ਐਂਟਰਟੇਨਮੈਂਟ ਡੈਸਕ : ਪੰਜਾਬ ਅਤੇ ਪੰਜਾਬੀਅਤ ਦਾ ਰੁਤਬਾ ਬੁਲੰਦ ਕਰ ਰਹੇ ਸਟਾਰ ਗਾਇਕ ਦਿਲਜੀਤ ਦੋਸਾਂਝ ਦੀ ਸ਼ਾਨਦਾਰ ਗਾਇਕੀ ਦਾ ਜਾਦੂ ਵਿਸ਼ਵ ਭਰ 'ਚ ਦਰਸ਼ਕਾਂ ਦੇ ਸਿਰ ਚੜ੍ਹ ਬੋਲ ਰਿਹਾ ਹੈ, ਜਿੰਨ੍ਹਾਂ ਵੱਲੋਂ ਜਾਰੀ ਦਿਲ-ਲੂਮੀਨਾਟੀ ਟੂਰ ਭਾਰਤੀ ਇਤਿਹਾਸ 'ਚ ਸਭ ਤੋਂ ਵੱਧ ਵਿਕਣ ਵਾਲਾ ਕੰਸਰਟ ਈਵੈਂਟ ਬਣ ਗਿਆ ਹੈ। ਦੁਨੀਆਂ ਭਰ 'ਚ ਕਮਾਈ ਅਤੇ ਟਿਕਟਾਂ ਦੀ ਵਿਕਰੀ ਦੇ ਮਾਮਲੇ 'ਚ ਕੀਰਤੀਮਾਨ ਸਥਾਪਿਤ ਕਰਦੇ ਜਾ ਰਹੇ ਉਕਤ ਕੰਸਰਟ ਨੇ 07 ਲੱਖ 42 ਹਜ਼ਾਰ ਟਿਕਟਾਂ ਵਰਲਡ-ਵਾਈਡ ਵੇਚ ਕੇ ਕਿਸੇ ਭਾਰਤੀ ਗਾਇਕ ਦੇ ਪਹਿਲੇ 'ਦਿ ਬਿਗਿਸਟ ਗਲੋਬਲ ਟੂਰ' ਹੋਣ ਦਾ ਮਾਣ ਅਤੇ ਖਿਤਾਬ ਵੀ ਅਪਣੀ ਝੋਲੀ ਪਾ ਲਿਆ ਹੈ।
ਇਹ ਖ਼ਬਰ ਵੀ ਪੜ੍ਹੋ - ਦਿਲਜੀਤ ਦੋਸਾਂਝ ਕਾਰਨ ਪੰਜਾਬ ਸਰਕਾਰ ਹੋਵੇਗੀ ਮਾਲਾ-ਮਾਲ, ਜਾਣੋ ਕਿਵੇਂ
ਕੈਨੇਡਾ, ਨੌਰਥ ਅਮਰੀਕਾ, ਯੂਕੇ-ਯੂਰਪ, ਦੁਬਈ ਤੋਂ ਲੈ ਕੇ ਭਾਰਤ-ਭਰ ਦੇ ਸੰਗੀਤਕ ਗਲਿਆਰਿਆਂ ਤੱਕ ਧੂੰਮਾਂ ਪਾ ਰਹੇ ਦਿਲਜੀਤ ਦੇ ਉਕਤ ਵਰਲਡ ਸ਼ੋਅ ਦੀਆਂ ਅਹਿਮ ਪ੍ਰਾਪਤੀਆਂ ਵੱਲ ਨਜ਼ਰਸਾਨੀ ਕਰੀਏ ਤਾਂ ਕੈਨੇਡਾ, ਨੌਰਥ ਅਮਰੀਕਾ, ਯੂਕੇ ਤੋਂ ਭਾਰਤ ਤੱਕ ਦੇ ਸ਼ੋਅ ਕੁਝ ਹੀ ਘੰਟਿਆਂ 'ਚ ਵਿਕ ਗਏ।
ਇਹ ਖ਼ਬਰ ਵੀ ਪੜ੍ਹੋ - ਦਿਲਜੀਤ ਪਹੁੰਚੇ ਮਨਜਿੰਦਰ ਸਿਰਸਾ ਦੇ ਘਰ, ਪਰਿਵਾਰ ਨੇ ਕੀਤਾ ਸ਼ਾਹੀ ਸਵਾਗਤ ਤੇ ਲਾਇਆ ਹੱਸ ਕੇ ਗਲੇ
