ਮੁੰਬਈ (ਬਿਊਰੋ)– ਰਸ਼ਮੀਕਾ ਮੰਦਾਨਾ ਇਨ੍ਹੀਂ ਦਿਨੀਂ ਸਾਊਥ ਸੁਪਰਸਟਾਰ ਵਿਜੇ ਦੇਵਰਕੋਂਡਾ ਨਾਲ ਆਪਣੀ ਮੰਗਣੀ ਨੂੰ ਲੈ ਕੇ ਸੁਰਖ਼ੀਆਂ ’ਚ ਹੈ। ‘ਐਨੀਮਲ’ ਦੀ ਅਦਾਕਾਰਾ ਰਸ਼ਮਿਕਾ ਤੇ ਵਿਜੇ ਵਿਚਾਲੇ ਲੰਬੇ ਸਮੇਂ ਤੋਂ ਰਿਲੇਸ਼ਨਸ਼ਿਪ ਦੀਆਂ ਖ਼ਬਰਾਂ ਆ ਰਹੀਆਂ ਹਨ। ਇਕ ਇੰਟਰਵਿਊ ਦੌਰਾਨ ਰਣਬੀਰ ਕਪੂਰ ਨੇ ਵਿਜੇ ਦੇਵਰਕੋਂਡਾ ਦੇ ਨਾਂ ’ਤੇ ਰਸ਼ਮਿਕਾ ਦੀ ਲੱਤ ਖਿੱਚੀ ਸੀ। ਹੁਣ ਉਨ੍ਹਾਂ ਦੀ ਮੰਗਣੀ ਦੀਆਂ ਖ਼ਬਰਾਂ ਜ਼ੋਰ ਫੜ ਰਹੀਆਂ ਹਨ ਪਰ ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਇਸ ਤੋਂ ਪਹਿਲਾਂ ਵੀ ਰਸ਼ਮਿਕਾ ਨੇ ਇਕ ਵਾਰ ਮੰਗਣੀ ਕੀਤੀ ਸੀ। 22 ਸਾਲ ਦੀ ਉਮਰ ’ਚ ਰਸ਼ਮਿਕਾ ਨੇ ਆਪਣੇ ਤੋਂ 14 ਸਾਲ ਵੱਡੇ ਅਦਾਕਾਰ ਰਕਸ਼ਿਤ ਸ਼ੈੱਟੀ ਨਾਲ ਵਿਆਹ ਕਰਨ ਦਾ ਫ਼ੈਸਲਾ ਕੀਤਾ ਸੀ। ਹਾਲਾਂਕਿ ਇਹ ਮੰਗਣੀ ਟੁੱਟ ਗਈ ਸੀ। ਆਓ ਜਾਣਦੇ ਹਾਂ ਇਸ ਪਿਆਰ, ਮੰਗਣੀ ਤੇ ਦਿਲ ਟੁੱਟਣ ਦੀ ਪੂਰੀ ਕਹਾਣੀ–
ਇਹ ਖ਼ਬਰ ਵੀ ਪੜ੍ਹੋ : ਅਦਾਕਾਰ ਯਸ਼ ਦੇ ਜਨਮਦਿਨ ਨੂੰ ਯਾਦਗਰ ਬਣਾਉਣ ਦੇ ਚੱਕਰ 'ਚ 3 ਲੋਕਾਂ ਦੀ ਮੌਤ, ਪੜ੍ਹੋ ਪੂਰੀ ਖ਼ਬਰ
2016 ’ਚ ਕੀਤੀ ਕਰੀਅਰ ਦੀ ਸ਼ੁਰੂਆਤ
ਰਸ਼ਮਿਕਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਸਾਲ 2016 ’ਚ ਫ਼ਿਲਮ ‘ਕ੍ਰਿਕ ਪਾਰਟੀ’ ਨਾਲ ਕੀਤੀ ਸੀ। ਰਕਸ਼ਿਤ ਸ਼ੈੱਟੀ ਇਸ ਫ਼ਿਲਮ ’ਚ ਰਸ਼ਮਿਕਾ ਦੇ ਆਨਸਕ੍ਰੀਨ ਹੀਰੋ ਸਨ। ਰਸ਼ਮਿਕਾ ਦੀ ਰਕਸ਼ਿਤ ਸ਼ੈੱਟੀ ਨਾਲ ਪਹਿਲੀ ਫ਼ਿਲਮ ਸੁਪਰਹਿੱਟ ਰਹੀ ਸੀ। ਇਸ ਤੋਂ ਪਹਿਲਾਂ 2014 ’ਚ ਰਸ਼ਮਿਕਾ ਨੇ ਆਪਣੇ ਕਾਲਜ ਦੇ ਦਿਨਾਂ ’ਚ ‘ਟਾਈਮਜ਼ ਫਰੈੱਸ਼ ਫੇਸ’ ਦਾ ਖਿਤਾਬ ਜਿੱਤਿਆ ਸੀ। ਇਸ ਤੋਂ ਬਾਅਦ ਰਸ਼ਮਿਕਾ ਨੂੰ ਮਾਡਲਿੰਗ ਦੇ ਆਫਰ ਮਿਲਣ ਲੱਗੇ।
ਦੋਸਤ ਬਣੇ ਤੇ ਫਿਰ ਪਿਆਰ ਹੋਇਆ
ਇਸ ਦੌਰਾਨ ਰਸ਼ਮਿਕਾ ਦੀ ਮੁਲਾਕਾਤ ਰਕਸ਼ਿਤ ਸ਼ੈੱਟੀ ਨਾਲ ਹੋਈ ਤੇ ਉਨ੍ਹਾਂ ਨੇ ਰਸ਼ਮਿਕਾ ਨੂੰ ਆਪਣੀ ਫ਼ਿਲਮ ’ਚ ਕਾਸਟ ਕੀਤਾ। ਪਹਿਲੀ ਫ਼ਿਲਮ ਦੇ ਸੁਪਰਹਿੱਟ ਹੋਣ ਤੋਂ ਬਾਅਦ ਰਸ਼ਮਿਕਾ ਦੇ ਕਰੀਅਰ ਦਾ ਰਾਹ ਖੁੱਲ੍ਹ ਗਿਆ। ਰਸ਼ਮਿਕਾ ਨੇ ਸਕ੍ਰੀਨ ’ਤੇ ਆਪਣੇ ਆਨਸਕ੍ਰੀਨ ਹੀਰੋ ਨਾਲ ਰੋਮਾਂਸ ਕੀਤਾ ਤੇ ਅਸਲ ਜ਼ਿੰਦਗੀ ’ਚ ਵੀ ਉਸ ਦਾ ਦਿਲ ਧੜਕਨ ਲੱਗਾ। ਰਸ਼ਮਿਕਾ ਤੇ ਰਕਸ਼ਿਤ ਦੋਸਤ ਬਣ ਗਏ ਤੇ ਪਿਆਰ ’ਚ ਪੈ ਗਏ।
2017 ’ਚ ਕੀਤੀ ਮੰਗਣੀ
ਕਰੀਬ ਇਕ ਸਾਲ ਤਕ ਰਿਲੇਸ਼ਨਸ਼ਿਪ ’ਚ ਰਹਿਣ ਤੋਂ ਬਾਅਦ ਰਸ਼ਮਿਕਾ ਨੇ ਆਪਣੇ ਤੋਂ 14 ਸਾਲ ਵੱਡੇ ਰਕਸ਼ਿਤ ਸ਼ੈੱਟੀ ਨਾਲ ਵਿਆਹ ਕਰਨ ਦਾ ਫ਼ੈਸਲਾ ਕੀਤਾ। ਸਾਲ 2017 ’ਚ ਦੋਵਾਂ ਨੇ ਇਕ ਫੰਕਸ਼ਨ ’ਚ ਮੰਗਣੀ ਦੀਆਂ ਰਸਮਾਂ ਵੀ ਪੂਰੀਆਂ ਕੀਤੀਆਂ ਸਨ। ਇਸ ਦੀਆਂ ਤਸਵੀਰਾਂ ਅੱਜ ਵੀ ਮੀਡੀਆ ’ਚ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਰਸ਼ਮਿਕਾ ਨੇ ਖ਼ੁਦ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ’ਤੇ ਰਕਸ਼ਿਤ ਸ਼ੈੱਟੀ ਦੀ ਇਕ ਤਸਵੀਰ ਸਾਂਝੀ ਕੀਤੀ ਤੇ ਲਿਖਿਆ ਕਿ ਪਰਿਵਾਰ ’ਚ ਤੁਹਾਡਾ ਸੁਆਗਤ ਹੈ।
