ਨਵੀਂ ਦਿੱਲੀ (ਏਜੰਸੀ) : ਮਸ਼ਹੂਰ ਕਾਮੇਡੀਅਨ ਸਮੈ ਰੈਨਾ ਨੇ ਆਪਣੇ ਚਰਚਿਤ ਅਤੇ ਵਿਵਾਦਿਤ ਸ਼ੋਅ "ਇੰਡੀਆਜ਼ ਗੌਟ ਲੇਟੈਂਟ" ਦੇ ਦੂਜੇ ਸੀਜ਼ਨ ਦੀ ਸ਼ੁਰੂਆਤ ਦਾ ਇਸ਼ਾਰਾ ਦਿੱਤਾ ਹੈ। ਆਪਣੇ ਨਵੇਂ ਸਟੈਂਡਅੱਪ ਸ਼ੋਅ 'ਸਟਿਲ ਅਲਾਈਵ' ਦੌਰਾਨ ਉਨ੍ਹਾਂ ਨੇ ਪਿਛਲੇ ਸਾਲ ਹੋਏ ਉਸ ਵੱਡੇ ਵਿਵਾਦ 'ਤੇ ਵੀ ਚੁੱਪੀ ਤੋੜੀ, ਜਿਸ ਕਾਰਨ ਉਨ੍ਹਾਂ 'ਤੇ ਕਈ FIRs ਦਰਜ ਹੋਈਆਂ ਸਨ।
ਵਿਵਾਦ ਕਾਰਨ ਯੂਟਿਊਬ ਤੋਂ ਹਟਾਉਣਾ ਪਿਆ ਸੀ ਸ਼ੋਅ
ਜ਼ਿਕਰਯੋਗ ਹੈ ਕਿ ਪਿਛਲੇ ਸਾਲ ਫਰਵਰੀ ਵਿੱਚ ਇਸ ਸ਼ੋਅ ਦੌਰਾਨ ਯੂਟਿਊਬਰ ਰਣਵੀਰ ਅੱਲਾਹਬਾਦੀਆ ਦੇ ਇੱਕ ਚੁਟਕਲੇ ਕਾਰਨ ਦੇਸ਼ ਭਰ ਵਿੱਚ ਹੰਗਾਮਾ ਹੋ ਗਿਆ ਸੀ। ਇਸ ਵਿਵਾਦ ਤੋਂ ਬਾਅਦ ਸਮੈ ਰੈਨਾ ਨੂੰ ਆਪਣਾ ਪੂਰਾ ਸ਼ੋਅ ਯੂਟਿਊਬ ਤੋਂ ਹਟਾਉਣਾ ਪਿਆ ਸੀ। ਰੈਨਾ ਨੇ ਕਿਹਾ, "ਮੈਨੂੰ ਨਹੀਂ ਲੱਗਦਾ ਕਿ ਮੇਰਾ ਸ਼ੋਅ ਇਸ ਤੋਂ ਵੱਡੇ ਪੱਧਰ 'ਤੇ ਖਤਮ ਹੋ ਸਕਦਾ ਸੀ। ਪਰ ਮੈਂ ਇਸਨੂੰ ਵਾਪਸ ਜ਼ਰੂਰ ਲਿਆਵਾਂਗਾ ਕਿਉਂਕਿ ਮੈਨੂੰ ਇਹ ਪਸੰਦ ਹੈ।" ਉਨ੍ਹਾਂ ਕਿਹਾ ਕਿ ਹੁਣ ਦਰਸ਼ਕਾਂ ਨੂੰ ਇਸ ਦਾ 'ਸੈਂਸਰ' ਕੀਤਾ ਹੋਇਆ ਵਰਜ਼ਨ ਦੇਖਣ ਨੂੰ ਮਿਲੇਗਾ।
ਇਸ ਦੌਰਾਨ ਰੈਨਾ ਕਾਫੀ ਭਾਵੁਕ ਨਜ਼ਰ ਆਏ। ਉਨ੍ਹਾਂ ਦੱਸਿਆ ਕਿ ਵਿਵਾਦ ਦੌਰਾਨ ਉਹ ਉਦੋਂ ਪੂਰੀ ਤਰ੍ਹਾਂ ਟੁੱਟ ਗਏ ਸਨ ਜਦੋਂ ਉਨ੍ਹਾਂ ਨੇ ਆਪਣੇ ਦੋਸਤ ਅਤੇ 'ਹੈਬੀਟੇਟ ਕਲੱਬ' ਦੇ ਮਾਲਕ ਬਲਰਾਜ ਸਿੰਘ ਘਈ ਦੇ 70 ਸਾਲਾ ਬਜ਼ੁਰਗ ਮਾਪਿਆਂ ਨੂੰ ਪੁਲਸ ਅੱਗੇ ਗਿੜਗਿੜਾਉਂਦੇ ਦੇਖਿਆ। ਰੈਨਾ ਨੇ ਦੱਸਿਆ, "ਉਨ੍ਹਾਂ ਬਜ਼ੁਰਗਾਂ ਨੂੰ ਪੁਲਸ ਸਾਹਮਣੇ ਬੇਵੱਸ ਦੇਖ ਕੇ ਮੈਂ ਆਪਣੇ ਆਪ ਨੂੰ ਸੰਭਾਲ ਨਹੀਂ ਸਕਿਆ ਅਤੇ ਰੋਣ ਲੱਗ ਪਿਆ। ਮੇਰੀ ਇੱਕ ਵੀਡੀਓ ਕਾਰਨ ਇੰਨੇ ਲੋਕਾਂ ਨੂੰ ਮੁਸੀਬਤ ਝੱਲਣੀ ਪਈ।"
ਰੈਨਾ ਨੇ ਦੱਸਿਆ ਕਿ ਉਸ ਸਮੇਂ ਰਣਵੀਰ ਅੱਲਾਹਬਾਦੀਆ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲ ਰਹੀਆਂ ਸਨ ਅਤੇ ਅਪੂਰਵਾ ਮਾਖੀਜਾ ਵਿਰੁੱਧ ਵੀ FIR ਦਰਜ ਕੀਤੀ ਗਈ ਸੀ। ਰੈਨਾ ਨੇ ਕਿਹਾ, ਮੇਰੇ ਖਿਲਾਫ 3 FIR ਦਰਜ ਹਨ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਉਸ ਐਪੀਸੋਡ ਵਿੱਚ ਮੈਂ ਕੁਝ ਕਿਹਾ ਵੀ ਨਹੀਂ ਸੀ, ਬਸ ਕੋਨੇ ਵਿੱਚ ਬੈਠਾ ਸੀ।
ਮਸ਼ਹੂਰ ਗਾਇਕਾ ਲੇਡੀ ਗਾਗਾ ਨੇ ਰੱਦ ਕੀਤਾ ਆਪਣਾ ਲਾਈਵ ਸ਼ੋਅ, ਸੋਸ਼ਲ ਮੀਡੀਆ 'ਤੇ ਪ੍ਰਸ਼ੰਸਕਾਂ ਤੋਂ ਮੰਗੀ ਮੁਆਫੀ
NEXT STORY 
