ਮੁੰਬਈ- ਲੀਜੈਂਡਰੀ ਸੁਪਰਸਟਾਰ ਰਜਨੀਕਾਂਤ ਸ਼ੁੱਕਰਵਾਰ ਨੂੰ ਆਪਣਾ 75ਵਾਂ ਜਨਮਦਿਨ ਮਨਾ ਰਹੇ ਹਨ, ਜਿਸ ਨੂੰ ਦੇਸ਼ ਭਰ ਦੇ ਪ੍ਰਸ਼ੰਸਕਾਂ ਨੇ ਬੜੇ ਉਤਸ਼ਾਹ ਨਾਲ ਇੱਕ ਵੱਡੇ ਤਿਉਹਾਰ ਵਿੱਚ ਬਦਲ ਦਿੱਤਾ ਹੈ। ਪ੍ਰਸ਼ੰਸਕ ਆਪਣੇ ਐਕਟਰ ਦੇ ਸਫ਼ਰ ਅਤੇ ਸ਼ਾਨਦਾਰ ਸਟਾਈਲ ਦਾ ਸਨਮਾਨ ਕਰਦੇ ਹੋਏ ਨਜ਼ਰ ਆਏ ਹਨ।
ਇਸ ਦੌਰਾਨ ਤਮਿਲਨਾਡੂ ਦੇ ਮਦੁਰੈ ਵਿੱਚ ਇੱਕ ਪ੍ਰਸ਼ੰਸਕ ਕਾਰਤਿਕ ਦੀ ਭਗਤੀ ਨੇ ਸਭ ਦਾ ਧਿਆਨ ਖਿੱਚਿਆ ਹੈ। ਕਾਰਤਿਕ ਨੇ ਆਪਣੇ ਘਰ ਦੇ ਅੰਦਰ ਹੀ ਇੱਕ "ਰਜਨੀ ਮੰਦਰ" ਬਣਵਾਇਆ ਹੈ, ਜੋ ਉਨ੍ਹਾਂ ਦੀ ਡੂੰਘੀ ਸ਼ਰਧਾ ਦਾ ਪ੍ਰਤੀਕ ਹੈ।
300 ਕਿਲੋ ਦੀ ਮੂਰਤੀ ਦੀ ਪੂਜਾ
ਇਸ ਮੰਦਰ ਵਿੱਚ ਰਜਨੀਕਾਂਤ ਦੀ 300 ਕਿਲੋਗ੍ਰਾਮ ਦੀ ਮੂਰਤੀ ਸਥਾਪਿਤ ਹੈ। ਕਾਰਤਿਕ ਅਤੇ ਉਨ੍ਹਾਂ ਦੇ ਪਰਿਵਾਰ ਲਈ, ਰਜਨੀਕਾਂਤ ਸਿਰਫ਼ ਇੱਕ ਮਸ਼ਹੂਰ ਅਦਾਕਾਰ ਹੀ ਨਹੀਂ, ਬਲਕਿ ਇੱਕ ਅਧਿਆਤਮਿਕ ਹਸਤੀ ਹਨ।
ਐਕਟਰ ਦੇ ਜਨਮਦਿਨ ਤੋਂ ਇੱਕ ਦਿਨ ਪਹਿਲਾਂ ਵੀਰਵਾਰ ਨੂੰ, ਕਾਰਤਿਕ ਨੇ ਇਸ ਮੰਦਰ ਵਿੱਚ ਇੱਕ ਖਾਸ ਸੈਰੇਮਨੀ ਦਾ ਆਯੋਜਨ ਕੀਤਾ। ਇਸ ਮੌਕੇ ਕਮਰੇ ਨੂੰ ਸੁਪਰਸਟਾਰ ਦੀਆਂ 7,500 ਤਸਵੀਰਾਂ ਅਤੇ 75 ਭਾਸ਼ਾਵਾਂ ਵਿੱਚ ਬਰਥਡੇ ਪੋਸਟਰਾਂ ਨਾਲ ਸਜਾਇਆ ਗਿਆ ਸੀ। ਛੇ ਤਰ੍ਹਾਂ ਦੇ ਅਭਿਸ਼ੇਕ (ਧਾਰਮਿਕ ਇਸ਼ਨਾਨ) ਕੀਤੇ ਗਏ ਅਤੇ ਮੂਰਤੀ ਲਈ ਵਿਸ਼ੇਸ਼ ਪ੍ਰਾਰਥਨਾਵਾਂ ਸ਼ਾਮਲ ਸਨ। ਇਸ ਤੋਂ ਇਲਾਵਾ, ਉੱਤਰਕੋਸਮੰਗਈ ਮੰਦਰ ਤੋਂ ਇੱਕ ਖਾਸ ਕੈਸ਼ ਗਾਰਲੈਂਡ ਵੀ ਲਿਆਂਦੀ ਗਈ ਸੀ। ਪਰਿਵਾਰ ਨੇ ਸ਼ਰਧਾ ਨਾਲ ਪੂਜਾ-ਪਾਠ ਕੀਤਾ ਅਤੇ ਐਕਟਰ ਦੀ ਲੰਬੀ ਉਮਰ ਅਤੇ ਚੰਗੀ ਸਿਹਤ ਲਈ ਪ੍ਰਾਰਥਨਾ ਕੀਤੀ।
"100ਵਾਂ ਜਨਮਦਿਨ ਵੀ ਇੱਥੇ ਮਨਾਵਾਂਗੇ"
ਸੈਲੀਬ੍ਰੇਸ਼ਨ ਬਾਰੇ ਗੱਲ ਕਰਦਿਆਂ ਪ੍ਰਸ਼ੰਸਕ ਕਾਰਤਿਕ ਨੇ ਭਾਵੁਕ ਹੁੰਦਿਆਂ ਕਿਹਾ, "ਅਸੀਂ ਸੁਪਰਸਟਾਰ ਰਜਨੀਕਾਂਤ ਦੇ 75ਵੇਂ ਜਨਮਦਿਨ 'ਤੇ ਦਿਲੋਂ ਸ਼ੁਭਕਾਮਨਾਵਾਂ ਦਿੰਦੇ ਹਾਂ। ਅਸੀਂ ਪ੍ਰਾਰਥਨਾ ਕਰਦੇ ਹਾਂ ਕਿ ਉਨ੍ਹਾਂ ਨੂੰ ਲੰਬੀ, ਸ਼ਾਂਤੀਪੂਰਨ ਅਤੇ ਸਿਹਤਮੰਦ ਜ਼ਿੰਦਗੀ ਮਿਲੇ"।
ਕਾਰਤਿਕ ਨੇ ਅੱਗੇ ਉਮੀਦ ਜਤਾਈ ਕਿ "ਜਿਵੇਂ ਅੱਜ ਅਸੀਂ ਸ਼ਰਧਾ ਨਾਲ ਉਨ੍ਹਾਂ ਦਾ ਜਨਮਦਿਨ ਮਨਾਇਆ ਹੈ, ਉਮੀਦ ਕਰਦੇ ਹਾਂ ਕਿ ਇਸੇ ਰਜਨੀ ਮੰਦਰ ਵਿੱਚ ਉਨ੍ਹਾਂ ਦਾ 100ਵਾਂ ਜਨਮਦਿਨ ਮਨਾਵਾਂਗੇ"।
ਇਸ ਦੌਰਾਨ ਰਜਨੀਕਾਂਤ ਦੀ ਇੱਕ ਝਲਕ ਪਾਉਣ ਦੀ ਉਮੀਦ ਵਿੱਚ ਕਈ ਪ੍ਰਸ਼ੰਸਕ ਉਨ੍ਹਾਂ ਦੇ ਚੇਨਈ ਸਥਿਤ ਘਰ ਦੇ ਬਾਹਰ ਵੀ ਵਿਸ਼ੇਸ਼ ਪੋਸਟਰਾਂ, ਪੋਰਟਰੇਟਸ ਅਤੇ ਗਿਫਟਸ ਦੇ ਨਾਲ ਇਕੱਠੇ ਹੋਏ।
ਸਿੱਧੂ ਮੂਸੇਵਾਲਾ ਦੀ ਮਾਂ ਚਰਨ ਕੌਰ ਵੱਲੋਂ ਈਸਾਈ ਭਾਈਚਾਰੇ ਨੂੰ ਲੀਗਲ ਨੋਟਿਸ: ਜਨਤਕ ਮਾਫੀ ਤੇ 10 ਲੱਖ ਰੁਪਏ ਦੀ ਮੰਗ
NEXT STORY 
