ਮੁੰਬਈ (ਏਜੰਸੀ)- ਬਾਲੀਵੁੱਡ ਸਟਾਰ ਰਣਵੀਰ ਸਿੰਘ ਦੀ ਫਿਲਮ 'ਧੁਰੰਦਰ' ਨੇ 7 ਦਿਨਾਂ ਵਿੱਚ ਭਾਰਤੀ ਬਾਜ਼ਾਰ ਵਿੱਚ 207 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕਰ ਲਈ ਹੈ। ਰਣਵੀਰ ਸਿੰਘ ਦੇ ਨਾਲ ਫਿਲਮ ਵਿਚ ਅਕਸ਼ੈ ਖੰਨਾ, ਸੰਜੇ ਦੱਤ, ਆਰ. ਮਾਧਵਨ ਅਤੇ ਅਰਜੁਨ ਰਾਮਪਾਲ ਵੀ ਹਨ। ਇਹ ਹਾਈ-ਓਕਟੇਨ ਐਕਸ਼ਨ-ਥ੍ਰਿਲਰ ਆਦਿਤਿਆ ਧਰ ਦੁਆਰਾ ਲਿਖੀ, ਨਿਰਦੇਸ਼ਿਤ ਅਤੇ ਨਿਰਮਿਤ ਹੈ, ਅਤੇ ਜੋਤੀ ਦੇਸ਼ਪਾਂਡੇ ਅਤੇ ਲੋਕੇਸ਼ ਧਰ ਦੁਆਰਾ ਨਿਰਮਿਤ ਹੈ। ਜੀਓ ਸਟੂਡੀਓ ਦੁਆਰਾ ਪੇਸ਼ ਕੀਤੀ ਗਈ, ਬੀ62 ਸਟੂਡੀਓ ਦੁਆਰਾ ਨਿਰਮਿਤ ਅਤੇ ਸਾਰੇਗਾਮਾ ਦੇ ਸਹਿਯੋਗ ਨਾਲ, 'ਧੁਰੰਦਰ' ਭਾਰਤ ਵਿੱਚ ਲਗਭਗ 5,000 ਸਕ੍ਰੀਨਾਂ 'ਤੇ ਰਿਲੀਜ਼ ਹੋਈ ਹੈ। 'ਧੁਰੰਦਰ' ਨੂੰ ਆਲੋਚਕਾਂ ਅਤੇ ਦਰਸ਼ਕਾਂ ਤੋਂ ਜ਼ਬਰਦਸਤ ਹੁੰਗਾਰਾ ਮਿਲਿਆ, ਜਿਸਦਾ ਫਿਲਮ ਦੇ ਕਲੈਕਸ਼ਨ 'ਤੇ ਵੀ ਅਸਰ ਪਿਆ ਹੈ।
ਫਿਲਮ ਬਾਕਸ ਆਫਿਸ 'ਤੇ ਧਮਾਲ ਮਚਾ ਰਹੀ ਹੈ। ਧੁਰੰਦਰ ਦੀ ਖਾਸ ਗੱਲ ਇਹ ਹੈ ਕਿ ਰਣਵੀਰ ਸਿੰਘ ਅਤੇ ਅਕਸ਼ੈ ਖੰਨਾ ਦੇ ਕਿਰਦਾਰਾਂ ਨੂੰ ਸਭ ਤੋਂ ਵੱਧ ਪਸੰਦ ਕੀਤਾ ਜਾ ਰਿਹਾ ਹੈ। ਸੈਕਨੀਲਕ ਦੀ ਰਿਪੋਰਟ ਦੇ ਅਨੁਸਾਰ, ਫਿਲਮ 'ਧੁਰੰਦਰ' ਨੇ ਪਹਿਲੇ ਦਿਨ ਭਾਰਤੀ ਬਾਜ਼ਾਰ ਵਿੱਚ 28 ਕਰੋੜ ਰੁਪਏ, ਦੂਜੇ ਦਿਨ 32 ਕਰੋੜ ਰੁਪਏ, ਤੀਜੇ ਦਿਨ 43 ਕਰੋੜ ਰੁਪਏ, ਚੌਥੇ ਦਿਨ 23.25 ਰੁਪਏ, ਪੰਜਵੇਂ ਦਿਨ 27 ਕਰੋੜ ਰੁਪਏ ਅਤੇ ਛੇਵੇਂ ਦਿਨ 27 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਸੈਕਨੀਲਕ ਦੀ ਸ਼ੁਰੂਆਤੀ ਰਿਪੋਰਟ ਦੇ ਅਨੁਸਾਰ, ਫਿਲਮ 'ਧੁਰੰਦਰ' ਨੇ ਸੱਤਵੇਂ ਦਿਨ 27 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਹੈ। ਇਸ ਤਰ੍ਹਾਂ, ਫਿਲਮ 'ਧੁਰੰਦਰ' ਨੇ 7 ਦਿਨਾਂ ਵਿੱਚ ਭਾਰਤੀ ਬਾਜ਼ਾਰ ਵਿੱਚ 207 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕਰ ਲਈ ਹੈ।
ਕਾਰਤਿਕ ਤੇ ਅਨੰਨਿਆ ਨੇ ਕੀਤੀ ‘ਤੂੰ ਮੇਰੀ ਮੈਂ ਤੇਰਾ, ਮੈਂ ਤੇਰਾ ਤੂੰ ਮੇਰੀ’ ਦੀ ਪ੍ਰਮੋਸ਼ਨ
NEXT STORY 
