਜ ਕਰਾਉਣ ਦੀ ਗੱਲ ਕਹੀ ਹੈ। ਪੁਲਸ ਹੁਣ ਦੋਵਾਂ ਪੱਖਾਂ ਦੇ ਬਿਆਨਾਂ ਅਤੇ ਸੀ.ਸੀ.ਟੀ.ਵੀ. ਫੁਟੇਜ ਦੇ ਅਧਾਰ 'ਤੇ ਮਾਮਲੇ ਦੀ ਜਾਂਚ ਕਰੇਗੀ ਤਾਂ ਜੋ ਸੱਚ ਸਾਹਮਣੇ ਆ ਸਕੇ।
ਪੰਜਾਬ: ਹੋਟਲ 'ਚ ਫੜੀਆਂ ਗਈਆਂ 7 ਬੰਗਾਲੀ ਕੁੜੀਆਂ, ਪੁਲਸ ਵੱਲੋਂ 5 ਕਰਮਚਾਰੀ ਗ੍ਰਿਫ਼ਤਾਰ
NEXT STORY 
