ਐਂਟਰਟੇਨਮੈਂਟ ਡੈਸਕ - ਬਾਲੀਵੁੱਡ ਦੀ ਪ੍ਰਸਿੱਧ ਕਲਾਸੀਕਲ ਗਾਇਕਾ ਪ੍ਰਭਾ ਅਤਰੇ ਦਾ ਦਿਹਾਂਤ ਹੋ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਦੀ ਉਮਰ 92 ਸਾਲ ਸੀ। ਖ਼ਬਰਾਂ ਮੁਤਾਬਕ, ਪ੍ਰਭਾ ਅਤਰੇ ਨੂੰ ਅੱਜ ਯਾਨੀਕਿ ਸ਼ਨੀਵਾਰ ਸਵੇਰੇ ਪੁਣੇ ‘ਚ ਦਿਲ ਦਾ ਦੌਰਾ ਪਿਆ। ਇਸ ਮਗਰੋਂ ਪਰਿਵਾਰਕ ਮੈਂਬਰ ਤੁਰੰਤ ਉਨ੍ਹਾਂ ਨੂੰ ਦੀਨਾਨਾਥ ਮੰਗੇਸ਼ਕਰ ਹਸਪਤਾਲ ਲੈ ਗਏ ਪਰ ਰਸਤੇ 'ਚ ਹੀ ਉਨ੍ਹਾਂ ਦੀ ਮੌਤ ਹੋ ਗਈ।
ਇਹ ਖ਼ਬਰ ਵੀ ਪੜ੍ਹੋ : ਗੈਂਗਸਟਰ ਦੀ ਪ੍ਰੇਮਿਕਾ ਦਿਵਿਆ ਹੱਤਿਆਕਾਂਡ ਦਾ ਮੁਲਜ਼ਮ ਬਲਰਾਜ ਪੱਛਮੀ ਬੰਗਾਲ ’ਚ ਗ੍ਰਿਫ਼ਤਾਰ
ਦੱਸ ਦਈਏ ਕਿ ਕੁਝ ਦਿਨਾਂ ਬਾਅਦ ਉਨ੍ਹਾਂ ਨੇ ਮੁੰਬਈ ‘ਚ ਪਰਫਾਰਮ ਕਰਨਾ ਸੀ, ਜਿਸ ਦੀਆਂ ਸਾਰੀਆਂ ਤਿਆਰੀਆਂ ਵੀ ਹੋ ਚੁੱਕੀਆਂ ਸਨ ਪਰ ਇਸ ਤੋਂ ਪਹਿਲਾਂ ਹੀ ਉਨ੍ਹਾਂ ਦੀ ਮੌਤ ਹੋ ਗਈ। 13 ਸਤੰਬਰ 1932 ਨੂੰ ਪੁਣੇ 'ਚ ਜਨਮੀ ਪ੍ਰਭਾ ਅਤਰੇ ਇੱਕ ਕਰਿਆਨੇ ਦੇ ਪਰਿਵਾਰ ਨਾਲ ਸਬੰਧਤ ਹੈ। ਉਹ ਇਸ ਘਰਾਣੇ ਦੀ ਸੀਨੀਅਰ ਗਾਇਕਾ ਸੀ। ਪ੍ਰਭਾ ਅਤਰੇ ਖਿਆਲ, ਠੁਮਰੀ, ਦਾਦਰਾ, ਗ਼ਜ਼ਲ, ਗੀਤ, ਨਾਟਸੰਗੀਤ ਅਤੇ ਭਜਨ ਵਰਗੀਆਂ ਕਈ ਸੰਗੀਤ ਸ਼ੈਲੀਆਂ 'ਚ ਮਾਹਰ ਸਨ। ਉਨ੍ਹਾਂ ਨੇ 'ਅਪੂਰਵਾ ਕਲਿਆਣ', 'ਦਾਦਰੀ ਕੌਸ', 'ਪਟਦੀਪ ਮਲਹਾਰ', 'ਤਿਲੰਗ ਭੈਰਵੀ', 'ਰਵੀ ਭੈਰਵੀ' ਅਤੇ 'ਮਧੁਰ ਕੌਨ' ਵਰਗੇ ਕਈ ਰਾਗਾਂ ਦੀ ਰਚਨਾ ਕੀਤੀ ਹੈ। ਸੰਗੀਤ ਰਚਨਾ ‘ਤੇ ਲਿਖੀਆਂ ਉਨ੍ਹਾਂ ਦੀਆਂ ਤਿੰਨ ਕਿਤਾਬਾਂ ਸਵਰਾਗਿਨੀ, ਸਵਰਾਰੰਗੀ ਅਤੇ ਸਵਰਨਜਨੀ ਕਾਫ਼ੀ ਪ੍ਰਸਿੱਧ ਹਨ। ਅਲਕਾ ਜੋਗਲੇਕਰ, ਚੇਤਨ ਬਨਾਵਤ ਵਰਗੇ ਕਈ ਗਾਇਕ ਉਨ੍ਹਾਂ ਦੇ ਚੇਲੇ ਰਹੇ ਹਨ। ਪ੍ਰਭਾ ਅਤਰੇ ਆਲ ਇੰਡੀਆ ਰੇਡੀਓ ਦੀ ਸਾਬਕਾ ਸਹਾਇਕ ਨਿਰਮਾਤਾ ਅਤੇ ਏ-ਗ੍ਰੇਡ ਡਰਾਮਾ ਕਲਾਕਾਰ ਵੀ ਰਹਿ ਚੁੱਕੀ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਯੂ-ਟਿਊਬਰ ਭੁਵਨ ਬਾਮ ਨੇ ਦਿੱਲੀ ’ਚ ਖਰੀਦਿਆ 11 ਕਰੋੜ ਦਾ ਬੰਗਲਾ
ਦੱਸਣਯੋਗ ਹੈ ਕਿ ਪ੍ਰਭਾ ਅਤਰੇ ਨੇ 18 ਅਪ੍ਰੈਲ 2016 ਨੂੰ ਨਵੀਂ ਦਿੱਲੀ ਦੇ ਇੰਡੀਆ ਹੈਬੀਟੇਟ ਸੈਂਟਰ ਵਿਖੇ ਸੰਗੀਤ ‘ਤੇ ਲਿਖੀਆਂ 11 ਹਿੰਦੀ ਅਤੇ ਅੰਗਰੇਜ਼ੀ ਭਾਸ਼ਾ ਦੀਆਂ ਕਿਤਾਬਾਂ ਲਾਂਚ ਕੀਤੀਆਂ ਸਨ। ਪੁਣੇ ਦੀ ਰਹਿਣ ਵਾਲੀ ਗਾਇਕਾ ਪ੍ਰਭਾ ਅਤਰੇ ਨੂੰ 1990 'ਚ ਪਦਮ ਸ਼੍ਰੀ ਅਤੇ 2002 'ਚ ਪਦਮ ਭੂਸ਼ਣ ਨਾਲ ਸਨਮਾਨਿਤ ਕੀਤਾ ਗਿਆ ਸੀ, ਜਦਕਿ ਦੋ ਸਾਲ ਪਹਿਲਾਂ 2022 'ਚ ਉਨ੍ਹਾਂ ਨੂੰ ਪਦਮ ਵਿਭੂਸ਼ਣ ਨਾਲ ਵੀ ਸਨਮਾਨਿਤ ਕੀਤਾ ਗਿਆ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Makar Sankranti 2024 : ਇਨ੍ਹਾਂ ਫ਼ਿਲਮਾਂ ’ਚ ਦਿਸੀ ਪਤੰਗਬਾਜ਼ੀ ਦੀ ਧੂਮ, ਕਿਤੇ ਹੈ ਪਿਆਰ ਤੇ ਕਿਤੇ ਜ਼ਿੰਦਗੀ ਦਾ ਸਬਕ
NEXT STORY 