ਝਗੜੇ ਦੀਆਂ ਖ਼ਬਰਾਂ
ਹਾਲਾਂਕਿ ਮੰਗਣੀ ਤੋਂ ਕੁਝ ਦਿਨ ਬਾਅਦ ਹੀ ਦੋਵਾਂ ਵਿਚਾਲੇ ਝਗੜਾ ਹੋਣ ਦੀਆਂ ਖ਼ਬਰਾਂ ਆਈਆਂ ਸਨ। ਵਿਆਹ ਤੋਂ ਪਹਿਲਾਂ ਹੀ ਉਨ੍ਹਾਂ ਦਾ ਪਿਆਰ ਟੁੱਟਣ ਲੱਗਾ। ਰਸ਼ਮਿਕਾ ਤੇ ਰਕਸ਼ਿਤ ਵਿਚਕਾਰ ਤਕਰਾਰ ਹੋ ਗਈ ਤੇ ਦੋਵਾਂ ਨੇ ਰਿਸ਼ਤਾ ਖ਼ਤਮ ਕਰਨ ਦਾ ਫ਼ੈਸਲਾ ਕੀਤਾ।
ਵਿਜੇ ਦੇਵਰਕੋਂਡਾ ਨਾਲ ਮੰਗਣੀ ਦੀਆਂ ਖ਼ਬਰਾਂ
ਰਕਸ਼ਿਤ ਸ਼ੈੱਟੀ ਦੱਖਣੀ ਫ਼ਿਲਮ ਇੰਡਸਟਰੀ ਦੇ ਇਕ ਸ਼ਕਤੀਸ਼ਾਲੀ ਅਦਾਕਾਰ ਤੇ ਫ਼ਿਲਮ ਨਿਰਮਾਤਾ ਵੀ ਹਨ। ਰਕਸ਼ਿਤ ਨੇ ਕਈ ਸ਼ਾਨਦਾਰ ਫ਼ਿਲਮਾਂ ਬਣਾਈਆਂ ਹਨ। ਬ੍ਰੇਕਅੱਪ ਤੋਂ ਬਾਅਦ ਰਸ਼ਮਿਕਾ ਨੇ ਬਾਲੀਵੁੱਡ ਦਾ ਸਫਰ ਤੈਅ ਕੀਤਾ ਤੇ ਰਕਸ਼ਿਤ ਦੱਖਣੀ ਫ਼ਿਲਮਾਂ ’ਚ ਰੁੱਝ ਗਏ। ਉਨ੍ਹਾਂ ਦਾ ਰਿਸ਼ਤਾ ਟੁੱਟਣ ਤੋਂ ਬਾਅਦ ਰਸ਼ਮਿਕਾ ਦੇ ਵਿਜੇ ਦੇਵਰਕੋਂਡਾ ਨਾਲ ਰਿਸ਼ਤੇ ਦੀਆਂ ਖ਼ਬਰਾਂ ਸਾਹਮਣੇ ਆਉਣੀਆਂ ਸ਼ੁਰੂ ਹੋ ਗਈਆਂ। ਹੁਣ ਰਸ਼ਮਿਕਾ ਤੇ ਵਿਜੇ ਦੀ ਮੰਗਣੀ ਦੀਆਂ ਖ਼ਬਰਾਂ ਸੁਰਖ਼ੀਆਂ ਬਣ ਰਹੀਆਂ ਹਨ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਇਨ੍ਹਾਂ ਖ਼ਬਰਾਂ ’ਚ ਕਿੰਨੀ ਸੱਚਾਈ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਬਿੱਗ ਬੌਸ 17 : ਅੰਕਿਤਾ ਦੀ ਮਾਂ ਨੇ ਵਿੱਕੀ ਜੈਨ ਨਾਲ ਕੀਤੀਆਂ ਗੰਭੀਰ ਗੱਲਾਂ, ਕਿਹਾ– ‘ਤੁਸੀਂ ਨਹੀਂ ਸਮਝ ਰਹੇ...’
NEXT STORY 