ਇਸੇ ਅਧੀਨ ਅਬੂ ਧਾਬੀ 'ਚ 30,000 ਟਿਕਟਾਂ ਵੇਚੀਆਂ ਗਈਆਂ, ਜੋ ਕਿ ਕਿਸੇ ਭਾਰਤੀ ਕਲਾਕਾਰ ਲਈ ਇੱਕ ਰਿਕਾਰਡ ਹੈ। ਉਕਤ ਲੜੀ ਦੇ ਮੱਦੇਨਜ਼ਰ ਹੀ ਮੁੰਬਈ ਵਿਖੇ ਸਾਹਮਣੇ ਆਏ ਕੰਸਰਟ ਦੀਆਂ ਟਿਕਟਾਂ 50 ਸਕਿੰਟਾਂ 'ਚ ਵਿਕ ਗਈਆਂ। ਹੈਰਾਨੀਜਨਕ ਤੱਥ ਇਹ ਵੀ ਰਿਹਾ ਕਿ ਟੂਰ ਨੇ ਪਹਿਲੇ ਪੜ੍ਹਾਅ ਦੀ ਹੀ ਸਫ਼ਲਤਾ ਅਧੀਨ ਗਾਇਕ ਲਈ ਅੰਦਾਜ਼ਨ 149.21 ਕਰੋੜ (ਲਗਭਗ $179 ਮਿਲੀਅਨ ਅਮਰੀਕੀ ਡਾਲਰ) ਕਮਾ ਲਏ, ਜੋ ਉਪਲੱਬਧੀ ਵੀ ਪਹਿਲੀ ਵਾਰ ਕਿਸੇ ਪੰਜਾਬੀ ਗਾਇਕ ਦੇ ਹਿੱਸੇ ਆਈ ਹੈ।
ਇਹ ਖ਼ਬਰ ਵੀ ਪੜ੍ਹੋ - ਗਾਇਕ ਬੱਬੂ ਮਾਨ ਨੇ ਡੱਲੇਵਾਲ ਦੀ ਸਿਹਤ ਨੂੰ ਲੈ ਕੇ ਦਿੱਤੀ ਵੱਡੀ ਅਪਡੇਟ
ਸੱਭਿਆਚਾਰਕ ਅਤੇ ਭਾਸ਼ਾਈ ਰੁਕਾਵਟਾਂ ਨੂੰ ਪਾਰ ਕਰ ਨਵੇਂ ਦਿਸਹਿੱਦੇ ਸਿਰਜ ਰਹੇ ਉਕਤ ਟੂਰ ਦੀ ਵਿਸ਼ਵਵਿਆਪੀ ਸਫ਼ਲਤਾ ਨੇ ਦਿਲਜੀਤ ਨੂੰ ਵਿਸ਼ਵ ਮੰਚ 'ਤੇ ਸਭ ਤੋਂ ਪ੍ਰਮੁੱਖ ਦੱਖਣੀ ਏਸ਼ੀਆਈ ਕਲਾਕਾਰ ਵਜੋਂ ਲਿਆ ਖੜਾ ਕੀਤਾ ਹੈ। ਭਾਰਤ ਭਰ 'ਚ ਹੀ 3 ਲੱਖ 30 ਹਜ਼ਾਰ ਵਿਕਾਉਣ ਵਾਲੇ ਉਕਤ ਟੂਰ ਦੀ ਇਸ ਸ਼ਾਨਮਤੀ ਕਾਮਯਾਬੀ ਨੇ ਦਿਲਜੀਤ ਨੂੰ ਸਰਵੋਤਮ ਅਤੇ ਅਜਿਹੇ ਸਰਵ-ਵਿਆਪੀ ਗਾਇਕ ਵਜੋਂ ਪ੍ਰਵਾਨਤਾ ਦੇਣ 'ਚ ਵੀ ਅਹਿਮ ਭੂਮਿਕਾ ਨਿਭਾਈ ਹੈ, ਜਿਸ ਨੂੰ ਹਰ ਭਾਸ਼ਾ ਅਤੇ ਖਿੱਤੇ ਨਾਲ ਜੁੜੇ ਲੋਕ ਸੁਣਨਾ ਅਤੇ ਵੇਖਣਾ ਪਸੰਦ ਕਰ ਰਹੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਦਿਲਜੀਤ ਪਹੁੰਚੇ ਮਨਜਿੰਦਰ ਸਿਰਸਾ ਦੇ ਘਰ, ਪਰਿਵਾਰ ਨੇ ਕੀਤਾ ਸ਼ਾਹੀ ਸਵਾਗਤ ਤੇ ਲਾਇਆ ਹੱਸ ਕੇ ਗਲੇ
NEXT STORY 
