ਮੁੰਬਈ (ਏਜੰਸੀ)- ਯਸ਼ ਰਾਜ ਫਿਲਮਜ਼ (YRF) ਅਤੇ ਮੋਹਿਤ ਸੂਰੀ ਦੀ ਆਉਣ ਵਾਲੀ ਰੋਮਾਂਟਿਕ ਫਿਲਮ 'ਸੈਯਾਰਾ' ਦਾ ਚੌਥਾ ਗੀਤ 'ਹਮਸਫ਼ਰ' ਰਿਲੀਜ਼ ਹੋ ਗਿਆ ਹੈ। ਇਹ ਗਾਣਾ ਫਿਲਮ ਵਿਚ ਮੁੱਖ ਜੋੜੀ ਅਹਾਨ ਪਾਂਡੇ ਅਤੇ ਅਨਿਤ ਪੱਡਾ ਵਿਚਕਾਰ ਇੱਕ ਨਵੇਂ ਅਤੇ ਖੂਬਸੂਰਤ ਅਧਿਆਏ ਨੂੰ ਸਾਹਮਣੇ ਲਿਆਉਂਦਾ ਹੈ। ਇਸ ਗੀਤ ਨੂੰ ਸੰਗੀਤਕਾਰ ਜੋੜੀ ਸਚੇਤ-ਪਰੰਪਰਾ ਨੇ ਗਾਇਆ ਹੈ। ਮੋਹਿਤ ਸੂਰੀ ਨੇ ਖੁਲਾਸਾ ਕੀਤਾ ਕਿ ਹਮਸਫ਼ਰ ਉਨ੍ਹਾਂ ਲਈ ਨਿੱਜੀ ਤੌਰ 'ਤੇ ਬਹੁਤ ਖਾਸ ਹੈ, ਕਿਉਂਕਿ ਸਚੇਤ-ਪਰੰਪਰਾ ਉਨ੍ਹਾਂ ਦੇ ਮੁੱਖ ਅਦਾਕਾਰ ਅਹਾਨ ਅਤੇ ਅਨਿਤ ਲਈ ਇੱਕ ਤਰ੍ਹਾਂ ਦੀ ਪ੍ਰੇਰਨਾ ਬਣ ਗਏ। ਮੋਹਿਤ ਸੂਰੀ ਨੇ ਕਿਹਾ, ਸਚੇਤ ਅਤੇ ਪਰੰਪਰਾ ਇਸ ਗੱਲ ਦੀ ਇੱਕ ਉਦਾਹਰਣ ਬਣ ਗਏ ਕਿ ਕਿਵੇਂ 2 ਲੋਕ ਇੱਕ-ਦੂਜੇ ਤੋਂ ਪ੍ਰੇਰਨਾ ਲੈ ਕੇ ਇਕੱਠੇ ਸੰਗੀਤ ਬਣਾ ਸਕਦੇ ਹਨ।
ਇਸ ਲਈ ਅਹਾਨ ਅਤੇ ਅਨਿਤ ਨੇ ਸਚੇਤ-ਪਰੰਪਰਾ ਨਾਲ ਬਹੁਤ ਸਮਾਂ ਬਿਤਾਇਆ ਅਤੇ ਉਨ੍ਹਾਂ ਦੀ ਸੰਗੀਤ ਪ੍ਰਕਿਰਿਆ ਨੂੰ ਬਹੁਤ ਨੇੜਿਓਂ ਦੇਖਿਆ। ਇਹ ਅਨੁਭਵ ਦੋਵਾਂ ਕਲਾਕਾਰਾਂ ਲਈ ਬਹੁਤ ਹੀ ਫਲਦਾਇਕ ਸੀ ਕਿਉਂਕਿ ਉਨ੍ਹਾਂ ਨੇ ਸਿੱਖਿਆ ਕਿ ਕਿਵੇਂ ਰਚਨਾਤਮਕ ਦਿਮਾਗ ਮਿਲ ਕੇ ਵਿਚਾਰਾਂ 'ਤੇ ਚਰਚਾ ਕਰਦੇ ਹਨ, ਸਹਿਮਤ ਅਤੇ ਅਸਹਿਮਤ ਹੁੰਦੇ ਹਨ, ਪਰ ਫਿਰ ਵੀ ਇਕੱਠੇ ਸੁੰਦਰ ਸੰਗੀਤ ਬਣਾਉਂਦੇ ਹਨ। ਫਿਲਮ ਵਿੱਚ ਤੁਸੀਂ ਅਹਾਨ ਅਤੇ ਅਨਿਤ ਨੂੰ ਜੋ ਮਹਿਸੂਸ ਕਰਦੇ ਦੇਖੋਗੇ ਉਹ ਬਹੁਤ ਕੁਝ ਸਚੇਤ-ਪਰੰਪਰਾ ਨਾਲ ਉਨ੍ਹਾਂ ਦੇ ਤਜ਼ਰਬਿਆਂ 'ਤੇ ਅਧਾਰਤ ਹੈ। ਮੋਹਿਤ ਸੂਰੀ ਨੇ ਕਿਹਾ, 'ਹਮਸਫਰ' ਫਿਲਮ ਸੈਯਾਰਾ ਵਿੱਚ ਰੋਮਾਂਸ ਦੀ ਇੱਕ ਨਵੀਂ ਪਰਤ ਖੋਲ੍ਹਦਾ ਹੈ। 'ਹਮਸਫਰ' ਸਾਡੇ ਐਲਬਮ ਵਿੱਚ ਇੱਕ ਬਹੁਤ ਹੀ ਖਾਸ ਗੀਤ ਹੈ ਕਿਉਂਕਿ ਇਹ ਪਿਆਰ ਦੇ ਉਸ ਮੌਸਮ ਬਾਰੇ ਗੱਲ ਕਰਦਾ ਹੈ ਜਦੋਂ ਦੋ ਲੋਕ ਇਹ ਮਹਿਸੂਸ ਕਰਦੇ ਹਨ ਕਿ ਸਹੀ ਸਾਥ ਮਿਲ ਜਾਵੇ ਤਾਂ ਜ਼ਿੰਦਗੀ ਜੀਉਣ ਦੇ ਯੋਗ ਹੋ ਜਾਂਦੀ ਹੈ। ਅਹਾਨ ਪਾਂਡੇ ਫਿਲਮ ਸੈਯਾਰਾ ਨਾਲ ਆਪਣਾ ਬਾਲੀਵੁੱਡ ਡੈਬਿਊ ਕਰ ਰਹੇ ਹੈ ਅਤੇ ਉਸ ਦੇ ਨਾਲ ਅਨਿਤ ਪੱਡਾ ਮੁੱਖ ਭੂਮਿਕਾ ਵਿੱਚ ਹੈ, ਜਿਨ੍ਹਾਂ ਨੂੰ ਸੀਰੀਜ਼ 'ਬਿਗ ਗਰਲਜ਼ ਡੋਂਟ ਕਰਾਈ' ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਲਈ ਪ੍ਰਸ਼ੰਸਾ ਮਿਲੀ ਸੀ। ਸੈਯਾਰਾ ਦਾ ਨਿਰਮਾਣ YRF ਦੇ ਸੀਈਓ ਅਕਸ਼ੈ ਵਿਧਾਨੀ ਦੁਆਰਾ ਕੀਤਾ ਗਿਆ ਹੈ। ਇਹ ਫਿਲਮ 18 ਜੁਲਾਈ ਨੂੰ ਦੁਨੀਆ ਭਰ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।
ਹਿਮਾਂਸ਼ੀ ਖੁਰਾਨਾ ਦੀ ਜ਼ਿੰਦਗੀ 'ਚ ਹੋਈ ਨਵੇਂ ਪਿਆਰ ਦੀ ਐਂਟਰੀ! ਨਾਂ ਸੁਣ ਤੁਹਾਨੂੰ ਵੀ ਲੱਗੇਗਾ ਝਟਕਾ
NEXT STORY 
